جادلٍ كل الدروب المعشبه تنبت باثرها

17

نجد طلعت من غرفتها تركض لـ تحت وتنادي على:غيييث غيوثي وينك
غيث عند نهايه الدرج:هنا هنا لا تتكسرين
نجد نطت عليه وضمته:اشتقت لك غيوثي
غيث ابتسم:وانا اشتقت لك نجودي
نجد بعدت عنه:تعال معي المطبخ بقولك شصار معي ، يلاه بدر تعال
دخلو المطبخ ونجد انصدمت من الحوسه:من مسوي كذا ؟
غيث:ذيب ابو بطن
نجد لفت بتطلع من المطبخ لـ جهت غرفه ذيب:اوريك فيه
دخلت نجد على ذيب ووقفت عند راسه:ذيب قم وشذا الحوسه اللي مسويها بالمطبخ ؟
ذيب فتح نص عينه:تبيني انظفها ؟
نجد حطت يهدها على خصرها:ليكون بس ودك انا اللي انظف
ذيب:تسوين خير بعدين اخوك الكبير الشيب ماليني تبيني انظف
نجد:قم وصل وتعالي ليي في المطبخ
ذيب:الله يعيني لو اني م دورت عليس ازين
نجد ضحكت:والله لـ اعلم بابا
-
12 بالليل
اخذ جواله مشعل وشاف اتصال خالد رد عليه:وصلت ؟
خالد:اي توي داخل الديره اطلع عشان تشيل معي الشناط معاد فيني حيل ابد
مشعل: يلاه
طلع مشعل وشاف الجازي بالحوش:شتسوين هنا
الجازي بطفش:طفشت يااخي حرام اجلس بالحوش يعني
مشعل:فيه مفاجاة جايه
الجازي:يارب انها نجد
مشعل ابتسم:نجد بتجي بس مو هالحين
طلع يوم سمع صوت سياره وبوري
الجازي بستغراب:يتبوسم وبتجي وشذا الحركات !؟
فزت يوم سمعت صوت خالد صار لها 15 يوم م شافته
مشعل:ادخل انا بنزل الشناط
لف مشعل يدخل ارتاع من الجازي اللي صاحت بخفيف ونطت على خالد وضمته
الجازي بشوق:انت لازم تترك ذا الوظيفه م حبيته
خالد ضحك وبادلها:ذا الوظيفه هي اللي تجيب لس الهدايا
الجازي بحماس:وش جبت لي ؟
خالد ابتسم:جبت لس جوال بس طبعاً بعد م اقنعت ابوي وبيرجع لك الشريحه وكلشي تمام
الجازي صرخت بفرح:قل والله
خالد:ضحك والله
مشعل دخل ومعه الشنطه:علامس تصايحين فضحتينا
الجازي وهي تنط بحماس:جاب لي جوال وبترجع شريحتي
مشعل ابتسم:اووه يالواسطه القوويه توسط لي دايم
خالد ناظره بطرف عين:تجحد يعني ؟
مشعل:لا ابد م احجد ، وانا شجبت لي ؟
خالد اشر عل نفسه:انت قلت تبي سلامت عاني جيت بـ السلامه
مشعل كشر:وانت تصدق ؟
خالد ضحك:جبت جبت لك ، بس الحين ابي اروح انااام تعبت من الطريق
الجازي:ابد نم جعله نوم العافيه محد مزعجك
مشعل وهو يقلدها:نوم العافيه ، وانا العصر بالشتني عشان عشان سوق اوريس

-
-
غسان جلس عند ابوه:غريبه م نمت ؟
ابو سعود:اتصل علي سلطان يقول تعال ابيك بموضوع !
غسان عقد حواجبه:شيبي غريبه ؟
ابو سعود:مدري بس متى نروح له ؟
غسان:بكره نمشي ؟
ابو سعود:زين
غسان:يبه بكلمك بموضوع
ابو سعود عقد حواجبه:شعندك بعد
غسان:وصايف والله اني راحمها في البيت لحالها وطفش لا ونيس ولا انيس حتى امي اذا جت تروح م تاخذها معها
ابو سعود:وش نسوي البنت مالها الا البيت ؟
غسان:انا لقيت لها وظيفه تونسها في المدرسه هنا قريبه منا شرايك ؟
ابو سعود:انا بنتي تشتغل ليه ناقصها شي ؟
غسان تنهد:ناقصها الراحه والسعاده يابوي ، تراها كانت تبي الجامعه بس بعيده الجامعه ولقيت لها وظيفه زينه في المدرسه هنا
ابو سعود:وش راح تشتغل
غسان:اداريه ترا محد يصير اداري الا بشهاده جامعه بس دبرت لها انا
ابو سعود وقف:يصير خير ، دق على سعود اخوك شف وينه وشصار عليه
غسان:يعني يبه طارده وطارد حرمته تبغاني ادق عليه ؟
ابو سعود:تراه ولدي واكيد ابغا اعرف شصار عليه
غسان:ابشر بكره ادق عليه واخذ علومه
-