جادلٍ كل الدروب المعشبه تنبت باثرها

23

-
"الحاضر"
صقر:الحين الولد اللي اصرف عليه غصب عني مهوب بولدي
ابو صقر:وش الدليل
صقر:بجيب الدليل انتظر لي سبوع
ابو صقر:يلاه انتظرك
-
ابو نجد:البنت وافقت بس الزواج ماراح يصير علطول
ابو سعود:وليه م يصير علطول ؟
ابو نجد:نجد توها صغيره ماراح تتزوج اول م تتخرج
ابو سعود:قل لـ بنتك اول م تتخرج تقعد شهر ثم تتزوج ولد عمها
ابو نجد:لا تعقد الامور يابوسعود
-
عند مشعل بعد م خلصو من التدريب صار وقت انهم ينامون
دخل تحت السرير وسحب الجوال اللي كان مخبيه بحدايد السرير
دخل على محادثه الجازي وكتب :
كيف اول يوم بدوني ؟
الجازي فزت بفرح من رسالته وردت علطول:طفشش طفش بدونك
مشعل ابتسم بحب لـ الجازي:يلاه راح يوم من الشهر ثم برجع وانشب لس
الجازي:تعبت اليوم ؟
مشعل:هاه شوي مو مره ، وصلي سلامي لـ امي وابوي بطفي الجوال مقدر اطول عليه
الجازي:يلاه انتبه لك
-
طلع من محادثه الجازي ودخل لـ محادثه نجد اللي اول مره يرسل لها تردد يرسل لها او لا
ارسل صورته بالبدله العسكريه لها وطفى الجوال ورجعه مكانه
-
عند نجد اللي كملت ابيات القصيده اللي كانت :
ياديرة وسط الضلوع معموره
سكانها بين القوافي والألحان
ان كان حكم دارنا اخوان نوره
حبه يحكم ضلوع صدري والاركان
رسمت له في داخل الشعر .. صوره
في بحور شعري صار مينا .. وربان
هذا ترا قافي .. وحبه يدوره
يجيني من اللي طاب لولو ومرجان
وان كان حكم القلب زدت بجوره
مايردع اشعاري محاكم .. وسجان
بقوم في وسط المحاني بثوره
واردع قدوم الشوق من كل ميدان
اربع شهور اعجاب .. مرن بحوره
امسي عليها الهم .. حاكم وسلطان
واليوم ؟ انا هالحزن فجيت نوره
اصبح فعل ماضي ليا طروا أحزان
-
اخذت جوالها وفتحت الواتس ارتجفت من الرقم والصوره اللي تحمل
ابتسم قلبها قبل وجهها وتذكرت كلام الجازي"داخل الوظيفه عشانك "
قعدت تتامل الصوره ووجهه م حست على نفسها الا دموعها اللي تنزل تنهدت بضيق لانها وافقت ولا انتظرته
نجد بهمس:انا حاولت حاولت بس مقدر ازعل ابوي عادي يانجد
وقفت تجهز اعراضها حقت المدرسه وبعد م خلصت نزلت تسوي لها كاس شاهي شافت ذياب بالمطبخ جلست على الكرسي الموجود
نجد:سو لي شاهي معك
ذياب لف ناظرها:اوف الاميره صاحيه م نامت غرريبه
نجد ضحكت:م صحيت الا 9 وشكلي بروح مواصله
ذياب حط الكوب قدامها:جاني علم انس وافقتي
نجد ابتسمت:اكيد بيجيك علم من ذيب م يخلي شي ببطنه الا يقوله
ذياب:صراحه م توقعت انك توافقين
نجد وعينها على كوبها:م حبيت اشوف ابوي يبي عمي وانا الحل الوحيد
ذياب:يعني انتي م تبينه ؟
نجد:الا ابيه عادي
ذياب:زين الله يوفقك يانجد
نجد:امين ، انا طفشانه شرايك بكره نطلع اي مكان انا وانت وابوي وذيب وبدر وغيث ؟
ذياب:ابد تم الاميره تطلب وينرفض طلبها ؟
نجد ضحكت:لا طبعاً
ذياب وقف واخذ كاسه:حاولي تنامين
نجد:اوكيه