جادلٍ كل الدروب المعشبه تنبت باثرها

22

-
"قبل سنتين "
الساعه 11الليل
كانو مشعل وصقر كالعاده في مكانهم
صقر وقف:بجيب شاهي واجي خلك
مشعل:اخذ السياره
صقر:لا ودي امشي قريب اصلاً ، واهل الديره بيسمعون السياره وكالعاده بيقولون سكارا
مشعل ضحك:يلاه لا تطول وانتبه
كمل مشي صقر وصار يسمع صوت خطوات وتنفسات سريعه ، تعوذ من الشيطان واسرع بخطواته
وقف برعب يوم طاحت قدامه بنت وتبكي وتستنجد فيه
صقر بخوف:من وين جيتي انتي !!
البنت "حنان" ببكي وتعب:تكفى استر علي واخذني معك
صقر بصدمه:وين اخذك ؟ وين بيتك انتي من انتي بنته
حنان تمسكت برجوله وبرجاء:لو اصير عندك خدامه راضيه بس تكفى اخذني
صقر:وشذا المصيبه امشي امشي معي البيت
وقفت حنان واستندت على كتف صقر عشان م تطيح
صقر:وش انتي مسويه ؟
حنان:م سويت شي بس ضايعه
اول م دخل الديره وقفت سياره ابو حنان بصدمه من زول بنته مع صقر
ابو حنان نزل من السياره بعصبيه وسحب حنان بعبايتها:منحاشه يابنت ال*** وراجعه مع ولد الديره
حنان بخوف وكذب:هو هو اللي اخذني وكذب علي هو اللي غرني
صقر بصدمه ناظرها:انا ؟
ابو حنان سحب حنان لـ السياره ورجع لـ صقر وبغضب ضرب صدر صقر:والله لقهر ابوك نفس م قهرتني يالوصخ هين
-
الفجر
ابو حنان واقف عند المسجد ينتظر ابو صقر يطلع
طلع ابو صقر وصقر وراءه ناظر ابو حنان وتنهد من المصيبه اللي بتجيه
ابو حنان بصوته شبه عالي:يابو صقر
ابو صقر عقد حواجبه من صوته:ارخ من صوتك يابو حنان
ابو حنان بانفعال:ولدك اللي م يستحي على وجهه لو تدري وشهو مسويه نزلت راسك وقفيت لـ بيتك بدون ولا حرف
ابو صقر:اختصر كلامك وشهو مسوي صقر !
ابو حنان:ماخذ بنتي لـ البر ومرجعها ، يا انه يتزوجها او اطلعو من ديرتنا
صقر بعصبيه:ياخذك انت وبنتك رح شف منهي رايحه معه مب تجي تحط المصيبه عليي !!
ابو حنان:كذبب عيون ياصقر شايفك ماسكها معك
صقر:ابك بنتك لقيتها طايحه وجبتها هاذا نهايه الخير اللي سويته
ابو حنان رفع يده:لا تكثر حكي ماله فايده ، زواجك على بنتي اليوم ولا اطلع من الديره
صقر لف على ابوه وبقهر رص على سنونه:قل شي يبه قل شي تدري مهيب فعلتي
ابو صقر لف لـ اتجاه بيته:الحقني ياصقر
صقر بتهديد:اوريك انت وبنتك
-
صقر بعصبيه:ياايبه اسمعني انا كنت مع مشعل جالسين ونسولف قلت بروح اجيب شاهي الا البليه تطيح قدامي تقول استر علي وبصير عندك خدامه مدري وين اوديها تمسك فيني ، قلت بدخلها الديره وتدور لها صرفه الا ابوها يطلع وشافنا يايبه تكفى صدقني
ابو صقر ناظره:بتتزوجها ؟
صقر:ليش اتزوجها ليشش انا م سويت شي
ابو صقر:اجل يلاه لمو عفشنا بنطلع من الديره
صقر مسك راسه:ابك انا م سويت شي ليش نطلع !!!
ابو صقر:انا مصدقك ، بس الناس شلون نخليهم يصدقون ؟
صقر:وش علينا من الناس نقعد بدريتنا وبيتنا
ابوصقر:هات لي دليل ادخله بعيونهم
صقر:م عندي
ابوصقر:يلاه اجل طلعنا
-بعد سبوع-
بعد م لقو بيت وسكنو فيه رفع جواله ابو صقر وناظر صقر:ابو حنان يدق
صقر تنهد؛لحول صدق ، شف شعنده
ابو صقر:وعليكم السلام
ابو حنان:البنت حامل بولد ولدك حبيت احط عندك خبر لا ولد تصرف عليه
ابو صقر بعصبيه:اللي في بطن بنتك دور ابوه مهوب تلزقه في ولدي
ابو حنان:م دقيت عشان اسمع منك هالكلمتين اللي في بطنها منك وفيكم انتهى "سكر "
-
ابو حنان ناظرها:لو ادري بس انس كذابه واللي في بطنك مو منه بذبحك والله لذبحك
حنان توترت:خله يتزوجني بقعد اربي الولد لحالي ؟
ابو حنان:م يبي بس بيصرف عليه غصب