عشق بدوي لن تفهميه! 🌾
فكرة وإشراف: Nada Alami
بقلم: Sola Ait Reddad
صــــراع الاصـــــول 💫
#الجزء161:
فالدار عند الحاج..
دخل معصب للفيلا كيغوت على الخماس ديالو جا عندو يلاه فايق من نعاس مصهشر
الحاج: فين هو دك الكلـ ب ديال الصياد .. فيييين
الخماس: ماعرفتش اسيدي غ يكون فدارو
الحاج: داااابا دابا سير عندو وقوليه يخوي الدوار الليلة مانعاودش نشوف كمارتو ولا غ نصفيها للاصل د يماه
الخماس: وخا اسيد الحاج
خرج كيجري ورجعو
الحاج: اااجي تانتا (جبد بزطامو) هاك عطيه هادو وقوليه الا خرج كلمة وحدة على فمو غ نمحي ليه الأثر
الخماس: متخافش اسيد الحاج
دا الفلوس ومشا يوصل الخبار والحاج كيمشي ويجي داير يديه على جنابو كيحس بالخطـ ر داير بيه
.............
خارج مع باب الكلينيك بعكازو وحداه صابرين شادا منو .. طلع للطوموبيل القدام وطلق رجلو وصابرين لور غ كتشوف وساكتة كتفكر لرد فعلو ملي يشوف مو ... هادي 5 ايام ديما كيسول عليها باغي يهدر معاها وهما كيلاهيوه مرة ناعسة مرة كتصلي .. مسافة الطريق ودخلو للفيرما لقاهم كلشي تماك دخل كيجر رجلو وموكي على العكاز تال الداخل فين كانو مقادين ليه بلاصة جلس وسرح رجلو وهما دايرين بيه كيحمدو الله على سلامتو
سلمان: نزل رجلو للارض عوال يوقف) غ نوض نشوف الواليدة
صابرين:غ خليك حاول على راسك
قرستها رباب تدخل سوق راسها من بعد ما عاودت لها لي وقع
رباب : بهمس) خليه يضبر راسو دابا يولي تاني يقولك ماباغانيش نشوفها
ناض غادي لعندها وهما متبعين ليه العين لحقاتو صابرين حل الباب ودخل كيطل براسو .. قرب من السرير كيشوف فيها مدورة راسها عاطياه بحنبها
سلمان: واقيلا ناعسة شفتها دايرا لهيه
-عضت على شفايفها كتسنا تشوف شنو غ يوقع .. حط العكاز وجلس حداها هبط شوي الايزار لي مغطية بيه وتحلو معاه عينيه ناض بدون شعور تا توعت وشد من رجلو تقابل معاها عينيه خارجين وللايطو دموعها سايلين غ كتسمع بلا متهدر
سلمان : الوااالدة .. الوالدة (شاف فصابرين) ماالها
دخلو عليه ملي سمعوه كيغوت قربو عندو كلهم ساكتين دخل معاه غ جبران مجابهة وشدو من دراعو
جبران : تهدن اصاحبي راه عرفاتك تضربتي وطلع ليها الطونسيو
سلمان: علااااش قلتوها ليها ياك وصيتكم تاعييييت علاااش كتزيدو من رااسكممم
أنت تقرأ
عِــشْــق بَــدَوِي لـنْ تَــفـهــمِــيـه! " بالدارجة المغربية "
Чиклит✨حصريا وفقط على صل نامبر وان✨ عِـــــــشْـــــــق بَــــــــــدَوِي لـــــنْ تَــــفْـــهــــمِـــــيـــه! 🌾 فــكــرة وإشـــراف: الــزعـــيــمـــة نــــدى عــلامــــي بـــقـــلـــــم: Sola Ait Reddad سَحابةُ الصُّمودِ حَجبتْ عَنها رُؤْية ال...
