جادلٍ كل الدروب المعشبه تنبت باثرها

11

ذيب بقهر شوي:والله لو ان الكلام ذا على نجد اختي اني م اخليه عايش
ذياب تنهد:بيجي الكلام يا ذيب بيجي والله يعين
ذيب لف عليه بقوه وصدمه:شقاعد تقول انت ؟
ذياب ناظره:ناسين اختنا بالمحطه ويومين م ندري وينها وش متوقع ؟ بيقولون الناس
ذيب بصراخ:بححريقه يا ذياب بحريقه اهمشي نجد تكون بخير واللي بيتكلم لحرقه والله
ذياب:ونجد اذا سمعت الكلام بتموت من القهر
ذيب:نجد مهيب مسويه عيب عشان تموت من القهر
ذياب:امش قرب المسجد نرتاح شوي
-

-
مشعل:السلام عليكم
الضابط:وعليكم السلام امر اخوي ؟
مشعل:انا كنت راجع من طريق سفر ووقفت عند المحطه ومعي اختي طبعاً جتني اختي تقول فيه وحده تبكي في المسجد واهلها ناسينها فـ انا مدري شسوي خفت اخليها والعمال يجتمعون عليها فـ اخذتها معي والله اني نسيت طاري الشرطه ولا جت في بالي ويشهد الله علي البنت م سويت لها شي وعانهم برا هي واختي
الضابط عقد حواجبه:نادهم لو سمحت
رح مشعل يجيبهم وقعد وهم واقفين وراه
الضابط ناظر الجازي ونجد:اي وحده فيكم اللي ناسينها اهلها
نجد بهمس:انا
الضابط:وش اسمك ؟
نجد:نجد سلطان الناصر
الضابط:تمام حنا بنشوف عن البلاغات اذا طلع معنا شي قلت لكم خليكم مستريحين برا
وقف مشعل ومشى وراه البنات
نجد شهقت يوم شافت غسان وتخبت وراء ظهر مشعل وبهمس:تكفى لا يشوفني يمشعل تكفى
مشعل بستغراب خلاها وراء ظهره وماتحرك:شفيك
نجد ودموعها تنزل تكلمت بهمس:الولد اللي قدامك لا يشوفني تكفى يعرفني ويعرف زولي تكفى لا تتحرك
مشعل بقهر:كيف يعرفك وش عرفه فيك ؟؟
نجد نزلت عيونها:ولد عمي
مشعل رفع حواجبه:طيب زين كذا نوصل ل ابوك اسهل
نجد شهقت لفت مشعل عليها بدون شعور وناظرت عيونه:تكفى يمشعل بتصير سالفه طويله وعريضه وهو متهاوش مع ابوي تكفى لا تقربه
مشعل سهى بعيونها السود ورمشها المتبلل من دموعها:ابشري من عيوني
الجازي:شفيكم انتم ؟
مشعل لف عليها وباله وفكره بعيون نجد:خليكم وراي
-
غسان دخل عند الضابط وابوه معه:يقولون انكم طلبتوني
الضابط:اسمك ؟
غسان ناظر الضابط:غسان عقاب
الضابط:ايووه طلبناك ، ابو الولد اللي ضربته مشتكي عليك وش تبريرك ؟
غسان ببرود:مساله شرف ومالكم دخل فيها واحمد ربك اني م ذبحته
الضابط:وشذا البرود تكلم زين وعطني السالفه
غسان:اقولك مساله شرف تقولي عطني السالفه ، بعدين الولد حي ومافيه شي واتمنى تقفل الملف ولا ترا فيه علوم شايفها واجد بالقسم وكلها غلط بغلط
الضابط تنهد:تقدر تطلع
غسان ابتسم وطلع لف على ابوه اللي قال:وش علومه اللي شايفها
غسان ضحك:مافيه شي بس خوفته عاد هو صدق
غسان لف يناظر مشعل يحاول يتعرف عليه وعلى ملامحه:تعرف ذا ؟
ابو سعود ناظر مشعل:كاني لامحه بس مدري وين ، امش للبيت يلاه
-
تنهدت نجد براحه يوم طلعو وجلست على الكرسي الموجود: نشف دمي يالله
لف مشعل على الضابط اللي يناديه:تعالو
الضابط:لقيت اكثر من حاله باسم نجد وبقول المواصفات واذا انتي قولي
اومت نجد براسه وهي مستمعه قعد يقول المواصفات ولا طلعت نجد
الضابط هاذي اللي لقيتها موجوده عندي ؟
نجد بغصه:معقوله اهلي م بلغو عني يعني ؟
مشعل:لا اكيد مبلغين دور زين لو سمحت
لف ناظر الشرطي اللي طلع ومعه ورقه
الضابط:ذا البلاغ توه جديده بقول المواصفات وعلميني انتي
اسمعت نجد للمواصفات وابتسمت م بين دموعها:ايه ايه ذي اناا والله دقو على ابوي يلاه تكفى
الضابط ابتسمت لها:ان شاءالله بس اول شي يجي الضابط اللي ماسك البلاغ ذا
مشعل:متى يجي ؟
الضابط:مناوبته تبداء الساعه 4 الفجر ، البنت صارت بامانتنا تقدر تروح انت واختك
مشعل وقف وصافحه:يعطيك العافيه
طلع هو والجازي ونجد معهم
الجازي وقفت ولفت على نجد وضمتها:بشتاق لك واتصلي اول م توصلين ل اهلك طيب ؟
نجد بادلتها:ان شاءالله ، بعدت عن الجازي وناظرتها:لا تروحون خلوكم هنا اخاف يجي عمي ثم مافيه ظهر احتمي فيه
مشعل ناظرها بسرعه وابتسم:برجع الجازي للبيت وبجي ماراح اطول
نجد انخجلت ورجعت لوراء:بنتظرك