جادلٍ كل الدروب المعشبه تنبت باثرها

30

-
-
بدايه يوم جديد
في بيت ابو نجد بعد م رجعو من الاسطبل جابت نجد القهوه والحلا اللي مسويتها ضحكت وقالت:الظاهر بدت تظهر اثار العطاله
ابو نجد اخذ الفنجال من نجد:تو م قلنا بسم الله علطول قلتي عطاله
ذياب بجديه:يبه بكلمك بموضوع
ابو نجد ناظره وشاف الجديه بعيونه:عطني علمك
ذياب:ابي اتزوج ولقيت لي بنت الحلال واقدمت على الخطوه بدونك العذر والسموحه
ابو نجد ابتسم:مشاءالله ومنهي بنته ياذياب
ذياب:اخت مشعل اللي لقى نجد
نجد فتحت عينها بصدمه:منهي ؟؟
ذياب ابتسم:عروب
نجد:قشرا قشرا يا ذياب والله
ذياب:م عليه انا ابيها
ابو نجد:عطيتهم خبر ؟
ذياب:والله يايبه م كنت ابي اسوي ذا الشي بدونك بس سمعت واحد من ربعهم يبي يخطب اقدمت قبله انا
ابو نجد ابتسم:ابدد احسن م سويت متى بنروح نخطبها رسمي ؟
ذياب:انا بدق على مشعل الحين واعلمه وعلى م يسالون عني يومين بالكثير ونروح نخطب
ابو نجد:يلاه كلمه الحين
طلع ذياب جواله واتصل على مشعل اللي رد بعد مده حط سبيكر وقال ذياب:ارحب يمشعل
مشعل ابتسم:مرحبا امرني
ذياب:انت داري اني طالب القرب منكم وتعرف بعد المسافه وانا خطبت منكم وبخلي اختي تدق وتخطب من امك لان امي جعلها للجنه متوفيه واسالو عني ثم عطوني خبر تم يبو حاتم ؟
مشعل تضايق من طاري ام ذياب:الله يرحمها وابد ياذياب عطني فتره بس وارد لك خبر
ذياب:ارسلي رقم الوالده بالواتس
مشعل:يلاه فمان الله
كان نجد تتامل صوته والركاده الواضحه بصوته كانت تناظر الفنجال سرحانه ومايدور ببالها الا صوته فزت على ذياب اللي كان يناديها
نجد نزلت فنجالها:سم ؟
ذياب بجديه:تكلمين امها ؟
نجد:مدري م اعرف وش اقول وكيف
ابو نجد:م عليه قولي انا اخت ذياب واخوي خطب من عندكم امس وكذا مشي الامور
نجد تحمست:الله تحقق الحلم وبخطب لخوي ونااسه
ضحك ذياب وعطى نجد الرقم اللي ارسله مشعل قامت وجلست بين ابوها وذياب وقالت:اذا حسيتو اني جبت العيد بكلامي عدلو لي
دقت وحطت سبيكر ردت غزيل
نجد:السلام عليكم
ام مشعل:وعليكم السلام يمرحبا من معي ؟
نجد:ام عروب صح ؟
ام مشعل ابتسمت:وصلت خير امري
نجد بتوتر:اءء انا اخت ذياب واخوي امس خطب من عند ابوكم ومشعل وحبيت م يكون الامر ناقص وجيت ادق عليك واعطيك خبر
ام مشعل عقدت حواجبها:محد عطاني خبر
نجد:م عليه بس انتي قولي لـ بنتك وخليها تستخير وحنا عطينا مشعل المكان اللي يشتغل فيه اخوي ذاياب وهو متخرج من الجامعه بتخصص الهندسه المعماريه وتوه داخل وظيفته
ام مشعل:مشاءالله م عليه ابشرو بكل علمً طيب ، كم عمر اخوك يبنيتي ؟
نجد حطت ميوت ناظرت ذياب:24 ولا 23 ؟
ذياب بحماس:23
نجد شالت الميوت:23 ياعمه
ام مشعل:بيردون العيال عليه انشاءالله
نجد:ابد في انتظاركم حنا
سكرت نجد وتسندت علي ابوها:نشف دمي م توقعت الامر صعب كذا
ضحك ذياب وباس راسها بقوه:الله يخليس لي ، وتعالي بوريك اللي جبته لك يلاه ابوي تعال
لحقو ذياب اللي طلع وراح وراء الحوش وكان فيه زي المستودع صغير دخل ودخلو وراءه نجد وابوها فزت نجد بخوف:صقر صقررر
ضحك ذياب عليها وقال ابو نجد:شجاب ذا الصقر هنا ؟
