عشق بدوي لن تفهميه!🌾
فكرة وإشراف: Nada Alami
بقلم: Sola Ait Reddad
كنت أطعمها قمح فؤادي براحتي.. عجبا كيف بات يرضيها فتات الطريق 🥀
#الجزء127:
داز عليها بطوموبيلتو هز ليها يدو من سرجم كيضحك
جبران: صابرين قالو ليا رجعتي كتعايري
صابرين: هههه تجرب
زاد كيضحك هابط مع العقبة ودار على ليسر وقف عند باب دارها .. لقاها حالا الباب دخل نيشان هاز تقدية فيدو .. تلقا ليه أمير كيتمشا بشوي هزو كيلعب معاه وهي خارجة من البيت كتجمع شعرها وخيرها عازلاه فبيجاما صيفية نص كم تال الركبة
لمياء: هههه فرحان ولفك
جبران: والفنكوش لاباس عليك
جرت هي التقدية دخلتها للكوزينة وردت الما يطيب
لمياء: دخل جلس
جبران: لالا زربان شوي خاص نرجع
لمياء: ديما مزروب .. جوج مرآت جيتي ماعمرك جلستي
جبران : المرة الجايا ههه
لمياء: جمعت يديها وطلعت حواجبها مطراسياهم بلاكريز) انت ديما تقول المرة جايا ملي تجي متجلسش
جبران: يلاه المرة جايا والله تا نجلس .. وبالحلوف كاع
لمياء: انا غ نشوف
هز أمير باسو ولعب ليه فشعرو ودار خارج فحالو .. دخلت هي الكوزينة طفات على الما وهزت التقدية كانت فصاك مرجان كتقلب فيها مافيهاش الأساسيات بحكم جابهم قبل ... جامع ليها غ دكشي الخفيف ودواز اتاي لوز كركاع بيسطاش كاجو شكلاط فروماج املو زيتون جبن إلى اخره...... والحليب د ولدها ستفت دكشي كطرطق فالمسكة وتهدر مع ولدها من الكوزينة تاكملت وخرجت عندو مقادا ليه الرضاعة كترضعو
خرج من عندها مهبط راسو تال الطوموبيل ديمارا زاد فحالو وخلا راجل كبير من موراه كيسب ويلعن
الراجل: لاحول ولا قوة الا بالله .. وسط نهار والشمش تحرق داخل عندها .. الله ينزل عليهم اللعنة
دار يديه وراه وكمل طريقو تاتقاد مع دار لمياء وشاف جهتها ودفل وكمل طريقو
داز الوقت طاح الليل والقمرة تناصت فالسما داخلة لبيتها تنعس وصونا ليها سلمان تاففت وجاوبات
صابرين: ألو .. لاباس .. بخير .. آه غ نمشي عندها غدا .. بلا متجي ليا غ نمشي بوحدي راه عندي طوموبيلتي ... ولا قلت ليك متجيش .. اففف مالك لصقة .. ولا متجيش صافي بلا متعصبني والطبيب قالي متغوتيش .. كيفاش غ تقولها لبابا جديدة هادي ههه .. تأ علاش مخلصتيهاش ديك المرة؟.. صافي وخا اجي غ نمشي عندها صباح
أنت تقرأ
عِــشْــق بَــدَوِي لـنْ تَــفـهــمِــيـه! " بالدارجة المغربية "
ChickLit✨حصريا وفقط على صل نامبر وان✨ عِـــــــشْـــــــق بَــــــــــدَوِي لـــــنْ تَــــفْـــهــــمِـــــيـــه! 🌾 فــكــرة وإشـــراف: الــزعـــيــمـــة نــــدى عــلامــــي بـــقـــلـــــم: Sola Ait Reddad سَحابةُ الصُّمودِ حَجبتْ عَنها رُؤْية ال...
