جادلٍ كل الدروب المعشبه تنبت باثرها

35

مشعل:باذن الله مب صاير شي ، فيك شي يوجعك شي ؟
نجد ناظر غيث وبدر:مو مهم انا هم لا يصير فيهم شيي "ناظرت مشعل"خل الاسعاف تجي بسرعه
لف مشعل ناظر الطريق وكانت الاسعاف جايه:جت الاسعاف خليك مكانك بيشلونهم واحد واحد
سحب طرحتها اللي طايحه وحطها على راسها وقام للسعاف
-
رجل الاسعاف شال ابو نجد وذيب ومشى بهم للمستشفى علطول لان حالتهم خطره
والسيارة الثاني غيث وبدر
مشعل:والبنت ؟
رجل الاسعاف:البنت الواضح قدامي مافيه شي قوي ولا نقدر نركبها معنا بيصير زحمه ولا راح نقدر نتحرك ونعالجهم
مشعل:اجيبها معي يعني ؟
رجل الاسعاف:افضل شي انا قست ضغطها مرتفع شوي من التوتر بس عادي
مشعل لف ناظر نجد ورجع ناظره:متاكده ماراح يصير لها شي
رجل الاسعاف:متاكد انت الحقني بس
رح مشعل لـ نجد ونزل لـ مستواها:نجد امشي معي نلحقهم انتي مافيك شي حمدلله
نجد:يعني هم تعبانين مره ؟
مشعل:لا لا كلهم بخير انشاءالله بس لانك انتي صحيتي ومافيك الا العافيه حمدلله ، يلاه قومي معي عشان اوصلك لهم
حاولت توقف نجد بس صرخت بالم من رجلها ولا قدرت توقف:مقدر مقدر رجلي تعورنيي
مشعل بخوف:ليكون منكسره
نجد بالم:مدرري مدري
مشعل:استندي علي طيب لين تركبين السياره
مسكت كتف مشعل وستندت عليه ووقفت ومشت لين ركبها السياره وراء
-
-ذياب وعروب-
صحى ذياب على صوت همس من الصاله وقف ومشى بتجاه الصوت وقف وهو يسمع كلام عروب:والله بخليه يطلقني لخليه يكره العيشه معي ، ياركان اصبر علي تونا ببدايه الطريق
لف برعب من ذياب اللي سحب الجوال وحذفه بالجدار
ذياب بعصبيه وصراخ:وش اخرتها معك ياعروب وش اخرتهاا
مسكها مع شعرها:تبيني ابدا بالعنف م عندي مشكله ، يااااقليله التربيه تكلمينه وانتي زوجتي وعرسنا حتى م مر عليه يوم ؟ وش شايفتني انتيييي !!
عروب وهي ماسكه يده اللي على شعرها:قلت لك من البدايه طلقني بس انت تبي العناء
ذياب سحبها ودفها على السرير:بتصيرين زوجتي الحين ورسمييياً
عروب بصراخ وهي تبعد ذياب عنها بدها:بعددد عني ياذياب بعدد م عندك كرامه انت
م عاطاها وجهه ذياب
عروب ببكى:بعد ياذياب بعدد م ابيك
ناظر ذياب وجهها وبعد:كنت ابي اناظر الضعف ذا ابيك توصلين لـ مرحله انك تبكين وتترجيني ولا انا شبي بوحده وصخه نفسك ؟
عروب وهي تمسح دموعها وقفت قدامه وناظرت فيه:شتبي فيني ؟ حتى انت سالت نفسك بس انا مووصخه انا اشرف منك ومن اختك اللي باخر الليول مع ولد م تدري منهو
استوقفها ذياب بكف طبع على خدها مسك شعرها وقال:نجد خط احمر يعروب حتى اسمها مابيك تنطقينه سااامعه 
اخذ جواله اللي كان يتصل وكان مشعل
-
نجد:اتصل على ذياب
مشعل:خلينا نوصل الحين ونتطمن عليهم ثم اتصل عليه
نجد:لا لا اتصل عليه ابييه يكون موجود
مشعل تنهد:ابشري
سحب جواله واتصل علي ذياب
مشعل:عسى م ازعجتك
ذياب:لا ابد م يجي منك ازعاج امر شبغيت ؟
مشعل:كل خير انشاءالله ابيك تجي لـ المستشفى
ذياب عقد حواجبه بخوف:عسى ماشر ؟ الاهل فيهم شي
مشعل:اهلك مسوين حادث خفيف واخذتهم الاسعاف للمستشفى وتعال هد لا تسرع
