عشق بدوي لن تفهميه! 🌾
فكرة وإشراف: Nada Alami
بقلم: Sola Ait Reddad
كنت أطعمها قمح فؤادي براحتي.. عجبا كيف بات يرضيها فتات الطريق 🥀
#الجزء145:
جالس فالبالكون كيشوف قدامو فالارض لي عطا كل ماعندو عليها .. عاش طفولة مغايرة على قبل كلمة راجل لي باه رباه عليها وكان ديما مزيدو لتمارة باش يعرف بحقها ويقصاح .. باش نهار يتكسر عودو يتكا عليه ويخلي سند صحيح ليطو من موراه .. فعلا دكشي لي كان لكن اليوم هي بيدها كسرات ليه عودو وملي بغا يتكا ويتسند مالقا علامن .. الحضن لي كان عندو اليوم طلع مغشوش .. هز راسو لسما وزفر بضيق غصة واحلة ليه فحلقو ماباغاش تهبط .. حطت يدها على كتفو كتطبطب عليه جرها حداه وتكا راسو على صدرها كيسمع لنبضاتها عاد تكلم
سلمان: علاش مخليتينيش نمشي
صابرين: فين كنتي غ تمشي؟
سلمان: اي بلاصة المهم منبقاش معاها فدار وحدة
صابرين: حتال امتا
سلمان: راه قلت تال امتا
صابرين: سلمان راه مك هاديك واش شفتي حالتها كيف ولات ملي شافتك غادي
سلمان: عليها دارت بحسابي
صابرين: هادي اول واخر مرة غ خليك تاتشوف كلشي بعينيك .. الا رجعت تاني دارت شي حاجا ديك ساع دير لي بغيتي انا معاك فيه
سلمان: وخا كانت باغا دير فيك دكشي!
صابرين: الجهل هاداك هما فهمو غلط ومشاو المعصية برجليهم .. خليهم منهم لله
سلمان: عمري ظنيتها فيها .. عمري شكيت ديرها المرا لي كانت كتسلخني باش نتبع با لجامع نصلي ونحفظ القرآن دابا مدورة بيها رباعة ديال ااسحارة (شاف فيها) علاش ماقلتيش ليا ضر بوك
صابرين: هاهما تفرشو دابا بلا والو
سلمان: وكن متفرشوش علاش بقيتي ساكتة
صابرين: مكنتيش غ تيقني
سلمان: علاش مغنتيقكش؟ عمري ماتقتش فيك؟ ياك تقتي فيك هي لي خلاتني غادي تابعك وعينيا مغمضين تا درتيها بيا فلخر
صابرين: المهم صافي دابا كلشي بان
سلمان: هز فيها راسو) صابرين راه على هادشي مكنبغيش الخواض .. عمرك تخبي عليا شي حاجا لي كاينة قوليها ليا كيفما بغات تكون متلعبيش من ورا ظهري وديري شرع يديك
صابرين: واصافي دابا علاش كتقول ليا هاكا شنو كاع غ نخبي
سلمان: مانعرف انا غ كنبهك .. تطرا الحاجة قوليها ليا ماشي تخبي تاتكبر ونوليو فحوايج هما
صابرين: صافي وخا .. يلاه ندخلو
سلمان: دخلي نتي انا جاي
صابرين: لا نوض شنو غ تبقا دير هنا
أنت تقرأ
عِــشْــق بَــدَوِي لـنْ تَــفـهــمِــيـه! " بالدارجة المغربية "
ChickLit✨حصريا وفقط على صل نامبر وان✨ عِـــــــشْـــــــق بَــــــــــدَوِي لـــــنْ تَــــفْـــهــــمِـــــيـــه! 🌾 فــكــرة وإشـــراف: الــزعـــيــمـــة نــــدى عــلامــــي بـــقـــلـــــم: Sola Ait Reddad سَحابةُ الصُّمودِ حَجبتْ عَنها رُؤْية ال...
