رجعو من بعد مدة طويلة بدا كيطيح الظلام.. مد لها يده تنزل شدها من خصرها كيشوف فوجها قريب من وجهه وهي منزلة عينيها متفادية اي احتكاك معاه.. مشا هو دخل العودان وزادت كتمشى بشوي حتى كتحس بيدها وسط يده شافت فيه بزربة مهبط راسه بدون اي تعبير جرت يدها منه بسلاسة وكملت طريقها معاه داخلين للدار فين كانت للايطو كتصلي العشا جالسة.. مشات جلست حداها وهو دخل توضا ومشا للصالون طلق السجادة صلا عاد رجع عندهم كيسولها على حالها
للايطو كتشوف فصابرين : شوية الحمد لله مبقاش ضارني
هزت لها حاجبها كتطلعه وتشوف فيه
للايطو: ونتوما فين كنتو الليل هذا
سلمان: كنت مع صابرين ركبتها على الخيل
للايطو: اينا واحد
سلمان: باربارو
خرجت فيه عينيها: العود ديال المرحوم ياك مكيركب عليه حد
كيشوف فصابرين: صابرين ماشي حد الوالدة
شاف فمو: راه مرتي وزيدون معندو مغيطرا ليه راه كنت معاها.. كاين شي عشا باغي نطلع نعس
عيطت لهم جابو العشا ومدت يدها لصابرين: شدي مني نوض لا قديت
شدت منها كتعوج ففمها وهي موكية عليها
سلمان: متفورصيش على راسك للايطو: لا راني شوية لاباس دوك العشوب ديال للا هنية مزيانين من ديما غ نديرهم ونوض صحة سلام
قربت حداهم للطبلة تعشات معاهم ميكة على صابرين وحتى هي مشافتش جهتها.. كملو عشاتهم وناضت صابرين هي لولا طلعت فحالها كتدور الفوق مشات للبالكون لي تم كبير فيه جليسة كيطل تاهو على الأراضي مضوي بلامبات قدام وفيه الغرس
حطت يديها على الحيط القصير د زاج كتشم الهوا هازة راسها الفوق وشعرها مطيره الريح.. زادت عند الغرس كتشوف فيه اشكال وانواع مختلفة مدت يدها ملي شافت شي حاجة وراهم وجبدتها كتشوف فيها بنظرة شريرة..
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
