جبران: شنو درتو
سلمان: صافي غ دير العملية
جبران: تحاليل خرجو مزيانين .. كلشي هو هداك عندها
سلمان: اه .. غ ديرها ففرنسا
نقزت للايطو لي كانت كتسنط: كيفاش ففرنسا
سلمان: مكيديرش هاد العمليات هنا فالمغرب
جبران: ماشي مشكل حسن ليها گاع تمشي ديرها تم .. امتا غ تمشيو دابا
سلمان: هاد الأيام .. هي راه وراقها طالعين .. والديها غ يخصهم الوقت باش نطلع ليهم الأوراق .. وحنا مغنبقاوش نتسناو .. غ تمشي غ هي وغ تمشي معايا تانتا
جبران: صافي ملي تكون غادي قولها ليا
سلمان: ملي نقادو الأمور مع الطبيب ويعطينا رونديفو راه غ نقولك ديك ساع باش تقطع لينا فالطيارة
للايطو: غ بغيتو تمشيو تم وصافي شحال من واحد دار العملية هنا مالهم
طلع سلمان فحالو مافيهش لي يبقا يعاود ليها فالهدرة عارفها مغتهدش .. تال العشية ودور النمرة ديال الطبيب علمو بلي غ يديرو العملية .. قيدها عندو الطبيب فلاليست وعطاه الموعد والكلينيك وگاع دكشي لي غ يخص على قبل العملية .. قطع معاه وسيفط ليه الطبيب فالواتس صورة فيها گاع المعلومات وراها لجبران قرا ليه دكشي وعلم نورالدين بلي غ يمشيو فهاد 3 ايام لي جايا
عـــشــق بــدوي لــن تـفـهـمـيـه! 🌾
فكرة وإشراف: Nada Alami
بقلم: Sola Ait Reddad
كنت أطعمها قمح فؤادي براحتي.. عجبا كيف بات يرضيها فتات الطريق 🥀
#الجزء_113:
وقف عليهم مع العشية بطوموبيل هو وجبران هبط دق عليهم ودخل جلس كيتسناها تهبط .. ورباب طلعت عندها تكلمها
رباب : اويلي رجعتي نعستي .. يلا نوضي راه راجلك جا
جرت الفاليز حطتها حدا الباب ورجعت ليها كتفيقها
رباب: حيدت عليها الغطا) وانوضي خلاص من لعب السيد كيستنا غ تعطلو على الطيارة
رجعت جراتو عليها ودارت عطاتها بظهرها مكملة نعاسها
رباب: صابرين .. تي نوضي خلاصك لبسي حوايجك اش باقا كتسناي تيمشي عليكم الحال
دخلت عندهم غيثة كتشوف فيها كتفيقها ولاخرا كتهز كتفها ومعنقة الغطا عرفتها ماباغاش تمشي لفرنسا .. جراتو عليها رباب بزعفة ونطقت
رباب: تي نوضي مالني غ نوحل معاك تاني .. نوضي ولا غنهبط نكلمو لك نيت هو يجي يشوف هاد شي عندك فين غادا بيه
ضارت عندها صابرين مخنزرة حركت شفايفها بكلمات مفهموهمش
رباب: شافت فغيثة) اش قالت
أنت تقرأ
عِــشْــق بَــدَوِي لـنْ تَــفـهــمِــيـه! " بالدارجة المغربية "
Chick-Lit✨حصريا وفقط على صل نامبر وان✨ عِـــــــشْـــــــق بَــــــــــدَوِي لـــــنْ تَــــفْـــهــــمِـــــيـــه! 🌾 فــكــرة وإشـــراف: الــزعـــيــمـــة نــــدى عــلامــــي بـــقـــلـــــم: Sola Ait Reddad سَحابةُ الصُّمودِ حَجبتْ عَنها رُؤْية ال...
