عِــشْــق بَــدَوِي لـنْ تَــفـهــمِــيـه! " بالدارجة المغربية "

💕 الفصل السادس💕

عـــشــق بــدوي لــن تـفـهـمـيـه! 🌾

فكرة وإشراف: ندى علامي

بقلم: Sola Ait Reddad

أخذليه كي لاينساكي.. وأوجعيه كي يحبك أكثر 📌

#الجزء_16:

الصباح فاق كيف عادتو بكري صلا وخرج يقابل الخدمة خلاها ناعسة شحال من موراه عاد فاقت وحدة وحدة عليها كتقاد راسها.. خرجت للبالكون كتشوف فالخداما عاطينها بظهرهم خدامين دورت رجليها لفاليز جبدت سيرفيط كولون وتيشورت ديالها فالكريمي لاصقة على طايتها مع سبرديلة كحلة وهبطت كتنقز فدروج تصادفت مع للا يطو داخلة كتطلع وتهبط فيها دازت فيها ومشات للكوزينة حطو لها تفطر داقت شوي وعمرت قرعة د الما وجات خارجة

للايطو: فين اللاهم

دارت لكاسك ديالها فوق راسها خدمت الموسيقى وخرجت كتجري مامسوقاش لها

من طبعها ماشي انسانية بيتوتية عاطياها غ لدوران هاد الفترة لي دوزت هنا كتحس بسببها غ تدخل فشي اكتئاب عليها قررت اليوم تجدد شوي من طاقتها وبدات بسبوغ.. زادت كتجري مدة طويلة فالفيرما للحظة الخداما حطو العتالي ديالهم كيشوفو فيها كتجري وذاتها مرسومة فاتتهم عاد رجعو مكملين وفكل ارض كدوز عليها الفلاحة متبعينها

متكي راسه كيحسب فالفلوس وكيمد لكل واحد خلاصه د سيمانة وكيهدر ويوصي كيف عادته وكيفيدهم من خبرته فالفلاحة باش كلشي يمشي كيف باغي.. للحظة كيهز راسه كيلقاهم حالين فمهم من موراه حتى واحد مامعاه

دور راسه بالعرض البطيئ متبع معاهم الفيلم حتى كيتسعق منها غادا بداك لباس كتجري وترمتها وصدرها كيتهزو فكل مرة.. بعدت منهم شوي ووقفت كدير الحركات كتجبد يديها لعند رجليها ومكوزة عليهم.. بقا كيشوف مصدوم ماعرف باش تبلا دور راسه مغدد

سلمان: تحركو غبرو عليا فاش كتفرجو

هبطو راسهم غادين ومرة مرة كيدورو يشوفو

تحنا هز حجرة بغا يشير عليهم: واش مدويتش راه غ نعطب فيكم شي واحد

رما الحجرة ودار غادي لها مكيشوفش قدامه بالاعصاب الغرس كله داز فيه برجله ماهموش وهو غادي لها كيخطوي دغيا حتى وصل عليها جرها من دراعها مرجعها كتحس يدها غ تقسم كل مرة تنتر منه لكن حاكمها مخلاش ليها فين ترجع دخلها مع الباب شدت له فيد الباب رافضة تطلع رجع جمع لها يديها بجوج وجرها

واقفة قدامهم كتشوفو كيف جارها ابتسمت بعز عجبها فيها رجعت دخلت وخلاتو طلعها فالدروج لبيت مع سد البيت دفعها تاجات مردوخة على الأرض هزت راسها باغا تهدر ساعا فاش شافت وجهه جمعتها، عينيه جمرة خارجين فيها مزير على قبضة يده دوا بصوت حاد عالي

سلمان:اش قلنا على اللبس

هز يده كيحسب لها

قلنا الدار عامرة خماسة.. قلنا هاد اللبس د الصلگوطات ماباغيهش... قلنا هاد الدار عندها قانون ومكنبغيش الخفة، اش ندير فيك دابا نسلخ والديك