عـــشــق بــدوي لــن تـفـهـمـيـه! 🌾
فكرة وإشراف: ندى علامي
بقلم: Sola Ait Reddad
أخذليه كي لاينساكي.. وأوجعيه كي يحبك أكثر 📌
الجزء 52:
سولو واحد فالطريق غادي تاهو يشوف شنو كاين
عبد الكبير : تا اش طاري
الراجل: خليفة ماعرت مالو مع بنتو كيضرب فيها
مشاو كيجريو دفعو الناس لي كتفرج ودخلو وسطهم يفكوه وهو فحال شي تور ولاو فيه عشرة
خليفة: الكل*ب بوك فين تعطلتي هااه دوي
عبد الكبير كيجر فيه: تانعل الشيطان ااو تفرق عليها
خليفة: طلق مني ا عبد الكبير الشمش غربت وهي عاد جايا ليا فين كنتي (كيعطيها بقبضة يدو للظهر حتى كتصكر)
جرو جبران بعدو عليها وهي نوضوها الناس كتبكي وترجع زيفها على راسها
شادينو الرجال وهو كيغوت: تاطلقو مني والله اليوم ياتنعطب بوها من شي رجل لي وليت انا لي راجل داخل وهي دايعة ليا تالمغرب
عبد الكبير: وا نعل الشيطان اخليفة اتا مالك على هاد الجهد
خليفة:تا طلق مني خليني نربي الحرامة
عبد الكبير: ااو! لاتربيها دير ليها ضرب الجدارمية
جروه الرجال بعدوه شوي عليها ومشا هو عندها كانو مجلسينها فوق واحد الحجرة شاف فيها لقا عينها زرقة وشادة من ظهرها
شاف فواحد الدري صغير: شوف سير لسبيطار عند الطبيب قوليه يعطيك بومادا *** دغيا متعطلش
مشا الولد كيجري وجا باها :نوضي تهزي لداركم غ بلاتي والله لابقات فيك
هز يده معصب: وصافي اسي مكفاكش هادشي لي درتي ليها
خليفة: دخل سوق راسك اسيدي بنتي وانا حر فيها مغتورينيش اش ندير
جبران: لاكانت بنتك دير فيها هاد الحالة كن ما حشمت نعيط دابا للجوندارم يجيو يهزوك على ديك الحالة لي درتي فيها
خليفة كيشوف فمالين الدوار: اتا شتو هدا كيتهدد عليا قالك
مشا ليها جرها من دراعها: زيدي قدامي بقاو لينا غ البعالك يورنا شغلنا
دار ليه شنق عليه من الكول والناس كتفك: كيفاش البعالك ياكما تنغيبك عاد غ تحشم
دخل وسطهم عبد الكبير: والله يهديكم الجماعة اش وصلنا لهاد شي
خليفة: هي لادخل سوق راسه
جر بنتو ومشا خلا الناس منهم لي كيعاير فيه ومنهم لي عجبو تصرفو بدعوى البنت خاصها تحكم..
أنت تقرأ
عِــشْــق بَــدَوِي لـنْ تَــفـهــمِــيـه! " بالدارجة المغربية "
ChickLit✨حصريا وفقط على صل نامبر وان✨ عِـــــــشْـــــــق بَــــــــــدَوِي لـــــنْ تَــــفْـــهــــمِـــــيـــه! 🌾 فــكــرة وإشـــراف: الــزعـــيــمـــة نــــدى عــلامــــي بـــقـــلـــــم: Sola Ait Reddad سَحابةُ الصُّمودِ حَجبتْ عَنها رُؤْية ال...
