عشق بدوي لن تفهميه! 🌾
فكرة وإشراف: Nada Alami
بقلم: Sola Ait Reddad
كنت أطعمها قمح فؤادي براحتي.. عجبا كيف بات يرضيها فتات الطريق 🥀
#الجزء143:
رجعت هبطت عندهم .. الهاشمية كل شوي كتجي توشوش ليطو فودنها وتخرج تسخر وترجع بميكات كحلين دخلتهم لبيت للايطو وسورتت عليهم .. حطو العشا بكري وصدرو البنات تاني .. كلات غ صابرين وهما واقفين لها عند راسها تا كملت وسلتو للبيت سدو عليهم وتبعتهم هي بلا حس مشات جهة السرجم محدور فيه الگرياج وزاج بالألوان الأصفر الأخضر والأحمر .. تكات وطلقت ودنيها كتسمع فيهم كيقادو فالالوان والبخور ودكشي لي موالفين يديرو
للايطو : كلشي مقاد ياك مابقا خاص والو غ ذبيـ حة غ تجيبها غدا شوافة
الهاشمية: وقفت كتنفض بيجامتها من الفتات د الحنة والبخور) صافي كلشي هو هداك
اليوم الموالي..
جالسة صابرين والفطور قدامها قطعت مع سلمان لي قال لها غ يجي غدا وناضت كتدور وتشوف فاركان الدار
صابرين: تأ .. فين البنات شفت مكاين حد شكون غ يجمع هاد الطبلة
للايطو: غ تعالي هاهي الهاشمية تجمعها راه مشاو .. خليهم غ يبردو ودنينا من صداع
صابرين: وعلاش ماموالفاش ليهم الا مشاو كيجيو وحدين اخرين الكوزينة مكتخواش
للايطو: تانتي اليوم غ سوق خليهم يمشيو تا الخداما راه مكيجوش اليوم
صابرين: امم اوا صافي
ظلت لهم تماك وهما باغين يبداو فالخدمة ساطت يطو تا عيات وطردتها وتقول هي واش تقلعت .. دخلت للايطو على الهاشمية مع العصر ومدت لها عشبة
يطو : ديريها ليها فأتاي تنعس وتهنينا شوافة راه دابا وتجي
خرجت من الكوزينة وهربت صابرين لي كانت كتسنط عليها .. جابت الهاشمية اتاي حطت ليها كاس مكبوب وناضت صابرين شادا من راسها
صابرين: ايي راسي ضرني
للايطو : طلعي تكاي
صابرين: اه غ نطلع
طلعت الفوق شادا من راسها تا فاتت دروج وجلست كتطل تا بانت لها شوافة داخلة بعينيها كيخلعو مكحلين كحل د الفراعنة والمعلم الكناوي .. قادو الصالون من جديد وربعو يديهم كيتسناو ليل يطيح .. دخلت لبيتها كتقلب على نمرتو ودورت ليه
صابرين: كتنهج) سلمان .. سلمان
سلمان: صابرين مالكي
صابرين: ضرني راسي دابا تجي
سلمان: شربي دوا راه كاين تم
صابرين: لا مغيدير لي والو انا غ نسيفط لك صورة لي كنشرب وجيبو لي دابا راه راسي غ يتقسم
أنت تقرأ
عِــشْــق بَــدَوِي لـنْ تَــفـهــمِــيـه! " بالدارجة المغربية "
ChickLit✨حصريا وفقط على صل نامبر وان✨ عِـــــــشْـــــــق بَــــــــــدَوِي لـــــنْ تَــــفْـــهــــمِـــــيـــه! 🌾 فــكــرة وإشـــراف: الــزعـــيــمـــة نــــدى عــلامــــي بـــقـــلـــــم: Sola Ait Reddad سَحابةُ الصُّمودِ حَجبتْ عَنها رُؤْية ال...
