جادلٍ كل الدروب المعشبه تنبت باثرها

21

-
بعد م اكلو وخلصو شالت نجد الاكل ورتبت المكان
ابو نجد صرف العيال وجلس ينتظر نجد
نجد:تبغا شاهي بابا ؟
ابو نجد ابتسم:لا يبوك بس تعالي
نجد توتر وجلست:يبه انا مابي اتزوج بسرعه يعني مبي علطول اول م اخلص ثانوي اتزوج بعدين لا تزوجت ورحت بدر من يهتم فيه مو بدر بس كلكم ؟
ابو نجد:انا بحط شرط تسكنين بالحاره معنا
نجد:اللي تشوفه يبه بس مو اول م اتخرج متى م بغيت انا طيب ؟
ابو نجد ابتسم ومسح على خدها:اللي تبينه يصير يانجد
قام ابو نجد لـ غرفته وجاء ذيب علطول لـ نجد
ذيب ناظر وجهها بتفحص:وافقتي ؟
نجد تشتت عيونها بالصاله:ايه
ذيب:متاكده من قرارك يانجد ؟
نجد بغصه:مابي اخليكم
ذيب بحنيه الدنيا سحبها لـ حضنه:ليش كنتي تبكي قبل تنامين ؟
نجد نزلت دموعها:مابي اتزوج واخليكم ، واشتقت لـ امي ابغاها تكون معي باليوم المهم بحياتي
ذيب بضيق:الله يرحمها وربي عوضنا فيك يانجودي
وخرها من حضنه ومسك ووجها:نجد م تبين غسان انتي صح وافقت عشان ابوي؟
نجد مسحت دموعها:انا عادي عندي غسان ولا غيره بس م ابي اخليكم م ابي اخلي حياتي ذي
ذيب ابتسم:تزوجي وروحي لـ الديره ذيك ودوري لي عروس اتزوجها
نجد ضحكت:طامع فيني يعني عشان ازوجك ، مافيه اصلاً ابوي يقول اسكن عندكم بالحاره
ذيب بمزح:يووه يعني ناشبه ناشبه
نجد ناظرته بزعل:صاير تجرحني
ذيب ضحك وباس راسها:اسفين ، يانجد انتي بس قولي تبين غسان ولا ماتبينه كلمه منك بس ننهي الموضوع انا وذياب
نجد:وابوي ، بابا يبي عمي عقاب وانا وسيله الصلح ، بس ذيب
ذيب:ايووه دامس قلتي اسمي بالطريقه ذي فيه شي
نجد:اخاف يضربني ؟ اخاف يطلع قهر السنين فيني
ذيب عصب:يعقب لا بس رفع صوته عليس تدقين علينا وراس ظهر وراس عزوه انتي لا تخافين من شي
نجد ابتسمت وضمته:الله لا يخليني منكم ياعزوتي
بعدت عنه ووقفت:بروح اشوف بدر وغيث وبكمل قصيدتي
ذيب:لا خلصتي جيبيها لي
نجد وهي رايحه فوق:افكر واستخير
-
صقر جالس قدام ابوه ويقنعه:ياايبه طالبك خلاص ارجع غزل بتتخرج تبغاك تشاركها الفرحه وليان تبغاها تكبر بدونك ؟
ابو صقر:م ادخل ذيك الديره الا معك دليل ان مالك دخل بذا الموضوع
صقر تنهد بضيق:يايبه انا تربيتك ليش تضن فيني كذا ؟
ابو صقر:انت جايب البنت طايحه بين يديك وتقولي مالك دخل ؟ وفوقها البنت تقول انت اللي سويت فيها كذا !
صقر:البنتت كانت بتموت طيبب انا سويت خير ليش انقلب لي شرر !!