عـــشــق بــدوي لــن تـفـهـمـيـه! 🌾
فكرة وإشراف: ندى علامي
بقلم: Sola Ait Reddad
أخذليه كي لاينساكي.. وأوجعيه كي يحبك أكثر 📌
#الجزء_72:
دخلو للدار كيدور فعينيه السقيل مكاينش حسها عيط ليها
غانم: مليكة.. مليكة
..لا رد..
غانم: جلسي اغيثة انا نشوفها ونجي
دخل للبيت كيقلب مالقاهاش جبد تلفونو دور لها
غانم: ألو لاباس.. فينك.. علاش ياك ماكاين باس .. وخا سلمي معاك على الدار
رجع تلفون لجيبو ودخل لعندها كتقلب فكتوبتها
غانم: مكيناش مشات تشوف دارهم
ابتسمت له مزيرة عطاتو السلسلة لي خدمت وعاضة على فمها ليكون عندها شي خطأ
رجع لها شعرها من مور ودنها هزت كتفها هراتها هاد الحركة، شد لها من ودنها جارها لعند الاوراق
غانم: عاودي قراي شنو دايرة هنا
شدت له من يده مقصحها: ايي ضريتيني
رخف عليها: اوا هي إلا ركزتي فدكشي لي دايرة(جبد لها الورقة د الحصة الفايتة) علاش كنت كندور لك انا ديك المرة ونأكد باش تنسايه
غيثة: سمح لي راه هادو صوبتهم غ صباح كنت زربانة باش نخرج معاكم
غانم: ماشي مشكل يلا عاودي التمرين
تكات على الأوراق وناض هو لبرا دخل لبيته كيقلب فحوايج مليكة جبد قميجة تال الركبة كتلبسها مع سروالها كانت بالأبيض والكحل حطها فوق السرير مبسم ورجع خرج عندها
غانم: ساليتي؟
مدات ليه الأوراق وهزت راسها كتشوف فالزواق ديال الصالون كتلف
غانم: مزيان هاد شي منلقاكش تاني معاودة شي خطأ صافي خاص ندوزو لحاجة أخرى مغنوحلوش غ هنا راه الدرس ساهل
حل المقرر كيراحع معاها شي لآخر حتى تعاشات العشية عاد وقفو راجعين للفيرما
غانم: قولي ليا شنو باغا ديري من بعد
غيثة: بغيت ندفع للاقسام التحضيرية
غانم: مزيان وزيري شوي راك كتفهمي تبارك غ هو ديك الزربة لي كديري راه مخداماش ركزي وغ بشوية عليك نهار الامتحان تخرج عليك
غيثة: لا متخافش
وصلو لعند الخزانة كانو الناس بداو كيجيو شوي بشوي والضواو شعلو كترة الداخل والخارج فالفيرما بيبانها محلولين فوجه اي واحد كيف عاهدوهم من زمان
طلعت عند ختها دخلت عليها بلا اذن كيف عادتها ورجعت خرجت كتجري
غيثة: وييلي على شوهة
أنت تقرأ
عِــشْــق بَــدَوِي لـنْ تَــفـهــمِــيـه! " بالدارجة المغربية "
Chick-Lit✨حصريا وفقط على صل نامبر وان✨ عِـــــــشْـــــــق بَــــــــــدَوِي لـــــنْ تَــــفْـــهــــمِـــــيـــه! 🌾 فــكــرة وإشـــراف: الــزعـــيــمـــة نــــدى عــلامــــي بـــقـــلـــــم: Sola Ait Reddad سَحابةُ الصُّمودِ حَجبتْ عَنها رُؤْية ال...
