جادلٍ كل الدروب المعشبه تنبت باثرها

15

قامت نجد وراحت لـ غرفتها ابو نجد بقهر ناظر ذيب وذياب:هاذي نجد ياعزوه نجد لا ترضون بالكلام اللي يجيها لو ايش سمعتوني اللي يتكلم عليها تذبحونه واولهم غسان
اهخ يعقاب كسرتني مره وهاذي الثاانيه
ذيب وذياب ناظرو بعض منقهرين من عمهم اللي موجع ابوهم كثير وزاد الوجع بعد كلامه
ابو نجد:انا بدق عليه يجي
ذيب:شتبي فيه
ابو نجد:لا جاء تعرفون
-
-
صقر بصدمه:وشذا اللي سويته ؟
مشعل تنهد:والله اني حبيتها
صقر:بيومين حبيتها ؟
مشعل:مو لازم اكون عارفها من سنين عشان احبها هي مغير يومين وحبيتها ومبي دوخه الحب انا وضيم الحب اعترفت علطول وانتظر ردها اما اني اقعد احبها بيني وبين نفسي ولا اني احبها وهي بين يديني
صقر بتامل:مشعل حبني
مشعل ضحك:يع الله لا يقوله
صقر صغر عيونه:مشعل انت شايفها صح
مشعل:شوف هو انا شايفها بس قسم بالله بالغلط والله
صقر مسم راسه:مدري اصدع من الشمس ولا منك مدري صراحه !
مشعل: شفتها ياصقر صدفه يازينها صدف
‏تأملت بعيونها زين القصيد

‏خذتني المملوحه ام الجدايل
‏مثل البحّار في خاطره الصيد

صقر شهق:فيها جدايل وقصيد وعيون وقف:مشعل انا بروح لو قعدت زياده بضربك
ضحك مشعل وتنهد:شعور الحب زين ، يلاه مع السلامه
سحب جواله اللي دق:لبيه
الجازي:وينك
مشعل وقف:جاي يالجازي وش تبين
الجازي:يلاه بنتظرك
مشعل:بعبي بيت البلوه فارس واجيك
رجع الجوال بجيبه واخذ الوايت وراح لـ بيت فارس وعباه وعبا بيتهم
-
الجازي:ياخي تكفى مشعل ودني لـ السوق
مشعل:انا بوديك والله بس مو اليوم تعببااان
الجازي:طيب تنام الحين واقومك العصر هو انت قايم العصر قايم
مشعل:اذا صحيت العصر ابشري بوديك
الجازي:يلاه نم لا تموت علينا
ضحك مشعل:طفي النور وسكري الباب
-

-
العصر .
صحت نجد من بدر اللي كان يبوس بخدها ويلعب بشعرها
نجد ابتسمت وفتح يدها:بدورريي تعال يقلبي
بدر ابتسم ودخل بحضنها:اشتقت لك نجد لعا تروحين عني
نجد شدت عليه وباست راسه:من عيوني يروحي مابروح وااخليك ، غيث وين ؟
بدر:تحت من اليوم يهاوشني يقول خل نجد ترتاح بس انا مشتاق لك
نجد ضحكت وباست خده بقوه:وه يحلو كلمه مشتاق منك
يلاه انا بصلي وبنزل لكم وبسوي لكم احلا اكلل
بدر بعد عنها:يلاه احتريك تحت
طلع بدر وزفرت نجد براحه حط يدها على عيونها بعد م تذكرت مشعل وكلامه وهمست:مقعوله بيومين حبني ولا بعد بيخطبني غررريب ، "ابتسمت" بس اهخ كلامه حلو حتى اسلوبه مع اخته حلو ولا كلمته هي بوجهي وشنبي
استوعبت على نفسها وقامت تتسبح وتصلي .
-
الجازي واقفه عند راس مشعل:يامشعل قم بيجي ابوي الحين ويهاوش قم يلاه
مشعل بنرفزه:ياليل يالجازي شتتبين
الجازي:قم عشان ابوي م يجي ويسوي سالفه يلاه وعشان تودينا
جلس مشعل بقهر:الواحد م يتهنى بالنوم يعني اهخ ياربي اتزوج بسرعه وافتك
الجازي ضحكت وغمزت:تتزوج اجل ، اول مره تجيب السيره
مشعل ناظرها بطرف عين:مالس دخل ويلاه روحي اجهزي وقولي لـ امي مبي انتظر بوديكم علطول ونررجع علطول
الجازي:ايه يصير خير