جادلٍ كل الدروب المعشبه تنبت باثرها

32

-
-قبل لا تدخل نجد على ذياب بدقايق-
قامت من عند الحريم ومعها طبق الخاتم حطت طرحتها على راسها ومشت بتجاه المجلس
وكان وقتها مشعل جاي من الحوش عشان ينادي ذياب
ناظرها وقال بهمس:ياويل قلبك يمشعل
صد علطول وقال بهمس سمعته نجد:ياحلم مشعل
لفت نجد وناظرته وعلطول حطت الطرحه على ووجها وغطت كتوفها الباينه
قرب مشعل وقال:اهخ ينجد ليتها ملكتي انا وياس
نجد م قالت شي وقلبها شي ويطلع من صدرها وكانت ترجف
مشعل ابتسم:بسم الله عليك هدي ، شصار على ولد عمك ؟
نجد همست يادوب مشعل يسمعه:م صار شي بس هو كلم ابوي وشكلها بتصير الايام الجايه
وخرت الطرحه وبينت عيونها وقالت برجاء:مابي غيرك يمشعل لا تخليني للي م يستاهلني وانت موجود
مشعل اوجعه قلبها من رجاها له وعيونها اللي كانت تلمع وكانت مع كل رمشه توجع قلبه:بمشي اليوم لـ الرياض وبكره ولا بعد اخطبس اهمشي عيونس م ينزل دمعها
نجد مدت يدها اللي مغطيتها بالطرحه ومسكت يد مشعل وشدت عليها:اذا تغيرت المقادير لا تزعل هاذا اللي ربي كاتبه
مشعل وهو خلاص معاد يحس بشي الا لمسه يدها شد عليها بقوه:اه ينجد يالييت الحضن حلال والله وانشاءالله لتصيرين حلالي ولو بعد حين
بعدت نجد ودخلت لـ ذياب
-
دخل ذياب وجلس جنب ذيب وهمس في اذنه:يلاه خلنا نمشي
ذيب كتم ضحكته:ليكون م اعجبتك البنت
ذياب كشر:ياشينك ، قل لـ ابوي يلاه
ابو نجد وقف وعياله وقفو معه:يلاه حنا نستاذن والساعه البركه يوم انا ربطنا العائلات وسيرو علينا
ابومشعل:لا تسرون اقعدو خلونا نتعشى جميع
ابو نجد:كثر الله خيرك وابد اعتبرها وصلت
-
بالسياره ذياب كان متلطم ويهوجس وهو يسوق ومشغل السماعه ل شيله رايحه وشيله جايه
استوقف عند شيله سفر الدغيلبي يوم يقول
"كنت هاقي بذاك الجبل والجبل عود طحين
هدته قوه التعريه لين بالارض استوى"
-
ابو نجد قفل المسجل وناظر ذياب:علامك وش اللي قلب حالك ؟
ذياب ناظر ابوه ووجه احمر من العصبيه والضيقه:مافيه شي يبه ونجد كلمي امها بكره قولي العرس بعد سبوع والمهر بيجيهم بكره
نجد انصدمت بس م تقدر تقول شي:ابشر
ابو نجد بنرفزه:سلامات سبوع ياذياب م يمدي الناس تسوي شي
ذياب:ياابوي يطول في عمرك خلها على هواي طالبك
ابونجد تنهد:وهاذا كلامكم على هواي على هواي ماكاني ابوكم
ذيب تضايق من كلام ابوه:يايبوي م يقصد ذياب واكيد انه شايف شي ولا سامع شي وبيعلمك لا وصلنا البيت لحالك صح ذياب
ذياب تنهد بضيق:بعلمك يابوي هو لي احد غيرك بالحياه استند عليه
-
مشعل اتصل على صقر:الو الحقني لـ مكانا معي العزبه وكلشي بقعد معك قبل امشي
صقر:يلاه انا موجود فيه اصلاً
سكر مشعل ولف ناظر الجازي اللي جابت عزبته ومجهزه شنطته
الجازي ضحكت:والله وصرت موضف يامشعل وصرت تخليني لحالي
مشعل تنهد بحب بعد م طرت نجد في باله:ادعي اني اخذ اللي دخلت الوظيفه عشانها
الجازي بهدوء:انت تدري عن ولد عمها ذا ؟
مشعل:للاسف ايه جعله يختفي عن الدُنيا
الجازي:تدري انها بتوافق ؟