ذياب فز بخوف:انت شتقول صار لهم شي ؟ ابوي فيه شي ؟ نجد شصار فيهم ؟
مشعل:م فيهم الا العافيه خفايف بس انت تعال
ذياب:يلاه يلاه بجي
-
مشعل وقف عند مواقف المستشفى وركض يجيب عريبه عشان تجلس عليها نجد
مشعل:تقدرين توقفين وتجلسين هنا ؟
نجد بوهقه كانت سياره مشعل مرتفعه شوي "رابتر":بعيده المسافه ، ناد وحده تساعدني
مشعل قرب منها:لـ الضروره احكام تمسكي بكتفي وانزلي وانتبهي لا تضغطين على رجلك كثير
نجد اتبعت كلامه ونزلت بصعووبه وجلست على الكرسي
طاحت طرحتها عن وجهها وكان واضح عليه التعب واحمر من كثير البكي
مشعل ناظر وجهها وصد علطول بحزن وهمس:جعله بعمري وجعل هالدموع دموعي ولاهي دموعك
نجد عقد حواجبها:قلت شي ؟
مشعل:لا
نجد:خلاص انت دخلني وراح مبي اشغلك اكثر
مشعل:والله م اروح لين اتطمن عليكم واحد واحد وبذات انتي
نجد جتها لحظه ادراك وبكت:ابوييي مشعل تكفى شف شصار عليه وددني له
مشعل بحزن وهو شايف حاله ابو نجد وكانت ميؤس منها:ابشري بس الحين بدخلك هنا يشوفون رجلك وانا بروح اشوف الباقين
نجد هزت راسها وقعدت تبكي بصمت وتدعي لـ ابوها واخوانها
بعد م شاف الدكتور رجلها ناظر مشعل:لازم اشاعه ود المدام لـ غرفه الاشاعه وعطهم الاورقه ذي
اخذ مشعل الورقه و نجد معه على الكرسي قال داخل نفسه:اهخ ليتك المدام صدق
دخلت غرفه الاشاعه وساعدوها وسوو الاشاعه لها وطلعت تدف نفسها بالكرسي والاشاعه معها
فز مشعل يوم شافها ومسك الكرسي:وراهم م جابوك
نجد هز كتوفها سكت مشعل ومشى لـ غرفه الدكتور
-
وصل ذياب للمستشفى اللي وصفه له مشعل واخذ جواله واتصل علي مشعل ومشى علطول لـ غرفه التنويم اللي فيها نجد بعد م جبرو رجلها لانها انكسرت وعطوها منوم عشان م تحس بالالم اكثر
شاف مشعل واقف عند الغرفه ويناظر الجدار
ذياب مسكه:شصار فيهم كلهم بخير صح ؟
مشعل:بخير انشاءالله نجد وغيث وبدر كلهم بخير متنومين بالغرف ذي
ذياب بضيق اجتاح صدره:وابوي وذيب يامشعل وش قالو عنهم
مشعل:مدخلينهم العمليات للحين م قالو شي
ذياب مسك راسه:لحول ولا قوه الا بالله غرفه العمليات ياربي الطف بحاللههم ، نجد وين غرفتها
اشر مشعل على الغرفه:رجلها منكسره وجبروها وعطوها منوم عشان م تتعب زياده
ذياب تنهد:وبدر وغيث ؟
مشعل:غيث جاته رضه بيده ولفوها له اما بدر جته ضربه على راسه وينتظرونه يقوم ويشوفون هي اثرت عليه ولا لا
ذياب:يجعله بروحيي عنهمم
تعدى ذياب مشعل وراح يدور غرفه العمليات وقف قدامها وهي معاد يتحمل صدره من الضيق ابدد
جلس عند الباب وحط يده على راسه ويدعي لهم وجاء مشعل جلس عنده وهو ساكت
-
بعد ساعه طلعت الممرضه تركض مسكها ذياب:شفيه ابوي بخير صح
الممرضه:نحتاج فصيله دم AB سالب ضروري ولا راح نفقد المريضين
ذياب بصدمه:هاذي فصيله دم ابوي وذيب وانا مو نفسهم "لف ناظر مشعل" تكفى يامشعل دور احد نفس الدم تكفى ابوي واخوي بيموتون
مشعل وكانه تذكر:انا انا فصيله دمي كذا
الممرضه:يلاه بسرعه الحقني ضروري نكون سريعين 
مشى مشعل وراها ودخلوه غرفه سحب الدم وسحبو منه كيسين دم
الممرضه مدت له عصير:اشرب العصير واقعد هنا لا تتحرك عشان م تدوخ
