جادلٍ كل الدروب المعشبه تنبت باثرها

18

-
اخذ جواله مشعل ودق على صقر
صقر:ارحب مشعل
مشعل:ياهلا ، شرايك نطلع الجو براد عاجبني ونسوي شاهينا العزبه علي
صقر ضحك:دام كلشي عليك تم انا انتظرك في المكان
مشعل:يلاه
سكر منه مشعل وقام للمطبخ لقى الجازي
مشعل:الجازي انتي م ترقدين كل م اطلع لـ مكان القيس
الجازي وهي قاعده تسوي لها شاهي:اشتهيت شاهي وقلت اسوي لي
مشعل:جهزي لي العزبه بطلع مع خويي
الجازي:ابشر
لف ناظر عروب اللي دخلت وقالت:وش عندكم مصيبه بعد ؟
مشعل كشر:والله انس م تباعدين فارس
عروب رفعت حاجبها:وش فيه فارس عانه مخليك رجال
مشعل بعصبيه مسك شعرها:عيديها مره ثانيه ياعروبب وبتشوفين شي عمرس م شفتيه
عروب بوجع:فك شعري والله لعلم ابوي علييك
مشعل دف عروب وطلع من المطبخ
الجازي بقهر منها:تكلمي معه زين مره ثانيه
عروب وهي تعدل شعرها:اسكتي انتي والله م اخليها له اوريه
الجازي لفت وهي تجهز عزبه مشعل وخلصتها وطلعتها له
-
نجد تناظر رقم الجازي ورقم مشعل اللي مكتوبه بورقه
نجد بهمس:ادق ولا م ادق ، انا بدق على الجازي اذا م ردت دقيت على مشعل
جلست بحماس واخذت جوالها ودقت على رقم الجازي وطلع مقفل
توترت:