جادلٍ كل الدروب المعشبه تنبت باثرها

28

ذياب:سم الله عدوك ، انا والله اني حبيتكم ومكانكم وقع بالقلب  وطالب القرب منك وجاي اخطب والله اني مفروض اجيب اهلي وابوي بس حبيت اسمع الرد اول شي
ابو مشعل:م نرد الرجال يابو سلطان وجب ابوك وابشر بكل علمً طيب
راكان بقهر قال:ياعم انا اولا من الغريب وانا ابي عروب
ابو مشعل:م تقدمت نفس ذا الرجال ولا عطيتني علم
ابو راكان:كنا جاين عشان كذا بس سبقنا الغريب
مشعل ناظرهم وهو يكره راكان:يابو راكان ذياب مهوب غريب وصار منا وسبقكم وجاته عروب وماحنا برادينه عشانكم
وقف ابو راكان وولده:نترخص يابو مشعل وكثر خيرك
ابو مشعل ببرود:دربك خضر
-
بعد م تعشو نجد واخوانها قالت:يبه ننام هنا طيب ؟
ابو نجد بتعب:بكيفكم بس مافيه مفارش ؟
ذيب وقف:بروح اجيب من البيت واجي
فزت نجد معه:وانا بروح بعد بجيب لي اشياء من البقاله
ابونجد:يلاه روحو وانتبه على اختك ياذيب
-
ركبو السياره ومشو
ذيب:وش تبين جايه انتي؟
نجد:ابي البقاله
ذيب:وشكلي بمشي وخليس انتي والبقاله ذي
نجد ضحكت:ماراح يطاوعك قلبك اصلاً
ذيب ضحكت وسكت
نجد لفت بجديه:ايه ذيب بقولك شي
ذيب لف باهتمام:وشهو ؟
نجد:شوف مابي اتزوج علطول طيب ؟ عمي لا يجبر ابوي على الزواج السريع طيب تكفى خلك معي
ذيب:اصلاً لو انتظ تبين تتزوجين علطول بخرب كلشي مستحيل تتزوجين وانتي بالعمر ذا توك صغغغيره
نجد ابتسمت:ايه كفو خلك كذا
ذيب:افا عليس معس في خير ولا في شر ، ولو تقولين لـ ذيب كلامس ذا فركش ابو الخطبه
نجد اخذت جواله واتصلت على ذياب:تتوقع وصل عندهم ؟
ذيب:ايه اكيدد
-
عند ذياب:طلع جواله من مخباه وشاف اسم نجد ووقف:عند اذنكم
كلهم:اذنك معك
طلع وقف برا رد:ارحبي يانجوده
نجد فتحت السبكر:قليل ادب مفروض يوم وصلت عطيتنا خبر
ضحك ذياب:خفتي علي ادري ادري
نجد ابتسمت:شسويت ؟
ذياب:والله دخلت وعطيته الهديه ومشاءالله حاطين عشاء عشانه متخرج من الدوره توني سمعتها من واحد
نجد بداخلها"يحظك ياذياب تقدر تشوفه ":ايه الجازي اخته قالت لي انبسطت مره
ذيب:بارك له بدالً عني
ذياب:يوصل ، يلاه بسكر انا وبتعشى عندهم واسري عاد
نجد:يلاه انتبه لك
لف ذياب على مشعل اللي سمع كل المكالمه وسوا نفسه توه جاي:افا الضيف برا اقلط داخل
ابتسم ذياب:كنت اكلم ، ومبروك تخرجك من الدوره وعقبال المناصب العليا يبو حاتم ، وذيب يسلم عليك ويبارك لك
ابتسم مشعل:يبارك فيكم يالذيابة اللهم امينن
-
دخل ابو صقر وصقر ولده وقال بصوته الرجولي العالي:ياعرب
مشعل بسرعه:ياامرحبا يابو صقر وصقر جعلها ترحب ملايين
سلم على ابو صقر:المرحب باقي يبو حاتم