اخذ مشعل العصير وهو معاد يشوف من بعد سحب الدم راسه صار ثقيل ولا له خلق يرفع يده حتى سند راسه على الكرسي من وراء ونام
-
بعد وقت طويل على ذياب اللي واقف عند الباب ينتظر احد يطلع ويبشره بانه ابو واخوه بخيرر
طلع الدكتور ووجه م يبشر بخير ناظر ذياب:تقرب لهم ؟
ذياب بخوف:ايه شصار كلهم بخير صح
الدكتور حط يده على كتوف ذياب:اول شي هاذا قضاء وقدر ويشهد الله سوينا اللي علينا بس م نقدر نوقف بوجه الموت
ابوك عطاك عمره وتوفى
ذياب ضحك بعد استيعاب:تمزح انت وش توفى توه حاضر زواجي وين يموت لا تلعب باعصابي ياكتور
الدكتور تنهد بحزن:اكيد صعب عليك تتقبل بس هاذا اللي كاتبه ربي ادع له بالرحمه
طاح على ركبته بصدمه ومسك راسه:لا لا مستيحل ابوي يموت ويخلينا مستحيل
جاء مشعل يركض يوم شاف ذياب طايح على ركبه وعرف ان واحد منهم توفى
مشعل ناظر الدكتور:شصار ؟
الدكتور:الوالد توفى
مشعل:لحول لا قوه الا بالله ، وذيب ؟
الدكتور:دخل غيبوبه بسبب فقدان الدم الكثير وباذن الله ماراح يطول
مشعل رفع ذياب وربت على كتفه:تصبر وانا اخوك تصبر والموت بياخذنا كلنا ادع له بالرحمه
ذياب ناظر الدكتور:بدخل اشوفه
الدكتور:نوديه لـ الثلاجه ثم تشوفه
ذياب:لا بدخل الحين اشوفه
مشعل ناظر الدكتور:خله يدخل لو سمحت
-
دخل ذياب وناظر ابوه اللي مخيطين جبهته بعد الاسلاك عن جسمه مسك وجه ابوه:ادري انهم كذابين ماراح تموت وتخلينا حنا تونا صغار على فقدك يبه تكفى قم م نبي نعيش الفقد مرتين تكفى يبه لا تيتمنا مرتين قم يبه قم غيث وبدر من يعطيهم حنان الابو ؟ نجد نجد يبه نجد بتتزوج لازم تكون معها بعرسها وتحرص على غسان م يضايقها صح يبه يلاه قم "مسح دمعتها اللي نزلت" يبه انا بجيب عيال وينادونك جدي وتلعبهم وذيب م يقدر بدونك يبه تكفى يبه لا تيتمنا مرتين وقم عشاننا يبه
بعد الشرشف وانسدح جنبه وحط راسه على صدر ابوه وسمح لـ دموع انها تنزل:اهخ يايبه بنفقد حنانك اهخ يايبه ليتني مكانك يايبه ليت الموت تعداك وجاني اهخ يايبه ليتني م تزوجت اهخ يايبه اهخ
دخل مشعل وشاف المنظر وسمع كل كلامه ولا قدر يمسك دموعه تلطم بالشماغ وقرب من ذياب:يلاه ياذياب خلاص تخلص اوراق الوفاه م يصير اللي تسويه
بعد ذياب عن ابوه وناظر مشعل وقال ببحه:ليتني مكانه يامشعل انا شلون بعلم اخواني الحين ؟ شلون بيستوعبون
شلون بواجهم وانا ابوي مات وانتو اللي سلمتو
شلون بيتقبل ذيب والله راح يلوم نفسه اه يقلبيي عليهمم وعلي
ربت مشعل على كتفه:الله يقويك ويصبركم وخلك عون لهم لا تضعف قدامهم كلهم تعبانين يبون احد يستندون عليه
ذياب مسح وجهه:الله يعين ويصبرني
-
وقع ذياب على الاوراق وكلشي واخذ شهاده الوفاه وهو م عاد يتحمل شي زياده يحس قلبه يتقطع على كل ورقه يكتب فيها اسم ابوه ويوقع:م ابي ادفن ابوي الا لين يصحى ذياب
مشعل عقد حواجبه:حرام ياذياب اكرام الميت دفنه
ذياب ناظره:م اقدر لحالي احتاج اخوي معي
مشعل:ذيب م ندري متى يصحى وحرررام تخلي ابوك كذا وانا معك انا اخوك اذا م وقفت معك هالحين متى اوقف ؟
-