مشعل:تدرين اني رايح الرياض عشان دوامي واخطبها ؟
الجازي فزت بحماس:اسالك بالله ؟
مشعل ضحك:باذن الله ، واول م يقولون تم خليت خالد يجيبكم
الجازي ضمته:اكيددد بيقولون تم جاهم مشعل بيرفضونه ؟
مشعل:يروحي يالجازي تكفين ادعي ادعي انه ربي ييسر لي كلشي
-
كان يضبط الجلسه وصقر قاعد يصور على كل حركه يسويها
ضحك مشعل:حسستني اني مشهور على الصور ذي
صقر نزل جواله:ايوه بتمشي لـ الرياض وش بتسوي هناك انت بالديره ويالله تدل شلون بالرياض؟
مشعل كشر:خلها على ربك بس م ادااني الزحمه ولا لجه الناس
صقر:طيب ضبطت لك مكان ؟
مشعل:لا والله بقعد افرفر لين القي فندق ايشي او حتى انام بالسياره ، انت متى بتمشي لـ القصيم ؟
صقر:ماخذ لي اجازه شهر بريح فيها وا اسفر اهلي "جلس بحماس" م علمتتك
مشعل عقد حواجبه:اسلم وشهو ؟
صقر:ابشرك ترقيت صرت عريف
مشعل ضحك بفرحه:لا يالوصخ توك تعلمننيي
صقر:الدنيا تلاهي
مشعل طرت على باله اغنيه:اهخ ماهو صحيح الدنيا بعد وتلاهييي هاذا انت غايب وانا ميت لشوفك
كشر صقر:وه يالصوت الشين ، قل مبروك طيب
مشعل ضحك:مبروك مبروك ياعين اخوك
صقر:الحين بدل م تروح وتتعب عمرك دق على نسيبكم يضبط وضعك
مشعل:والله انه صادق
طلع جواله مشعل واتصل على ذياب
رد ذياب:ارحب مشعل
مشعل:يمرحبا وصلت ولا باقي ؟
ذياب:بالطريق امرني
مشعل:انا بمشي الحين لـ الرياض وابغاك تعطيني اسم فندق زين
ذياب:افاا فندق وبيتنا موجود تعال امرح عندنا الليله وبكره يصير خير
مشعل بفشله:ماله داعي ياذياب والله
ذياب:لا تكثر حكي يامشعل انا انتظرك اذا وصلت الرياض ارسل لي
-
شغل مشعل سيارته ومشى لـ الرياض
-
-بيت ابو نجد-
ذياب:نجد حطي فراش بالمشب وشغلي المكيف وبخريه
نجد من فوق بصوت عالي:ابشر بس اغير ملابسي
غيرت نجد ملابسها ورفعت شعرها واخذت فراش لـ مشعل والبخور
-
رتبت كلشي وبخرت وطلعت راحت لـ غرفه ذيب دقت الباب ودخلت
نزل ذيب جواله وناظرها:شفيك ؟
نجد ضحكت:وش جايه اسولف مع اخوي فيها شي ؟
ذيب:تسولفين ولا تسحبين سوالف
نجد:ياخي متغير انت فيك شي ياويلك تخبي عني
ذيب:لا مافيه شي
نجد:والله انك تكذب قلي وش فيك ؟
ذيب شبك يده ببعض:ابي اتزوج
نجد ضحكت بصوت عالي:غرت من ذياب ؟
ذيب ضربها على راسها:لا يامريضه ، انا احب وحده
نجد هجدت:ايوه كيف حبيتها نعرفها؟
ذيب:يمكن تعرفينها انتي
نجد:اايووه منهي ؟
ذيب:معك بالمدرسه اسمها عذبه
نجد شهقت بصدمه:عذذذذبه ؟
ذيب:ايه عذبه تعرفينها ؟
نجد:ذي صديقتي الصدوقه
ذيب مسك قلبه:اهخ يانجد تتكفين زوجيني اياها
نجد:تكلمها انت ؟
ذيب:يوم تخرجك عطينها وهي من الخوف احد يشوفها معي اخذته وراحت وكلمتها امس وقلت لها ترسل موقعهم وللحين م ارسلته
نجد:يويلي بغيت تنكبها واكيد ماراح ترسل م تدري وش طينتك
ذيب:كلميها واخذي منها الموقع
نجد:الموقع عندي اصلاً وابيك توديني بكره لها
ذيب:ابد تمم بس ضبطي وضعي تكفين ابي ابدا حياه جديده مبي كابوس مريم يطلع لي كلشوي
نجد بحزن على حاله اخوها:ابشر من عييوني وناااسه بزوج اخواني الاثنين
-