عـــشــق بــدوي لــن تـفـهـمـيـه! 🌾
فكرة وإشراف: ندى علامي
بقلم: Sola Ait Reddad
أخذليه كي لاينساكي.. وأوجعيه كي يحبك أكثر 📌
#الجزء_42:
جالسة فوق السرير كتبرد ظفارها وتدندن مع الموسيقى قاطعها صونيط التلفون هزاتو وابتسمت فتحت الكام
صابرين: لاباس عليك
جلال: كيهدر ناقص) الحمد لله
صابرين: مالك شفتك مغير
جلال: مشيت هاد صباح دفعت ضوسيي باش نطلع لك وراقك لقيت ناقصني ورقة عاد خدمتي هنا غ فنوار مامرسمش رفضو الضوسي من الباب
صابرين: كيفاش دابا واش مغتدفعش ليا وراقي
جلال: وانا كرهت راه أنا براسي دابا خاص نوقف على ضوسي ديالي ملي ولا ناقص راه باقي انا غ حارگ دابا لا تشديت يردوني فحالي انا كامل
صابرين: كتغوت) وشنو غندير انا دابا راه هاد الشهر صافي غ ندوز الامتحان وديك ساع خاص نكون تم يله نقاد اموري نبدا مع الدورة قد قد
جلال: واش انا كرهت اصابرين هاد شي لي عطا الله تنقاد الأوراق وندفع ليك
صابرين: وامتا امتا غ تقاد هاد الأوراق أعوام وانت تم يله صاوبوهم لك شنو دابا غ تزيد تاني شي 6 سنين آخرة يلاه تقادهم
قطعت عليه معصبة وجلست كتغدد
صابرين:مرض تفو تاحاجة مامقادة
وقفت كتمشي وتجي دايرة يديها على جنابها: ميمكنش ميمكنش وخا نعرف نحرق انا براسي ومنبقاش هنا
هبطت للتحت دايخة بيها ملقات تاحد شافت غانم دخل حط شي وراق فوق الطبلة ابتسم لها وخرج.. مشات من موراه هزتهم كتقرا فيهم كانو ديال شي فيرما مكاشين ناقصهم غ سينياتور شافت فالفوق د الورقة العنوان
العنوان البريدي:
Place de l'Hôtel de Ville
75196 Paris cedex 04
France
صابرين: كيفاش الفيرما هنا والعنوان د فرنسا
قلبت الأوراق لاخرين كانو ديال الملكية وفيهم البلان ديالها شكلها مختلف على هادي
صابرين: كيفاش واش هدا عندو شي فيرما ففرنسا ولا شنو
سمعت تقرقيب عند الباب حطاتهم بزربة من يدها وجلست كتقلب فتلفازة دخل هو شافهم جبد ستيلو وقع عليهم وهزهم دخلهم البيرو سورت عليهم فالخزنة ورجع جلس حداها..
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
أنت تقرأ
عِــشْــق بَــدَوِي لـنْ تَــفـهــمِــيـه! " بالدارجة المغربية "
ChickLit✨حصريا وفقط على صل نامبر وان✨ عِـــــــشْـــــــق بَــــــــــدَوِي لـــــنْ تَــــفْـــهــــمِـــــيـــه! 🌾 فــكــرة وإشـــراف: الــزعـــيــمـــة نــــدى عــلامــــي بـــقـــلـــــم: Sola Ait Reddad سَحابةُ الصُّمودِ حَجبتْ عَنها رُؤْية ال...
