عشق بدوي لن تفهميه!
#الجزء170:
صــــــراع الاصـــــــــول 💫💫
بعد مرور 5 أيام..
طالع فالدروج ديال العمارة هاز فيدو بوكي دفلوغ والنظاظر كحلين كيف العادة جبد السوارت دورهم فالباب ماحلوش ليه حيد النظاظر ورجع كيقلب فيهم كل مرة يجرب واحد تا تحل الباب وخرجت عندو كتشوف فيه
المرا: شكون انت اسيدي
هز فيها الحاج عينيه كيطلعها ويهبطها
الحاج: كاينة رزان كلميها ليا قوليها عمك باغيك
المرا: مكنعرف تا رزان انا اسيدي سمح ليا (دخلت بغات تسد الباب وحبسو )
الحاج : كيفاش مكتعرفي تا رزان وشنو كديري هنا
المرا: داري هادي الشريف
هز راسو لرقم الدار هو نفسو شوية وخرج راجلها وجوج ولادهم
الراجل: اش كاين شكون هدا
المرا: ماعرفتش جا كيسول على شي وحدة
الحاج: راه هادي داري شكديرو هنا
الراجل: كيفاش دارك تسطيتي شوية .. هاد الدار شريناها هادي 4 ايام
الحاج: من عند من شريتيها من عند رزان؟
الراجل: مكنعرف تا رزان انا شريت من عند سمسار
سد الراجل الباب وزادو فحالهم خلاوه شاد الورد كيشوف فيه ويدور فعينيه لاحو من يدو وهبط شاد الطريق لدارها القديمة طلع كيدق ويفرع فالباب ماجاوبو تاحد .. خرجت وحدة من لجارات لي القدام
الجارة: اسيدي راه مكاين تاحد راه خواو كلهم لي كانو هنا .. واقيلا الدار تباعت حيت شي وحدين جاو شافوها الصباح
الحاج: رزان فين
الجارة : ماعرفتش شحال مابقيت شفتها جات غ هاد الأيام هزت حوايجها ومشات
الحاج: مع راسو) اويلي فين مشات هادي وتا تلفون طافياه
هبط فحالو دايخ مشا شرا نمرة اخرى ودوز لابيل كيسمع فيه كيصوني
الحاج: واهانتي اللعب ديال البراهش .. دابا كيصوني
تسناها تا جاوبت وهدر كيغوت طشاشو كيطير
الحاج: فييين مشيييتي جيت دابا كيقولو ليا بعتي الديور فييينك
رزان : علاش كتسول
الحاح: كيفاش علاش كنسول .. باغي نعرف فينك
رزان:ماشي سوقك ساعتك سالات الحاج .. اااه عندي ليك واحد المفاجأة غ نسيفطها ليك دابا
قطعت عليه خلاتو كيرمش بعينيه لي مالينهم التجاعيد تا وصل ميساج فالواتس دخل لقاها مسيفطة فيديو ديالو محزم كيشطح ويدور فترمتو
أنت تقرأ
عِــشْــق بَــدَوِي لـنْ تَــفـهــمِــيـه! " بالدارجة المغربية "
ChickLit✨حصريا وفقط على صل نامبر وان✨ عِـــــــشْـــــــق بَــــــــــدَوِي لـــــنْ تَــــفْـــهــــمِـــــيـــه! 🌾 فــكــرة وإشـــراف: الــزعـــيــمـــة نــــدى عــلامــــي بـــقـــلـــــم: Sola Ait Reddad سَحابةُ الصُّمودِ حَجبتْ عَنها رُؤْية ال...
