عـــشــق بــدوي لــن تـفـهـمـيـه! 🌾
فكرة وإشراف: Nada Alami
بقلم: Sola Ait Reddad
كنت أطعمها قمح فؤادي براحتي.. عجبا كيف بات يرضيها فتات الطريق 🥀
#الجزء120:
نورالدين: ها؟
سلمان: هادشي لي كاين اسي نورالدين .. بغات تطلق ميمكنش ليا نبقا شادها بزز
نورالدين: وعلاش اش دارت لك؟
سلمان: مادارت ليا والو ولكن هي من الاول ماباغاش هاد الزواج مابقا لينا فين نزيدو نجرو وهي ماباغاش
نورالدين: لا راه غ مريضة راك شتي حالتها كي دايرا راه غ تصح وترجع كي كانت
سلمان: كانت هاكا وكتر وانا مابغيت نطلق تا تأكدت بلي صافي مبقاتش باغا تزيد .. راه ماجيتش وقررت غ هكاك .. وهانتا دابا غ تهدر معاها وتشوفها شنو باغا
نورالدين: وفين هي دابا .. فين مشات
سلمان: ديتها لواحد البرطما ديالي جلست فيها .. مبقات باغا تجلس مع تاواحد فينا هنا .. ولات غ مخنزرة وماباغاش تهدر معانا
نورالدين: تشطن وبان عليه القلق) تأ.. وبقات بوحدها دابا؟ عندك تخصها شي حاجا؟ فين هي نمشي عندها؟
سلمان: مخاصها والو كلشي عندها .. يلاه نمشيو نشوفوها
وقفو بجوج خارجين لبرا ونورالدين تقلب ليه المود النشاط والفرحة لي كان فرحان بفرنسا تبخر ولا كيفكر غ فهاد الهم الجديد لي ولدتو ليه صابرين .. شد طريق للعمارة عندها وطلعو كيهدرو ويوريه البلاصة كيف دايرا زعما كالم ومأمنة مكاينش لي يقرب ليها تا وقفو قدام الباب بقا كيوريه الجيران ويهدر معاه بشوي بحكم السكات والدنيا قالصة الصوت كيتسمع معاود .. للحظة سمعو الهدرة خارجا من عندها .. نطق نورالدين بدون انتباه
نورالدين: ها هيا داويا شوف كن راه مع مها دابا تلقاها قالتها ليهم
تنهد سلمان يلاه غ يدق وهي دير ليه طن فبالو
سلمان: كيفاش كتهدر ؟
نورالدين: ها؟
عقد حجبانو وقرب من الباب كيسمع صوت الهدرة ماواضحاش لكن لي وضاح ليه كتر ومياهدوش فيه شك بلي صوت راجل .. تسعق وتلف رجع شاف فرقم الشقة لقاه هو هداك دخل يدو لجيبو وجبد دوبل ساروت .. دورو فالباب وحلو على جهدو ماوقف تال عندهم وسط دار دا نص جملة جلال الأخيرة
- ديك الوقيتة ملي هدرتي معايا اخر مرة قلتي ليا راه صوبت الاوراق غ نجي عندك لفرنسا
شهقت هي كتشوف فيهم قدامها ولات كترعد وجلال حداها كيشوف فيهم بجوج .. شاف فيها سلمان عينيه خارجين وهي كتشوف غ فباها ماعلابالهاش بيه هو لي تلاح على جلال مشاد معاه ولاخر كيطاكي على راسو ونورالدين دار لصابرين كيعاير ويهلل
أنت تقرأ
عِــشْــق بَــدَوِي لـنْ تَــفـهــمِــيـه! " بالدارجة المغربية "
Chick-Lit✨حصريا وفقط على صل نامبر وان✨ عِـــــــشْـــــــق بَــــــــــدَوِي لـــــنْ تَــــفْـــهــــمِـــــيـــه! 🌾 فــكــرة وإشـــراف: الــزعـــيــمـــة نــــدى عــلامــــي بـــقـــلـــــم: Sola Ait Reddad سَحابةُ الصُّمودِ حَجبتْ عَنها رُؤْية ال...
