عـــشــق بــدوي لــن تـفـهـمـيـه! 🌾
فكرة وإشراف: Nada Alami
بقلم: Sola Ait Reddad
كنت أطعمها قمح فؤادي براحتي.. عجبا كيف بات يرضيها فتات الطريق 🥀
#الجزء_89:
دارتو فجيبها وخرجت رجعت للكوزينة لقات مولاتو كتقلب عليه حطاتو فبلاصتو وخرجت برا حدا السرجم كطل ورادا البال مع غيثة تا دخلت لعندها جراتها من يدها ديك ساع غادين لبيتها .. طلعو بجوج لبيتها الفوق جبدت صاكها كتقلب فيه على البزطام جبدت منو كارط گيشي ومداتها لها هي والكارطا ديالها
صابرين: هاد لاكارط خدميها فتلفونك غ تلقاي ميساج فيه رقم حساب جلال ها الكارط گيشي سيفطي ليه دكشي كلو لي بقا فيها الكود 1467
غيثة:واش نتي منيتك هاد شي كلو ومحشمتيش
صابرين : شدي وسكتي هاد بنادم غ نتهنا منو فاقرب وقت ونمشي عند جلال سيفطي ليه الفلوس لي تم راه كلشي فالكارط سيم لي عطيتك
غيثة: كتقلبي على شي مصيبة نتي والله .. ماقدكش هاد الصداع لي ناض وهادشي لي طرا ليك بسبابو باقا غ زايدا فيه
صابرين: سيري وخبيهم عنداك تلاقاي معاه
غيثة: راسك قاصح والله غ تبقاي تا تحصلي شي حصلة هاد المرا وشوفي شكون يفكك منو ديك الساع
نزلو بجوج وغيثة كتخاصم عليها ولاخرا كتوصي وتوريها شنو دير وتأكد على الفلوس يمشيو لجلال تال الباب وتفارقو
عـــشــق بــدوي لــن تـفـهـمـيـه! �
فكرة وإشراف: Nada Alami
بقلم: Sola Ait Reddad
كنت أطعمها قمح فؤادي براحتي.. عجبا كيف بات يرضيها فتات الطريق �
الجزء 90:
دخل كيطرطق فعنقو طاير ليه جلس حدا للايطو ورجع راسو لور كيحس بيه كينفض وهي حداه كتشوف فيه ساكتة ماقداتش تهدر ملي شفت حالتو
فلاش باك:
مع حل عينو دخل دوش وصلا وخرج ديمارا الرونج ديالو غادي مكسيري كيف عادتو منوض الغبابر .. طريق وحدة تال دوارهم عاد وقف
سد الباب وغادي داخل من بين سور مبني بالحجر ومخلين البلاصة منين يدخلو .. بدوزة مع الدخلة حداها رابطين حمار والكروسة واقفة حداه .. زاد داخل شحال عاد وصل الباب ديال الدار دق جوج دقات ورجع لور
حلت ليه امراة كبيرة شوي لابسة بيجاما طويلة ولاوية زيف كحل على حناكها
فاطنة: السلام
سلمان: وعليكم السلام
مد لها يدو سلم عليها ودات صبعها عند فمها باستو
أنت تقرأ
عِــشْــق بَــدَوِي لـنْ تَــفـهــمِــيـه! " بالدارجة المغربية "
ChickLit✨حصريا وفقط على صل نامبر وان✨ عِـــــــشْـــــــق بَــــــــــدَوِي لـــــنْ تَــــفْـــهــــمِـــــيـــه! 🌾 فــكــرة وإشـــراف: الــزعـــيــمـــة نــــدى عــلامــــي بـــقـــلـــــم: Sola Ait Reddad سَحابةُ الصُّمودِ حَجبتْ عَنها رُؤْية ال...
