جادلٍ كل الدروب المعشبه تنبت باثرها

13

-
-
ذيب ناظر نجد وهو مبتسم:حمدلله انك بخير ينجد م تدرين شلون تشتتنا هاليومين
نجد بضيق:ابوي بخير ؟
ذيب:بخير بخير ينتظرك تجين بس
نجد سندت راسها على كتف ذيب وتنهدت:اشتقت لكم مرره
ذيب مسح على راسها:حنا اللي اشتقنا لك مرره بدر بس يبكي يبيك نقوله بتجين يقول الحيين تجي الله يعين ابوي اكيد فجر راسه بالبكي
نجد بحنيه:يروحيي يابدرر ، وغيث ؟
ذيب ناظر ذيّاب وعقد حواجبه:غيث من يوم وصلنا م طلع صوت ولاشي !
ذياب وهو مركز بالطريق وبحزن:ابوي صارخ عليه لانه م قال لنا انك رحتي لـ المسجد بس اكيد مكان يقصد كان خايف عليك
نجد بضيق:مطولين على م نوصل للبيت ؟
ذياب:يعني مو مره ، قولي شصار معك وكيف جيتي مع الرجال ذا ؟
نجد ابتسمت:اقول كلشي عند ابوي
ذيب:اجل نامي على م نوصل
-
-
غسان لف على ابوه بغضب:البنت شجابها هنا !! من الرياض لـ حلبان !!
عقاب بصداع:مدري عنها كله من سلطان ياما علمته يشد عليها م يفهم ذي بنت بنت فضيحهه
غسان طلع جواله:انا بدق على اخوانها الرخوم اعلمهم عن سواد وجوههم
عقاب ناظره:لا تزيد الهرج قل اختكم مع واحد وبسس
غسان اتصل على ذياب وينتظر الرد
-
ذياب رفع جواله وعقد حواجبه:ذا غسان وش يبي !
ذيب رفع حواجبه:غسان ولد عمي ؟ يقدمي رد شف شيبي
نجد فزت:انا ادري وش يبي انت رد عليه وقل له مالك دخل
رد ذياب على غسان:هلا ؟
غسان:هلا بولد العم هلا بالي م يدري عن اخته مع كم ولد طالعه
ذياب عقد حواجبه وبعصبيه:اوزن كلمتك قبل لا تنطقها ياولد عقاب
غسان ضحك:عز الله اني م كذبت بولا كلمه اخته شفتها في ديرتنا مع ولد وعيني م تكذب تغيرت نبره صوته لـ حده:اختك لا تمسح بسمعتنا بالارض وتعال دورها واخذها
ذياب بستفزاز:وش دخلك بـ اختي ؟
غسان بعصبيه رص على اسنانه:اقولك اختك شفتها مع ولد تقولي مالك دخل ؟؟
ذياب:اختي معي ياغسان عيونك شافت غلط ولاعاد تدق على ذا الرقم
سكر ذياب الجوال بوجه غسان ولف على نجد:يقول شافك مع ولد
نجد بتوتر وخوف:ايه ياذياب هو شافني بالقسم مع الولد ذاك مع عمي عقاب وجاء يهاوشه وقال مشعل هي بوجهي وشنبي لين يجونا اهلها ومالكم دخل بالباقي
تحول خوفها لدموع:قال لي الله يخلف على ابوك يارخيصه يا ذياب
ذياب بقهر:لا تبكي يانجد ومنت رخيصه الغلط مننا حنا نسيناك والنشمي لقاك وانتي م سويتي شي غلط سمعتي اي كلام يجيك لا تسمعين له خليك دايم تقولين "انا م سويت شي غلط " واهمشي حنا وابوي معك وماراح يهمنا كلام عمي ولا ابن امه طيب ؟؟
ذيب:يانجد اذا وصلنا لا تضايقين ابوي بكلام عمي طيب خلاص ذا صار بالماضي م علينا من الماضي
نجد ضحك من بين دموعها:طيب جوعانه جيبو لي اكل
ذيب ابتسم:ينزل احلا فطور لعيونك الحيين
ذياب ضحك:تبين تنزلين لـ المحطه ؟
نجد مسحت دموعها وضحكت:تووبه توبه انزل بدونكم
ضحكو ذيب وذياب وكان رجعت لهم الحياه برجوع نجد
-

-
مشعل بعد م طلع من القسم رفع جواله ودق على صديقه صقر صار له ثلاث ايام عنه !
ابتسم يوم وصل له صوت صقر وقال:لا تعاتب من الجوال بجيك الحين واقعد عاتب لين تشبع وينك ؟
صقر:بالمكان حقنا حاط فطور لي لحالي ماني حاسبك ترا
مشعل ضحك:انا وانت واحد باكل معك غصب
سكر منه وتوجه لـ مكانهم المعتاد اللي محد من اهل الديره يمره او يعرفه
وصل ونزل لـ صقر اللي سفهه وقعد يكمل اكله بزعل منه جلس جنبه مشعل وابتسم ودق كتفه:مسوي زعلان يعني ؟
صقر ناظره وقلب عيونه ، مشعل ضحك وضمه على جنب:وشذا الحركات شكل الزعله قويه
صقر وخره عنه وقال:يعني ثلاث ايااام ياظالم مدري عنك حي ميت ولا ترد علي ولاشي ليه ! تبغاني ادخل لديرتكم ذي واموت صح ؟
مشعل غمز له:خفت علي يعني
صقر رفع حاجبه:لا م خفت بس طفشت
مشعل وهو ياخذ الخبزه من يده وياكلها:والله ياهي صارت علوم ياصقر
صقر:اي انت م تختفي الا وراك علوم قلي يلاه
مشعل ضحك:حبيت وعشقت وخطبت بثلاث ايام تصدق!
صقر غص بلقمته وقام يكح:حبيت وخطبت ؟؟
مشعل وهو يضرب ظهره:اي بالله قاعد انتظر الرد عاد انا
صقر ضوق عيونه:يبغالك جلسه مع شاهي عشان اسحب علومك انت وقف ومشى لسيارته:كمل فطور بروح البيت اجيب شاهي واجيك طيب ؟
مشعل:يلاه لا تطول
سحب جواله من مخباه ورد:سم يبه ؟
ابو مشعل:وينك فيه م شفتك بالبيت ولا بالمسجد وينك طاس ؟
مشعل غمض عيونه وبهدوء:رايح لخويي بالديره اللي جنبنا بنفطر واجي تبي شي ؟
ابو مشعل:طايش انت طاايش بس اوريك خلص ورح يم البل حط اكلهم واكل معهم ، ثم اخذ الوايت وعب بيتنا وبيت فارس
مشعل بغضب:وهو ليش م يعبي لبيته ماني مكلوف فيه انا؟؟
ابو مشعل بصراخ:تكسر كلامي يعني يمشعل !
مشعل بقهر:خلاص بسوي اللي قلته شي ثاني ؟
ابو مشعل:اخلص علي
-