جادلٍ كل الدروب المعشبه تنبت باثرها

8

خالد ضحك:اخذ نفس طيب شوي شوي اكلتني
مشعل:وراك م تسال طيب او ترسل
خالد تنهد:تعرف الشغل صاير ضغط هالايام يالله اخذ لي وقت انام فيه
مشعل:الله يعينك ، متى بتجي ؟
خالد:بكره اخر يوم باذن الله بمشي
مشعل:اذا تحركت علمني
خالد:ابشر توصي شي من الجنوب خاطرك بشي ؟
مشعل:ابد سلامتك
خالد:والمرجوجه الجازي تبي شي ؟
مشعل ضحك:احسن شي م تسالها لانها بتفلسك
خالد:اجل يالله سلام .
-
"عند الجازي رجعو للغرفه "
الجازي:نجد وشهو الدفتر ذا ؟
نجد ابتسمت:اكتب فيه كلشي بداخلي
الجازي عدلت جلستها:يعني تكتبين شعر وحركات ؟
نجد ضحكت:ايه شعر وحركات بقولك شعر كتبته يوم كنت بالسياره مع ابوي قبل لا ينسوني
الجازي ابتسمت:يلاه اسلمي
نجد ببتسامه خفيفه فتحت دفتره ووقفت عند اخر صفحه كتبت فيها:يقول" ان غبت قلبي تكدر وانقلب جوهْ
‏وادناة ما حسني وادناة ما ابكاني
‏لا تحسب إن الجفا والبعد بمروّه
‏ م تدري إني رهيف القلب م داني"
الجازي بحماس:مره ثانيه مره ثانيه
نجد ضحكت وسكرت الدفتر:لا خلاص بنتاخر على اخوك اعوضك بعدين ان شاءالله
-

-
عند ابو نجد بعد موصلو بيتهم رجع ل السياره ذيب وذياب
ذياب:وين بتروح ؟
ذيب:بقعد كذا يعني م اسوي شي !
ذياب عقد حواجبه:وش بتسوي طيب
ذيب شغل السياره:بدور نجد بروح ل المحطه وبدور في الديار القريبه منها
ذياب:والشرطه ؟
ذيب ناظره وعيونه كانت حمراء:حنا فقدنا امنا ياذياب مبي افقد امي الثانيه بقعد ادور في كل مكان ماراح اقعد كذا واختي مدري وينها تبي تروح معي امش م تبي اقعد عند ابوي
ذياب بضيق:لا والله معك ماراح اخلي اختي انا بعد ، بس اول شي روح ل قسم الشرطه نسال ونشوف
ذيب حرك السياره:يلاه
-
الساعه 11
نجد جالسه بعبايتها على سرير الجازي وتسوي طرحتها
الجازي:نجد تعرفين ترقصين ؟
نجد ضحكت:وشذا السوال الشاطح ؟
الجازي:يعني كذا اسال تعرفين ولا
نجد:ايه اكيد اعرف فيه بنت م تعرف ترقص ؟
الجازي بضحكه:عطيني شوط قبل لا نفترق
نجد وقفت:اقول امشي بس ، تدرين وش اللي اتميز فيه بالرقص ؟
الجازي عقدت حواجبها:وشهو ؟
نجد وهي تقلد الرقصه:رقص اهل شمر اووه عشقي عشقي
الجازي جت بتتكلم بس قاطعها دخول عروب:شتسوون
لفت ناظرت نجد:وذي ليش لابسه عبايتها ؟
الجازي:بخليها تطلع معي للحوش تبين شي ؟
عروب:اايه لا مبي شي بس لا يشوفها اخوك بس وش يفكنا عاد عاطل باطل ويحب بعد !
الجازي بعصبيه:عروب انقلعي اطلعي وفكي مشعل من شرك !!
عروب ضحكت وسفهت الجازي وناظرت نجد:تراك ببيت فيه عيال تستري ! بعدين اهلك متى يجون م يخافون عليك ؟
الجازي بنرفزه منها سحبتها مع لبسها وطلعتها من الغرفه وسكرت الباب بوجهها:كريهه اكررها
نجد بضيق:م عليه روحي شوفي اخوك وينه عشان نمشي
-