مشعل ابتسم:اقلط اقلط
سلم على صقر وقال:تو م نور البيت ياصقر بترجع ايامنا زين
صقر ضحك:بسنتر هنا كلشويي
مشعل:البيت بيتك اقلط
مشى صقر وراء ابوه وشاف ابو حنان ناظره بحده
ابو حنان انصفق وجهه وووقف وقال:انا استاذن وكثر الله خيرك يابو مشعل
ابو مشعل:افا يبو حنان انتظر للعشاء طيب
ابو حنان:مره ثانيه انشاءالله
ابو مشعل:جعلها ترحب ملايينن يبو صقر اقلط انت والصقر
صقر:تبقى يابو مشعل ومبروك تخرج مشعل عقبال م تفرح فيه مترقي ومتزوح
ابو مشعل ابتسم:باذن الله باذن الله
-
عروب مسك شعر الجازي:الجازي ماني فاضيه لتس خلصتي المواعين وخليني اساعد امي
الجازي بوجع:الله يكسر يدس شيلي يدس من شعررري وانا بساعد امي امس خلصت المواعين انا
عروب فكت الجازي:خلاص اجل تقعد المواعين كذا لين امي ولا ابوي يكسرون راسس
ام مشعل بعصبيه:تعالو ساعدوني لا اطبخكم بدال الذبايح ذي
الجازي ركضت علطول عند امها اللي القدور مليانه وخلاص بتغرف
ام مشعل:جيبي الصحن حطيه هنا وروحي نادي مشعل وانا يعروب جهزي الكشنه بسرعه
ركضت الجازي لـ قسم الرجيل وتوهقت م تدري كيف تنادي دقت الباب على خفيف على امل يسمع مشعل ويجي
طلت براسها لـ جهت الغسالات وشهقت
صقر لف ناظرها بفجعه وهو كان يزين شماغه:عماا ادخلي لحد يجي ويشوفك
الجازي صكت براسها الباب بقوه كتمت صرختها ودخلت علطول
ضحكت صقر عليها وطلع لـ مشعل
مشعل:وراك طولت
صقر يحاول يخفي ابتسامته:الباب من اولا يدق الظاهر يبونك
مشعل مشى:ادخل شوي واجيك
دخل مشعل وشاف الجازي ماسك راسها بقوه وتحك مكان الضربه ضحك على شكلها:علامس
الجازي ناظرته برعب:ولاشي رح لـ امي العشاء خلص
مشعل مسكها وباس راسها:صكيتي راسك بالجدار ؟
الجازي ضحكت:ايه بالغلط
مشععل:امشي ساعدينا
الجازي:اكرف عروب مسويه يعنني انا السنعه اللي محد قدي
مشعب همس لها يوم قربو لـ المطبخ وقال:ابشرس جاء نصيبها
الجازي شهقت بفرح ومشعل حط يده على فمها:اصص لا تعلمين احد فيه علوم بقولها لس بس بعد م اخلص
اخذ مشعل الصحون وقلط ابو مشعل على العشاء
-بعد العشاء-
ذياب راح لـ مشعل اللي واقف مع صقر وقال:بسالك يامشعل
مشعل:سم
ذياب:فيه محطه اسمها ام الجماجم هنا وينها ؟
مشعل:ايه قريبه من هنا ليه ؟
ذياب:شاري صقر لـ اختي وقال لي قابلني هنا
ابتسم مشعل من طاريها:ابد اوديك لها بنفسي مشينا 
ذياب سبق مشعل لـ السياره
لف مشعل ناظر صقر وهمس له:اخو النجد يصقر
صقر طير عيونه:ايششش ! صادق
مشعل تنهد:اي والله وخطب وحده من خواتي بعد امش امش بعلمك كلشي بعدين
-
عطوني رايكم بالروايه حبايبي😢❤️