جادلٍ كل الدروب المعشبه تنبت باثرها

3

-
-عايله نجد -
بعد م وصلو الرياض ودخلوها سلطان ابو نجد:ذيب وانا ابوك صح نجد وخوانك يلاه وصلنا
لف ذيب وفز برعب يوم م شاف نجد !!
ذيب ودقات قلبه سريعه:ابوي ابووي نجد مو موجوووده ؟
سلطان انحرف بالسياره على الزفلت ووقفها لف برعب يوم شاف بس عياله الصغار نايمين ! لف على ذيب:وين راحت ؟
ذيب:ابووي بالمحطه يبوي حنا م وقفنا الا هناك
مسك راسه ابو نجد وضربه بالدركسون ويهمس بكلام مو مفهوم لف على ذيب بسرعه:اي محطه يولد وقفنا عند اكثر من محطه ؟
ذيب:مدري اي وحدده بس خل نرجع وكل محطه ندور فيها يلاه يلاه انزل يبوي بسوق انا
نزل ابو نجد وهو في حالة صدمه وركب الجهه الثانيه ولف على عيال الصغار وصحاهم
ابو نجد:غيث وين نجد ؟
غيث برعب فز:ابوي هي قالت بتروح المسجد بس انا نسيت اقول لك
ابو نجد بغضب:ليش م قلت ليشش تشوف الحين نسينا اختك م ندري وينهاا
ذياب مسك يد ابوه يهديه:ابوي م عليه هد بنلقاها ان شاءالله
ابو نجد بغبنه:استودعتها ربي
ذيب يزيد بسرعته لين طلع من الرياض ومسكو الخط من جديد
-
عند نجد اللي غفت بدون م تحس وغفت معها الجازي
مشعل يناظر الجازي وهمس:امحق خويه سفر
خطف نظره على المرايه شاف نجد نايمه بعد قعد يفكر شلون يلقى حل ويرجعها ل اهلها شرد بتفكريه ومانتبه ل المطبه القويه واكلها صارخت نجد برعب
مشعل بخلعه:سمي بالله سمي بالله مغير مطب يابنت الحلال
نجد بدون م تحس بكت:انتبه وانت تسوق
مشعل رفع حاجبه باستنكار:اسف
نجد حست على نفسها ولمت نفسها وقعدت تناظر الطريق
طبعاً الجازي في سابع نومه هههههه
-
قربو من الديره ومشعل وقف على جنب م دخل صحى الجازي ونجد تناظره بهدوء
الجازي بتكشيره:مشعل شفيك م وصلنا البيت ليش صحيتني
مشعل ضربها على راسه:صحصحي معنا ضيفه وين نحطها
نجد ابتسمت بخفيف ولا تدري ليش ابتسمت اصلاً
الجازي استوعبت:اي ووالله وين نحطها ؟
مشعل:شرايس تقولين ل امي انها صديقتس من الديره اللي جنبنا ؟
الجازي ضحكت بحماس:ايييي ووووالله انك جبتها يلاه يلاه خلاص بكمل الباقي
مشعل ضحك وحرك السياره ودخل الديره ونجد تناظرها مستغربه مافيه بيوت ولا مباني كبيره ؟ نفس الرياض
وقف عند البيت ونزل الجازي ونزلت نجد معها وهي ماسكه شنطتها الصغيره
الجازي:شوفي ينجد افتحي اذنس معي اذا دخلنا بتطلع امي بوجيهنا بيكون الوضع عادي وتسلمين عليها طيب واسم امي غزيل قولي خالتي غزيل او عمه عادي والباقي علي
نجد ميلت راسها:طيب عزفت اسم خالتي غزيل لاكن انتي وش اسمس
مشعل ضحك بهدوء وهو يسمعهم بس صاد
الجازي ضحكت:يوه نسيت اعرفس على نفسي انا الجاززي وهاذا الذيب مشعل
نجد ابتسمت ودخلت وراء الجازي اللي دخلت