عـــشــق بــدوي لــن تـفـهـمـيـه! 🌾
فكرة وإشراف: Nada Alami
بقلم: Sola Ait Reddad
كنت أطعمها قمح فؤادي براحتي.. عجبا كيف بات يرضيها فتات الطريق 🥀
#الجزء123:
رجع نورالدين لدارو تلقات ليه رباب كتسوله شنو دار
نورالدين: راه هدرت معاه راه عرف شنو كاين انا عرفتو فهم غالط
رباب: وماقالك والو
نورالدين: لا ماقال والو
رباب: اوا مزيان بعدا دخل تعشا ... غيثة عيطي لختك وهبطو
تجمعو على طبلة د لعشا تا قالت لهم غيثة على موعد الطبيب
غيثة: غدا عندها رونديفو معاه مامشاتش عندهم لفرنسا راه خاصها تمشي هنا عند طبيبها
نورالدين: وخا دابا نديها غدا على الله غ تصح بعدا
غيثة: وحتى الامتحان راه بقات ليه تلت إيام
نورالدين: كياكل ويهدر) تاهو غ دوزو كلشي غ دوزهم
رباب : ملي تنجح ندير زردة ليكم بجوج تانتي مفرحناش بيك جيتي مع مرضها
كملو عشاهم مجمعين ونساو كلشي كأن تا حاجا موقعت مولفين مع صابرين ماشي اول مرة تشوههم وتشريها لهم
الوضع مختلف فالفيرما للايطو تعشات بوحدها التحت ملي دخل طلع نيشان لبيتو سد عليه وخرج برا للبالكون جلس كيخمم شنو يدير فهاد الوحلة .. شاف تاعيا وعيط لجبران فدك نص ليل
جبران: دابا اش كاين من قبايلة وانت شادني
سلمان: باغي نرجع صابرين
جبران: مبغاتش طلق؟
سلمان : لا باغا انا لي مغنطلقهاش
جبران: غ ترجعها بزز تاني؟
سلمان: باش مابغات
جبران:واخويا بجوج معكسين عند بالك غ ترجع ليك وانت شفتيها كيف كانت لهيه غ مخنزرة فينا كن صابت تيري فينا وتهنا .. وحدة ماحاملاناش وهو باغي يشدها بزز
سلمان: مخها سايط ليها فيه الريح .. لا تبعتها ماعمرها غ دير عقلها
جبران: واضبر اخويا راه غ ترجعها غ ترجع دير ليك فحال الأول كل نهار مشادين
سلمان: مايهمش غ تبقا تادير عقلها قدما طارت
جبران: تاوب ) الله يسخر اخويا .. ا نخليك انا غ نعس
قطع معاه وحط تلفون حدا فمو طلق تنهيدة طويييلة وناض داخل مبتاسم كيشوف فأركان البيت ويتفكر أيامها خلات بلاصتها وطبعت بصمتها وخا ففترة قصيرة .. لاح عليه التيشورت وتخشا ففراشو كيقلب على نعاس
أنت تقرأ
عِــشْــق بَــدَوِي لـنْ تَــفـهــمِــيـه! " بالدارجة المغربية "
ChickLit✨حصريا وفقط على صل نامبر وان✨ عِـــــــشْـــــــق بَــــــــــدَوِي لـــــنْ تَــــفْـــهــــمِـــــيـــه! 🌾 فــكــرة وإشـــراف: الــزعـــيــمـــة نــــدى عــلامــــي بـــقـــلـــــم: Sola Ait Reddad سَحابةُ الصُّمودِ حَجبتْ عَنها رُؤْية ال...
