جادلٍ كل الدروب المعشبه تنبت باثرها

4

-
ام مشعل غزيل جالسه وقهوتها قدامها رفعت نظرها للجازي اللي دخلت ومعها وحده وراها وقفت:وراكم تاخرتو يالجازي ؟ ومنهي اللي وراس
الجازي سحبت نجد تسلم على امها ابتسمت نجد:سلام خالتي غزيل
الجازي:يمه ذي صديقتي نجد من الديره اللي جنبنا اهلها سافرو ولا بقى الا هي قلت والله م اخليها لحالها
ام مشعل استغربت وناظرت نجد:حياس حياس يمه اقعدي تقهوي
الجازي سحبت نجد:لا يمه باخذها لغرفتي تعبت من الطريق وبننام
ام مشعل جلست:نوم العافيه يالجازي اخوس وين ؟
الجازي وهي متجهه ل غرفتها:برا شوي ويدخل
كملت فنجالها وهي تفكيرها مع الجازي واللي معها قطع حبل افكارها مشعل اللي جلس معها
مشعل اخذ القهوه يصب له:وش تفكرين فيه
غزيل وهي تمسك برقعها بستغراب:اللي مع الجازي م ارتحت لها
مشعل ضحك بورطه:ليه يا يمه ضعيفه اهلها سافرو وقعدت هيه وبنتس دقه الصدر واخذتها
ام مشعل:امحق اهل والله يخلوون بنتهم لحالها ويسافرون!
مشعل وقف بعد م خلص فنجاله وباس راس امه:تصير تصير يالغاليه انا بنااام تعبت من طريق السفر لا جاء ابوي ولاشي صرفيه
ام مشعل بضيق على حاله:رح يمه رح نوم العافيه
-

عروب طلعت من غرفتها ومستغربه الهدوء شافت امها بالصاله جلست وهي تقول:غريبه يمه البيت هدوء وين الجازي ومشعل ؟
ام مشعل:مشعل نايم والجازي عندها صديقتها
عروب قطبت حواجبها:صديقه جديده علينا ذي؟ ، من وين جت
ام مشعل وقفت بتروح ل غرفتها:روحي لها واساليها بس لا تفشلينا عند البنت بصياحك
وقفت عروب بغضب من كلام امها وراحت ل غرفته الجازي:الجازي اطلعي ابيك
-
الجازي كانت تحاول تسولف مع نجد اللي م كانت تشاركها في بعض السوالف وكانت تسرح فزت على دق الباب القوي
نجد بخوف:وشذا ؟
الجازي ابتسمت ووقفت:اكيد المرجوجه عروب
فتحت الباب وابتسمت:اهلاً عروبتي شبغيتي عندي ضيفه !
عروب تكت على الباب:ضيوف الوقت ذا ؟
الجازي سفهتها وهي تسكر الباب بس دفت الباب عروب بقوه وصك بالجدار وتكلمت بغضب:البليه ذي اللي عندس وشهي مسويه من مصيبه يومنها جايه هالوقت هااه !
نجد وقفت بستغراب وخوف من منظر عروب:اهلاً عروب انا صاحبه الجازي
عروب ناظرتها من فوق وتحت ولفت للجازي:من وين جايه ذي ؟
الجازي قطبت حواجبها:من وين يعني من الديره اللي جنبنا
اهلها سافرو وقعدت لحالها بالبيت قلت اجيبها عندي فيها شي ؟
عروب:ومن جابها ؟
الجازي مسكت الباب:مشعل ، ولا تكثرين هرج يا عروب بنرقد تعبانين .
عروب ضحكت بستفزاز:حلووو مشعل اللي جايبها بعد ، هين يالجازي لقلب الدنيا عليس وعلى اخوس
سكرت الباب بوجهها ولفت على نجد وابتسمت: ايووه وعلوم نجد ؟
نجد بفشله مسكت شعرها:الجازي ودوني ل الشرطه احسن من انها تكبر السالفه
الجازي شقت:لا والله اليييوم بتنامين عندي ، عاد تصدقين والله اني حبيتك وانك دخلتي قلبي !
نجد ابتسمت بخجل:والله حتى انتي دخلتي قلبي انتي واخوك
الجازي غمزت بمزح:دخل قلبك اخويي
نجد قلب وجهها احمر وبفشله:م اقصد كذا هو..
الجازي ضحكت وقاطعتها:ادري ادري م يحتاج تبررين ، يلاه نامي هنا انا والله تعبانه وميته نوم
نجد انسدحت وهي تتلحف:انام وانا مرتاحه محد راح يدخل ؟
الجازي وهي تطفي النوم:اي م عليس نوم العافيه .
-