جادلٍ كل الدروب المعشبه تنبت باثرها

31

-
6:00 المغرب وصلو عايله ابو نجد
نجد بتوتر مسكت ابوها وهمست له:يبه انا من وين اروح
ابو نجد:خليك وراء اخوانك وانا بسال عن مدخل الحريم
رجعت نجد وراء ذيب وذياب
مشعل عند المدخل يرحب فيهم:يامرحبا تو م نورت الديره اقلطو
سلم على ابو نجد:يامرحبا ياعمي هذا الساعه المبارك اللي عرفناك فيها
ابو نجد ابتسم:جعلك تبقى يمشعل ولا ينقطع حسك بين اهلك ، وين مدخل الحريم معي بنتي
مشعل رفع عينه بسرعه وناظرها وكانت وراء اخوانها شتت نظره بسرعه واشر من الباب الثانيه:منا ياعم
لف ابو نجد واشر على الباب مشت نجد علطول للباب
سلم مشعل على الباقين وقلطهم في المجلس وكان في انتظارهم الشيخ وابو مشعل واخوانها فارس وخالد
بعد الترحيب والسوال عن الحال قال ابو نجد:زي م انت عارف يابومشعل حنا طالبين القرب منكم واكيد انكم سالتو وجتكم علومه كلها وحنا حاضرين وملبين لكل طلباتكم
ابو مشعل:كل علمً طيب جانا وهاذي الساعه المباركه يبو ذياب ، والامور الثانيه بين الحريم
الشيخ بعد م سجل البيانات لف على ابو نجد وقال:ردد معي
زوجتك ابنتي عروب على سنه الله وروسوله
ابو مشعل قال نفس كلام الشيخ
ولف الشيخ لـ ذياب وقال: قل قبلت
ذياب بتوتر ابتسم:قبلت
مد الشيخ الكتاب ووقع عليه
الشيخ:ودوه لـ البنت توقع
اخذ مشعل الكتاب ولحقه خالد
-
-عند الحريم-
دخلت نجد وكان بستقبالها الجازي وامها سلمت عليهم بتوتر
الجازي ضمت نجد بقوه:يهلا ومرحبا يانجد اشتقت لك
نجد مسحت على ظهرها:يروحي انا اكثر والله اسمعي فيه احد داخل ؟
الجازي:ايه حريم الحاره وخالاتي
نجد مشت بتجاه المغسله وقعدت تعدل شكلها وفستانها وحطت عطرها
مشت جنب الجازي ودخلتها المجلس وكان مليان حريم
توترت وسلمت عليهم وكان شكل نجد فتنه فتنه بعد م سلمت سحبتها ام مشعل وجلستها جنبها ومسحت على شعرها اللي يوصل لـ نص ظهرها:مشاءالله تبارك الله ينجد
ابتمست نجد واخذت الفنجال من الجازي
نجد ناظرت لـ ام مشعل:الرجيل ملكو ولا للحين ؟
ام مشعل:للحين م جابو الكتاب
قاطعها صوت مشعل وهو يقول:وين عروب تجي توقع
نجد بسرعه قالت اساليه ياعمه اذا عادي ذياب يدخل ويلبس عروب الخاتم ؟
قامت ام مشعل والجازي لحقتها
طلعت عروب من غرفتها ومشت بتجاه صوت مشعل
خالد ابتسم:اووه يعروب والله وبتتزوجين
عروب:احسن عشان افتك منكم
مشعل ضحك:مفروض تستحين يعروب ترا فكينا من لسانس ذا اليوم
عروب:وين اوقع ؟
اشر خالد على المكاان
وقعت عروب ويدها ترجف بعدت بعد م وقعت
خالد باس راسها:مبروك يعروب الله يتمم لك
مشعل ضمها وباس راسها:اخيراً بفتك منك مبروك
عروب ضربت ظهره:ياسمجك
الجازي نطت وهي مستانسه قال خالد:يلاه متى تفارقينا انتي بعد
الجازي هجدت وناظرته:سلامات اخوي ماني مفارقتك قاعده على قلوبكم
ام مشعل:اخت ذياب تقول انه عادي يدخل ذياب يلبس عروب الدبله ؟
مشعل فز قلبه "اهخ ليتني مكان ذياب" :ايه عاديي
اخذ الدفتر ولحقه خالد:سلامات مشعل من متى صار عادي ؟
مشعل بوهقه:عادي بدون م ابوي يدري يدخل ويلبسها الخاتم ويطلع احس عروب ودها كذا
خالد:الله يستر منك
مشعل:امسك الدفتر وده بجدد القهوه واجي