ذياب لبس القفاز وجاء الصقر على يده قال:جبته هديه لـ نجد
نجد ضوقت عيونها:وانتو وراكم مغير تجيبون لي حيوانات ؟
ذياب ضحك وقرب لنجد وقال:المسيه
نجد:م يعض ؟
ذياب:غبيه انتي مسكر عيونه انا
نجد مسحت عليه بهدوء وعم الصمت بدون سابق انذار بعدت نجد وقعدت تبكي انفجعو ذياب وابوه من نجد اللي انقلب حالها بسرعه
ابو نجد ضمها:شفيس يابعدهم ليش الدموع
نجد بصوت باكي:مدري بس احبكم لانكم م خليتو شي بخاطري الا جبتوه لي
ذياب بمزح:بسس عشان كذا والله من الدلع
نجد بعد عن ابوها وهي تمسح دموعها
-
-
غسان بزهق:مصار زواج يايبه خلاص البنت تخرجت خل املك عليها
ابو سعود:ليش مستعجل انت توها تخرجت امس
غسان:دق على عمي وقل له الملكه نبيها قريبه على الاقل اضمن انها لي
ابو سعود:الله يدوخك ياغسان
طلع جواله واتصل على سلطان ابو نجد
ابو سعود:سلام ياسلطان
ابونجد:ياهلا ياعقاب شبغيت ؟
ابو سعود:متى نملك ؟
ابونجد:توها متخرجه البنت امس وراكم مستعجلين ، والحين حنا مشغولين بنملك لـ ولدي
ابو سعود بدون لا يكثر كلام:الله ييسر له ومتى م قضيتو علمني
-
بعد مرور سبوع سالو عن ذياب واهله وكان يجيهم كل علمً طيب ومدح في ذياب دق مشعل على ذياب وعلمه انهم موافقين
-
ذياب بتوتر:يلاه يلاه امشو لا نتاخر
نجد اللي كان كاشخه ولابسه فستان ماسك على جسمها وكان لونه ازرق ومبين بياضها
ذياب ابتسم:الله الله ياخت ذياب وشذا الكششخه
نجد ضحكت:اليوم ملكه اخوي ولا اكشخ سلاماات
ذياب:يااجعلني والله
ركبو كلهم بسياره وحده مسكو الخط لـ حلبان
-
عروب بتوتر:الحين كيف بتجي اخته وتشوفني ولا بس هو ؟
الجازي اللي كانت تدري ان ذياب اخو نجد هو اللي خاطب بس م قالت نجد انها بتجي:مدري والله بس اكشخي تحسب لـ الامور
قامت من عندها وطلعت ترتب البيت وتبخر
مشعل اللي كان متوتر ويدعي ربه انه يشوف نجد بالصدفه شاف الجازي تكنس المجلس طف المكنسه وجاها
مشعل:الجازي
لف الجازي ناظرته وضحكت:وراك متوتر ترا اللي خطبت عروب مهوب انت
مشعل بهمس:طلب منس طلب
الجازي ضوقت عيونها وبنفس الهمس:كاني عرفت وشهو الطلب
مشعل ضحك بتوتر:تكفين يالجازي ابي اشوفها
الجازي شهقت:حررام
مشعل:ادري ادري خليها بطرحتها يعني وانتي معها وبكلمها وانتيي معها عرفتي
الجازي:خلاص بحاول شغل المكنس يلاه لا يجون وانا باقي م خلصت
ضحك مشعل وشغل المكنسه وطلع وخل باب الشارع مفتوح ونسى يسكره
قعدت تكمل الجازي تنكيس وترتب المخاد وختمتها بريحه البخور اللي حطته
خرشها صوت رجال جاي لـ المجلس فزت وراحت وراء الباب
صقر اللي شاف الباب مفتوح دخل ومشى لـ المجلس وقال:ياولد
دخل المجلس واستوقفه صوت الجازي الناعم واللي فيه شويه خرشه:لا تدخل لا تدخل
صقر برعب:بسم الله من انتي
الجازي:مالك دخل رح بطلع
صقر لف:لفيت اطلعي بسرعه قبل يجي اخوس
الجازي:قل والله وشدراني انك ماراح تشوفني اذا طلعت ؟
صقر مد لها غترته وقال:امسكي غطي نفسك وادخلي يلاه
اخذتها بتوتر ولفتها عليها وطلعت بسرعه تركض برعب وهي شايله المكنسه معها
ضحك صقر عليها وقال بنفسه:ياازينها ياعرب اهخ يارب يسر لي واخطبها
-