عِــشْــق بَــدَوِي لـنْ تَــفـهــمِــيـه! " بالدارجة المغربية "

💕 الفصل 39💕

عشق بدوي لن تفهميه! 🌾

فكرة وإشراف: Nada Alami

بقلم: Sola Ait Reddad

كنت أطعمها قمح فؤادي براحتي.. عجبا كيف بات يرضيها فتات الطريق 🥀

#الجزء131:

ديمارا طوموبيل راجع للمدينة والتلفون فودنو مدوز لابيل مع جبران

سلمان: صابرين مشات عند واحد طبيبة ديال تجميل بغات قاتلك تزيد وتنقص فوجها .. لاخرا خرجت عليها وسيفطتها

جبران : أواه!! .. اش كتقول

سلمان: هاد شي لي كاين عطاتني دابا عنوان شي طبيب قاتلك كيعالج فحال هاد شي تانتلاقاو دوز معايا عندو نشوفوه

جبران: صافي ملي توصل راه نتلاقاو حدا زنقة الحارثي

قطع معاه شدها سمطة وحدة تال عندو هبط عندو عطاه الكارت وطلع تابعو تا وقفو قدام فيلا كبيرة فين كاينة العيادة بيضة وفيها زاج من واحد الجهة لكن مكيبينش شكون لداخل .. دخلو عند لاسيسطونت شدو النوبة وهما غ كيشوفو فدوك الناس لي عندو ... منهم حالات فحال صابرين لي طرا لهم تشوه بفعل التجميل هالي وجها مشا هالي دايرا عكاز متقدرش تحنا كانت باغا تنفخ طرمتها وتحيد من بلاصة وتزيد فيها تاصدقو دايرين لها العبار ناقص وزيرو لها الجلد ديال ظهرها تا مبقاتش كتقد تركع .. شدو بلايصهم كل مرة واحد فيهم كيسول واحد من المرضى على الطبيب وكلشي كيشكروه .. جلسو عندو شحال تاطابو عاد وصلتهم النوبة ودخلو عندو بجوج جلسو قدامو وتكلم جبران وتعرفو على بعضهم بلي تاهو طبيب

الطبيب: لاحول ولا قوة الا بالله .. ماشي اول حالة غ نستقبلها

جبران: هاد شي لي كتاب عليها

الطبيب: تجي عندي نشوفها ونقادو لها بروگرام ديال العلاج

سلمو عليه وخرجو فحالهم تفارقو عند الباب كل واحد قصد طريقو .. رجع سلمان لفيرما دخل تغدا وطلع دوش وخرج يشوف حال الخدمة

داز الوقت طلع لبس عليه فوقية زرقة مخيطة بسفيفة فالباج وصندالة ديال نايك فرجلو وخرج داير يديه فجيابو وقصد دار صابرين ..

مسافة الطريق ووقف قدام الباب

نورالدين: اهلا زيد دخل

دخل كيقلب عليها بعينيه مبانتلوش

نورالدين: راه طالعة الفوق لبيتها

طلع عندها الفوق لقا معاها رباب حاطا ليها عشاها ومضاربة معاها تاكل ولاخرا غ كتبكي

رباب: تي شدي كولي نهار كلو ونتي صايمة

صابرين: مبغيتش

سلمان: صافي لا مبغاتش خليها

رباب: حطت البلاطو وشافت فيها) هاكاك كتقلبي على المصايب فينما كانو تنبشي عليهم

سلمان: كيشوف فتلفون وداوي معاها) صافي .. صافي لي عطا ربي عطاه دابا