جادلٍ كل الدروب المعشبه تنبت باثرها

26

-
وصلو البيت ودخل مشعل ركض عند ابوه ودق التحيه قدامه وباس راسه ويده
ابو مشعل ابتسم وقربه وضمه:مبروك مبروك عقبال المناصب العليا
مشعل:يبارك فيك يالغالي اللهم اميين
ناظر امه وقرب ضمها:تحقق الحلم يا ام مشعل
ام مشعل ضحكت ومسحت دموعها:ياربي لك الحمدلله مبروك مبروك
مشعل بعد وباس راسها:يبارك فيكك والله اني اشتقت لتس
فارس قرب وضم مشعل:الف مبروك يمشعل الله يتممها لك وتتزوج بعد
مشعل:اللهم اميين
الجازي صارخت:اخلص يمشعل متى يجي دوري
ضحك مشعل وقرب ضمها ودار فيها:عاد انتي بالذت مشتاق لتسس مررره
الجازي ابتسمت وشدت عليه:مبروك مبروك "همست باذنه" عقبال عرسك على نجد ، ترا اليوم تخرجها
مشعل شق الابتسامه:الله يسمممع منس يالجازيي
عروب من دون نفس:مبروك يمشعل عقبال المناصب العليا
مشعل ناظره:م تضميني م اشتقتي لي يعني ؟
عروب ضمته ومشعل قال:يبارك فيس ياعروب
الجازي:مشعل كتبت فيني قصيده ؟
مشعل ناظرها وضحك:انا كتبت قصايد مب قصيده من الطفش
ابو مشعل ناظر خالد:علم الديره كلهم ان العشاء عندي بمناسبه تخرج مشعل من الدوره
مشعل ابتسم:م تقصر يالغالي الله يطول بعمرك
خالد مستانس ان ابوه خاف مرره على مشعل:على خشمي
طلع خالد يبلغ اهل الديره وراح مشعل لـ غرفته عشان يريح قبل العشاء
-
في غرفه مشعل اخذ جواله ودخل على محادثه نجد وكتب البيتين اللي مجهزهم من زمان :
اليوم انا اسعد من يجوب المدينه
ووشلون م افرح والنتيجه تخرّجك ؟

"مبروك" والمبروك شخصٍ تودينه
بتوافقين اليا نويت اتزوّجك ؟
-
6:00 المغرب
ذياب وقف بعد م قطعو الكيكه مع نجد واتقهوى:يلاه يبه انا بروح لـ حلبان وبعطي الرجال كرامته وبرجع صد رد
ابو نجد:درب السلامه ولا تسرع
نجد:اسمع ذياب ارجع هنا طيب ؟ بقعنهم ننام هنا
ذياب:الخريجه تطلب وينرفض طلبها ؟ طبعاً لا على خشمي برجع هنا ومعي شي لتس بيعجبك
نجد ابتسمت:انتبه لطريق لا تنام وانت تسوق
راح ذياب لفت نجد على ذيب:قم معي ابي اركب الحصانه
عقد حواجبه ذيب:حصانه ؟
نجد:ايه حصانتي
ذيب ماات من الضحك:اوول شي الذكر يكون اسمه فحل والانثى يكون اسمها الفرس طيب ؟ مهوب حصانتي
نجد:طيب وشهو ؟
ذيب بغباء:انتي نجد
نجد ضحكت:لا ياغبي حصاني وشهو يسمى ؟
ذيب:حصانس لانه صغير يكون اسمه المُهر ، حسبتس خبره بالخيول طلعتي ماش
نجد:يلاه عادي اتعلم مع الوقت ، يلاه امش ابيك تركبني
-