عـــشــق بــدوي لــن تـفـهـمـيـه! 🌾
فكرة وإشراف: Nada Alami
بقلم: Sola Ait Reddad
كنت أطعمها قمح فؤادي براحتي.. عجبا كيف بات يرضيها فتات الطريق 🥀
#الجزء_93:
طلعت تنهيدة من القلب كتشوف ف ليفاليز ديالو دازت للفوطوي جلست فيه مكمشة وهو جالس على راس السرير شاد تلفونو شوية وجمع الوقفة وشاف فيها
سلمان : هبطي تغداي
تبعاتو مهبطة راسها تال التحت جلست حداهم مجمع هو وللايطو وهي كتسمع لهم تاحطو الغدا مد لهم الخبز وبداو ياكلو وهي بقات شادا يدها عندها خايفة تاني .. شاف فيها ونطق
سلمان: كولي
قسمت من الخبز بصباع يدها اليمنة وبدات تاكل معاهم وكل مرة تهرب بانظارها جهة الباب وتلف حاسا راسها جديدة عليهم كتاكل بحذر وكل شوي تغجم من الما لي حداها
وقف شوي ناض يهز الما بزربة دارت يدها على راسها وهبطاتو بين كتافها بقا كيشوف فيها وهز الما شرب وناض فحالو كيسوط
حيدت يدها كتشوف فيه من التحت هاز الكاس د الما تسناتو تا خرج وكملت ماكلتها سالات وطلعت نيشان للفوق كيف عادتها جبدت البيسي من الفاليزا لي كلن مغبرو حلت حساباتها تعرف خبار الدنيا وشنو طاري فيها تسرحت فوق السرير راخية عظامها كل شوي تكسل وتسها كتفكر فهاد سيمانة لي داز عليها مادازش على الكلب .. حطت البيسي وجرت عليها الغطا تفدي الايام لي كانت مكتشوفوش ولا تستمتع بحلاوتو شركاتو مع الليل فيقها غ صوتو كيعيط لها للعشا لي طلعاتو لها وحدة من الخدامات تماك
فاقت كلات عينيها مسدودين ورجعت كملت نعاسها وهو برا فالبالكون مع تلفونات تال نص الليل عاد دخل .. جر الغطا حداها وعطاها بظهرو ونعس
فمكان اخر بجنب الفيرما بالضبط فدار غانم
راجع مع وقيتة الغدا للدار هاز كيس ديال kfc مشكل فيه كل حاجة والكانيطات د المونادا وما إلى ذلك مشارجيه كيف نافق مع مليكة اليوم الغدا اونسومبل بعيدا عن التخمال والقهرة د الطياب .. حل الباب بساروت دخل كيسمع الهدرة الغوت نايض والأولاد الصغار منوضين الحيحة
عقد حواجبو وطل فصالون ماعرف تاواحد من غير ام مليكة لاح لهم السلام ودار للكوزينة عند مليكة لابسة بيجاما طويلة كمها قصير وغارقة وسط الطناجر كتقلب وتهز وتحط وتقلي وتشحر الكوزينة مصهودة بالطياب السراجم ضببو البوسطات كلهم شاعلين وغانم شاعل كتر
غانم: شكون هادو لي جاو؟
مليكة: قلبت الكسكاس فيه السفة) مالين المدينة كيجيو لبا
غانم: واش كيديرو عندي انا فالدار
مليكة: عرضت عليهم راه غادين غدا
أنت تقرأ
عِــشْــق بَــدَوِي لـنْ تَــفـهــمِــيـه! " بالدارجة المغربية "
ChickLit✨حصريا وفقط على صل نامبر وان✨ عِـــــــشْـــــــق بَــــــــــدَوِي لـــــنْ تَــــفْـــهــــمِـــــيـــه! 🌾 فــكــرة وإشـــراف: الــزعـــيــمـــة نــــدى عــلامــــي بـــقـــلـــــم: Sola Ait Reddad سَحابةُ الصُّمودِ حَجبتْ عَنها رُؤْية ال...
