جادلٍ كل الدروب المعشبه تنبت باثرها

14

-
غزيل بضيق:شوي شوي عليه ياحاتم
حاتم:مالس دخل خليه يصير رجال
غزيل:هو يلقاها منك او من الدنيا اللي واقفه ضده
حاتم تنهد:مهوب فالح في شي ذا الولد ومبي افلته ويروح فيها
غزيل:وهو ليش يعبي بيت فارس ؟
حاتم:اخوه الكبير يحترمه ويعبي غصب عنه
غزيل لفت على الباب اللي يدق:تعالي يالجازي
دخلت الجازي وضحكت:شدراس انه انا
غزيل:هو فيه احد يتجرأ يدق باب الغرفه وابوس موجود مافيه الا انتي
حاتم ناظرها:وش تبين
الجازي:يبه ابي فلوس ابي اروح السوق اشتري اشياء ناقصتني
حاتم كشر من طاري السوق:لازم يعني ؟
الجازي برجاء:اي يبه تكفى منزمان م رحت السوق الله يخليك
حاتم طلع الصرافه ومدها لها:اخذي الصرافه وقولي لـ مشعل اللي يوديكم انتي وعروب وامس
الجازي ابتسمت واخذت الصرافه:ابشر يالغالي
-
8:00 الصباح
مشعل كشر يوم شاف صقر:كان نمت احسن ؟
صقر:معليش والله بس الوالده تعبت شوي وقعدت عندها لين نزل ضغطها واعتدل سكرها
مشعل:م تشوف شر
صقر:الشر م يجيك
مشعل:اجل شرايك تروح معي لـ البل ونسولف هناك ؟
صقر:محد جاي هناك صح تنكبني
مشعل:ابد م عليك محد جاي
صقر وقف:اجل يلاه
-
بعد م وصلو وحط مشعل اكل النياق وكلشي لف على صقر وضحك:تدري ابوي وش قال لي يوم كلمني
صقر:شقال اتحفني بردود ابوك
مشعل ضحك:يقول حط اكلهم واكل معهم هههههههه
صقر ضحك:اجل لا تخليها تبقى بخاطر ابوك اكل معهم
مشعل كشر:ابوي عاد يطقطق علي بس انت لا
صقر ضحك اقواء:قل والله ، تعال بس عطني علومك
تربع مشعل واخذ بياله الشاهي وقعد يقول لـ صقر من يوم م اخذ نجد من المحطه لين اخذوها اهلها .
_
وقفو قدام البيت لف ذيب على نجد النايمه:نجد يلاه قومي وصلنا البيت
فزت نجد من نومها:البيت ابوي داخل صح ؟
ذيب ابتسم:بسم الله عليك ايه داخل وصاحي بعد انزلي روحي له
نزلت نجد لـ البيت ذياب زفر براحه:هم وانزاح والله
نزلو وراء نجد وسمعو صياح وابوهم ونجد
ذيب ضحك:شسويتي يانجد
ونجد وهي بحظنه ابوها وتبكي:اشتقت لك بابا لاعاد تنسوني
ابو نجد شد عليها وباس راسها:معاد بنزلك لـ المحطات توووبه
نجد بشهقات:خفت مره بابا العمال اللي بالمحطه كانو يناظروني لولا الجازي واخوها كان انا رايحه فيها
ابو نجد جلس ونجد بحظه:علميني وش صار لك احد سوا لك
نجد بعدت عن ابوها وتربعت:صارت لي اشياء تخوف
وقعدت نجد تعلم ابوها بكلشي من اول م نسوها لين دخلت القسم شقهتت:اييه بابا شفت عمي عقاب وولده غسااان
ابو نجد عقد حواجبه:انتي خليني استوعب اللي صار له جبتي لي طار عقاب ؟
نجد:والله يبه شافني وقال انا اعرف ذا الزول واعرف ذا العيون بس الولد اللي جابني لـ الشرطه قال البنت ذي بوجهي وشنبي لين يجون اهلها
ذيب ضحك:شكلها عاجبتك الكلمه يا نجد من اليوم تعيدينها
نجد ضحكت:اول مره اسمعها ياخي
ابو نجد بضيق:كملي يانجد شقال عمك
نجد وهي تحاول م تبين ضيقها من كلام عمها:م قال شي غسان قام يقول بنت عمي شتسوي معك والشرطه طلعوه برا
ابو نجد:اعرف وجهس لا كذبتي يانجد شقال بعد
نجد نزلت عيونها:قال الله يخلف على ابوك يارخيصه "رفعت عيونها له" بابا انا رخيصه
ابو نجد ضمها:لا والله منتي برخيصه يانجد اوريك فيه
ذياب يحاول يهدي الموضوع:يبه لا تكبر المشكله غسان دق علي وعلمني بالكلام وقلت له اختي معي ومالك دخل
ابو نجد:روحي يانجد ارتاحي بيقومون غيث وبدر يزعجونك شوي