عِــشْــق بَــدَوِي لـنْ تَــفـهــمِــيـه! " بالدارجة المغربية "

💕 الفصل 21💕

عـــشــق بــدوي لــن تـفـهـمـيـه! 🌾

فكرة وإشراف:Nada Alami

بقلم:Sola Ait Reddad

كنت أطعمها قمح فؤادي براحتي.. عجبا كيف بات يرضيها فتات الطريق 🥀

الجزء 78:

بايتة الليل كلو كتبكي وتلوم فراسها على غلطها وتسرعها جمعت رجليها عندها مغطية بإيزار دايرة قبضة يدها عند فمها ونيوفها مسدودين مرة مرة كتشهق

صابرين: أنا لي درتها لراسي كن غ سكت تانمشي تماك وندير فيه مابغيت اهئ اهئ

حركت رجلها وخسرت ملامحها بألم تحتها كلو طايب ولحمها كيحرقها غمضت عينيها مزيرة عليهم

صابرين:الله يعطيه فيه الجربة مازال غ ندير فيك ماكتر عمري نحني ليك الراس ولا نبقا معاك

تنهدت وغمضت عينيها وفمها محلول كتنفس منو داتها عينها ساعات قلال وفيقها دخولو فحال الرعد خبط الباب ودخل كيهدر بجهد

سلمان: تهزي قدامي يلااه

حلت عينيها دايخة كتشوف فيها لابس حوايجو ومربع يديه ومكروازي رجليه مخنزر فيها

سلمان: تحركي خلاصك عندي منقضي مغنبقاش مقابلك

ناضت تالفة كتجمع شعرها ووجها منفوخ وحمر كتقلب على ماتلبس تحت الغطا تستر حالتها لبست البيجاما ومشا حل البلاكار جبد ليها زيف لاحو ليها فوق راسها

سلمان: غطي ديك الحالة لي فعنقك

لاحتو بنترة ماحاملاش ديرو شافت فيه كتهدر بجهد

صابرين: شنو كاين وعلاش غ ندير هاد الخرقة

هز يدو وقرب منها هربت مبعدة خايفاه يجبد معاها تاني جر الزيف لي بقا لاصق ليها فبيجامتها وعاود دارو عليها وحزمو من عنقها تاقجها

سلمان: ترفعي صوتك مرة أخرى نحيد ليك حلاقمك مبقاش عندي المخ لي يصبر على تكلبينك..(دفعها عند الباب) تحركي قدامي

كالات بيدها على الحيط لي كانت غ تدخل فيه ودارت تاني عندو مطرقة فيه عينيها

صابرين : بعد مني ياك عرفتي كلشي وماحاملنيش واطلقني خليني ندبر راسي وندير لي بغيت ديك ساع علاش باقي شادني

سلمان: ماغتورينيش شنو ندير انا لي كنقرر واش نسيفطك عند باك ولا نشدك .. وماحرتش فيك من غدا ترجعي عندو مطلقة بتلات ومنها نيت يعرف شنو كاين وكاع ناس الدوار يعرفو خبارك وخبار باك لي مضسرك ومدخل عُرْف جديد للدوار وطالقكم على ربعة

زيرت على شفايفها وهبطت عينيها للارض كتفكر ادا باها عرف علاقتها بجلال شنو غ يدير فيها خصوصا ملي شافتو كيف تقلب عليها فزواجها .. شافت فيه كنتنتر مع ذلك لي فيها مامهنيها