عـــشــق بــدوي لــن تـفـهـمـيـه! 🌾
فكرة وإشراف: Nada Alami
بقلم: Sola Ait Reddad
كنت أطعمها قمح فؤادي براحتي.. عجبا كيف بات يرضيها فتات الطريق 🥀
#الجزء117:
تبعاتو مشا تحت واحد السقف فيه كراسا ديال الخشب وجلس .. وقفت عليه ربعت يديها كتبومبا
سلمان: هز فيها راسو) جلسي
طلقت يديها وجلست حداه كتدور فعينيها قدامها
سلمان: اخر مرة هدرنا فيها قبل مانجي هنا كنت قلت ليك فكري فحل نديروه ملي نرجع .. رجعت وهانتي كتشوفي الأوضاع كيف دايرا وحدة تلوحنا لوحدة .. ماعلينا .. فرنسا لي كنتي باغا هانتي جيتي لها درتي العملية ونتمناو تكون ناجحة
شاف فيها
دابا ابنت الناس الحل لي بغيتيه غ نديرو معاك .. بغيتي ترجعي معايا بغيتييي (سكت شوي عاد خرجها كيشوف فيها) نطلقو
جمعت شفايفها كتلعب بيهم على اعصابه وهو كيتسنا رد منها
سلمان: شنو صابرين .. تبغي تكتبي؟ نعيط لجبران؟
دخل عيط لجبران خرجو بجوج ورجع جلس حداها
سلمان: مد لها تلفون) كتبي الا بغيتي تقولي شي حاجا
شافت فيهم بجوج وخدات من عندو تلفون كتبت فيه وعطاتو لجبران
جبران: مكنظنش هادشي يحتاج تسولني عليه
سلمان: مع صابرين) لا خاص نسول باش نبرء راسي ونحيد عليا التهمة .. كنعاود نقول ليك لي بغيتي نتي هو لي غ يكون تاواحد مغيبزز عليك شي حاجا
شبك صباعو مع بعض كيشوف فيها شنو غ تقول
خدات تلفون كتبت لهم: طلقني وفاقرب وقت
جبران: قاتلك بغات طلاق
سلمان: متأكدة؟.. فكري مزيان صابرين
صابرين: اه
وقف: وخا .. اجي معايا
ناضت تبعاتو طلع لبيتها حل الماريو كيجمع لها ف حوايجها وهي مراقباه كتشوف فيه جمع لها كلشي حطهم فوق السرير وخرج لبيتو شوي ورجع هاز صاك صغير وقف قدامها وحلو ليها كيشوف فيه
سلمان: هنا كاين وراقك .. گاع دكشي لي غ تحتاجيه كاين هنا
حطو لها مع الفاليزا وسدها جرها قدامو وشار ليها باش تخرج معاه
تبعاتو فصمت كتشوف فيه شنو باغي يدير ليها تاوصلو التحت قدام الطوموبيل خرج لعندهم جبران كيشوف فالفاليز وفيهم
جبران : فين غادين؟
سلمان: غ ندي صابرين
جبران: فين غادي بيها اصاحبي منيتك .. وباها لي جاي ليها
أنت تقرأ
عِــشْــق بَــدَوِي لـنْ تَــفـهــمِــيـه! " بالدارجة المغربية "
ChickLit✨حصريا وفقط على صل نامبر وان✨ عِـــــــشْـــــــق بَــــــــــدَوِي لـــــنْ تَــــفْـــهــــمِـــــيـــه! 🌾 فــكــرة وإشـــراف: الــزعـــيــمـــة نــــدى عــلامــــي بـــقـــلـــــم: Sola Ait Reddad سَحابةُ الصُّمودِ حَجبتْ عَنها رُؤْية ال...
