جادلٍ كل الدروب المعشبه تنبت باثرها

2

-
مشعل:شسنوي معها مستحيل اخليها واروح والعمال يناظرون المكان كذا كانهم بيهجمون على كنز !
الجازي مسكت راسها تفكر :اكيد يمشعل ماراح نخليها بس نوصل ل اهلها ؟
مشعل:روحي اساليها تعرف رقم ابوها شي
دخلت الجازي ل نجد وقفت نجد نتاظرها
الجازي:وش اسمك ؟
نجد بهمس:اسمي نجد سلطان
الجازي ابتسمت:طيب نجد تعرفين رقم ابوك ؟
نجد قطبت شفايفها بحزن:لا والله حتى جوالي نسيته بالسياره
نزلت نظرها الجازي ل الدفتر:شوفي يمكن موجود بالدفتر ؟
نجد جلست وهي تفتح الدفتر وتدور
الجازي قاعده تناظر الكلام الكثير اللي مكتوب بس م تلحق تقراء من سرعه فتح نجد ل الصفحات
نجد رفعت نظرها ل الجازي بحزن:مو موجود
الجازي وقفت:تمام شوفي بننتظر شوي اكيد بيفقدونك ويرجعون واذا طولو تروحين معنا وندور حل
نجد هزت راسها وسكتت
_
مشعل بعد م قالت له الجازي:بنقعد ننتظر لين متى ؟
الجازي:لين يجون اهلها ولا تبينا نخليها للعمال ضعيف واضح صغيره كبري او اصغر
مشعل:وش اسمها ؟
الجازي:نجد سلطان
-بعد وقت-
مشعل جاء بيتكلم لف على اللي دق دريشه السياره وكان واحد من العمال
مشعل:نعم ؟
العامل:متى يمشي انته ؟
مشعل:واقف فوق راسك انا ماني ماشي
العامل لف بغضب ل جهه العمال وقال لهم وكلهم ناظروه بغضب
مشعل لف على الجازي:انزليها خليها تجي واضح العمال مب ناوين خير
الجازي نزلت ودخلت داخل ناظرت نجد:شرايك تجين تركبين السياره معنا ؟
نجد:ليه عيب بقعد انتظرهم هنا
الجازي:نجد الله يرضالي عليس امشي اركبي العمال برا مب ناوي خير ابغاس تمسكين يدي وتنحنين وتركبين وراء عشان م يسببون مشاكل مع اخوي
نجد خافت:اقدر اوثق فيكم ؟
الجازي ابتسمت:اكيددد وبايدي امينه انتي م عليس
نجد بتردد كبيير قدرت تطلع وتركب السياره بدون م يشوفونها العمال
مشعل بهدواء حرك السياره ولف ناظر المرايه العمال تحركو كلهم جهه المسجد ، حمد ربه انه لحق عليها ولا كان راحت فيها
-
نجد اللي كانت تحس بشعور غريب وخووف انها راكبه مع ناس م تعرفهم
الجازي مدت لها مويه:امسك نجد اشربي مويه
اخذت نجد المويه ولا شربتها
الجازي ضحكت:لا تخافين ماحنا حاطين لس منوم بين ايدي امينه وتخاف الله
مشعل لف عليها وضحكت بستغراب
-كملو الطريق ساكتين -
-