رجع مشعل يدخل وكان يعدل شماغه رفع راسه وانصدم من اللي واقفه عند المغسله وتجدد روجها وتسحب فستانها وكانت تلعب بشعرها وتحركه يمين ويسار
لف نجد وانصدمت من مشعل اللي واقف م تحرك ويناظرها م تدري وين تروح علطول دخلت الحمام وسكرت الباب عليها
مشعل مسح على وجهه وقال بهمس:انشهد ان فستانها الازرق يبرهن صفتها
قرب من شنطتها اخذ الخاتم اللي موجود وحط خاتمه وقال بصوت سمعته نجد:الله يجعلس من نصيبي يانجد
دخل علطول للمطبخ وينادي لـ الجازي
طلعت نجد ويدها على قلبها من الرعب اللي عاشته قبل ثواني
طلعت جوالها واتصلت على ذياب رد علطول
نجد:ترا قلت لهم انه عادي تدخل تلبسها الخاتم قالو ايه ف انت قل لـ اخوها طيب ؟ اسمع لا تقول لـ اخوها الكبير
ذياب تشقق من الفرحه من داخل قال بهدوء يعكس فرحته:طيب
-
وقف ذياب لـ خالد وهمس له:متى ادخل اشوفها ؟
خالد بنفسه قال"الله يوهقك يمشعل:امش معي
جاء عند المدخل:اسمع ممنوعه ذا الحركه عندنا ف بندخلك تلبسها الخاتم وتطلع بدون لا ابوي يدري طيب
ذياب بتوتر يخفيه:ابشر
خالد:ادخل في المجلس ذا وانا بناديها
دخل ذياب المجلس ينتظر وراح خالد ينادي عروب
-
طلع ذياب جواله وارسل لـ نجد انه دخل عشان يشوفها وشويات وتجيب الخواتم
رفع راسه يوم انفتح الباب ودخلت عروب وهي رافعه راسها وطاحت عينها بعينه علطول كانت بطبيعتها رافعه نص شعرها ولبسها كان جداً عادي شكلها مكان يدل انها داخله تشوف خطيبها !
ذياب انعجب فيها زياده انها بطبيعتها م غيرت بنفسها شي وكان يشوف شخصيتها كيف انها قويه من دخلت وهي تناظره م نزلت عيونها عنه ابداً
ذياب وقف ووقفت عروب قدامه ووضح فرق الطول بينهم
مد يده وصافحها:الف مبروك يعروب والله يتتم وتصيرين ببيتي
عروب ناضرته بستحقار وجلست:شمعنى انا ؟
ذياب لف ناظرها وهي جالسه وعقد حواجبه:وش شمعنى انا ؟
عروب حطت عينها بعيونه:انا احب راكان اللي كان بيخطب قبلك لكن انت جيت زي الشيطان وخربت كلشي
ذياب بعصبيه والشرار يطلع من عيونه رص على اسنانه:اهرجي زين ياعروب اليوم ملكتك علي واحترمي اني رجال قدامس
عروب ضحكت بخفه ووقفت قدامه:لو انك رجال تطلقني الان
ذياب ببتسامه امتلت حقد على عروب:والله م تشمين ورقه الطلاق يعروب وباخذك غصباً عنك وبتصيرين خدااامه عندي وراكان هاذا الحريمه دواه عندي
دق الباب ودخلت نجد ببتسامه عذبه وكان واضح عليها التوتر
نجد ناظرت ذياب بحب وعروب م كانت تكن لها اي شعور:يروحي ياخوي الله يتمم لك يااررب واشوفك بالبشت وعروستك جنبك
ذياب ابتسم وصدره يرتفع وبنزل من القهر:يبارك فيك يانجوده
نجد ناظرت عروب:مبروك عروب مو عشانه اخوي بمدحه بس والله انك اخذتي ارجل الرجال واطيب قلب وبيحطك بعيوونه
عروب ضحكت بخفيف:يبارك فيك
نجد استغربت بس مشت الموضوع وطلعت الخواتم ومدتها لـ ذياب:يلاه لبسها
سحب يد عروب بقوه ورص عليها ولبسها الخاتم وناظر وجهها ولا تالمت ولاشي
مسكت يده ولبسته الخاتم لفت نجد:انا بروح لا تطول ياذياب
طلعت نجد ولف ذياب بعصبيه ومسك فك عروب بقوه وقرب وجهها من وجه وهمس:لا تحطين راسك براسي يعروب والله لكسرك واوجعك ولاصرتي ببيتي عرفت اتفاهم معك زين
عطاها بوسه بقوه ودفها على الكنب وضحك وطلع
عروب بقرف مسحت مكان البوسه:يع يعع
-