عـــشــق بــدوي لــن تـفـهـمـيـه! 🌾
فكرة وإشراف: Nada Alami
بقلم: Sola Ait Reddad
كنت أطعمها قمح فؤادي براحتي.. عجبا كيف بات يرضيها فتات الطريق 🥀
#الجزء_102:
للايطو: جلسي .. شفتي يديها ولالا
الهاشمية: كدور فراسها ومغمضة عينيها) شفتهوووم أخيتي الدرية زوهرية .. هاكاك خط واحد قاسم ليها يدها
للايطو: وانا نقول مال ولدي غارق فيها تال الودنين قولي السيدة بماليها هي غ جالسة وهما يخدمو عليها
الهاشمية: وييه .. الله ينصرهم عل الحق
للايطو: وا سمعيني دابا .. تاحنا غ نوضو نباليو براسنا .. غدا غ نديرو ليلة الملوك (الليلة الكناوية) نطردو العين الخيبة ونطلبو من الشرفا والاوليا الشيفا والبركة
الهاشمية: اييه وكي غ نديرو معاها هي؟
للايطو: ولا عليك هي طايحة مريضة دابا .. غدا نقوليها بقاي غ فبيتك ونعطيها شي عشبة تنعسها وحنا بليل خاص نخويو الدار .. سيفطي دابا الدريات باش غدا نخدمو علا خاطرنا مايتخالط معانا حد
الهاشمية: صافي دابا نسيفطهم .. وكاين دكشي لي خاص؟
للايطو: انا نشوف لاكانت باقا شي حاجا .. لامبقاتش را تنسيفطك عند العطار جيبي من عندو رابعة رابعة من الحاجا
الهاشمية: صافي
لايطو: يلا نوضي هي لولا
مشات الهاشمية علمت البنات يساليو ويمشيو لديورهم وميجيو تال الغد ليه غ خرجو ومشات للمجورا كتقلب فالميكات لي صالحة تحطها تا جمعت كلشي وجات تجري عند للايطو وراتهم لها
لاايطو: كاين كلشي هنا؟ البخور كلو هنا؟
الهاشمية: البخور كاين .. الألوان مكياينينش
للايطو: جيبيهم غدا نوضي بكري وعلمي معاك الشوافة والمعلم وعطيهم باش يجيبو الذبيحة ديال الكرنة عتروس كحل (جبدت لها البزطام من شونها)
الهاشمية: كيغنديرو ندخلو هاد شي والعساسا طالين الدنيا؟
لايطو: دوري من الجهة لخرا من جهة دار غانم وسيري تم مكاينش العساسا وجيبي معاك الشوافة هي لولا تقاد لينا دكشي فالطبوقا
الهاشمية: صافي ولا عليك غدا نوض عل الفجر
لايطو: يلا حيدي عليا تصبحي على خير
ناضت تنعس وشادا تسبيح مرة تسبح مرة تجلس تعاود هي وراسها تا نعست
الصباح صبحو على الطبوقا كل واحد ونوع البخور لي فيه بحيث كل نوع كيناسب واحد من ملوك الجان كذلك الألوان لي كانو سبعة كل واحد كيليق لملك: ميرا ،ميمون، شمهروش، مليكة، حمو...
أنت تقرأ
عِــشْــق بَــدَوِي لـنْ تَــفـهــمِــيـه! " بالدارجة المغربية "
Literatura Kobieca✨حصريا وفقط على صل نامبر وان✨ عِـــــــشْـــــــق بَــــــــــدَوِي لـــــنْ تَــــفْـــهــــمِـــــيـــه! 🌾 فــكــرة وإشـــراف: الــزعـــيــمـــة نــــدى عــلامــــي بـــقـــلـــــم: Sola Ait Reddad سَحابةُ الصُّمودِ حَجبتْ عَنها رُؤْية ال...
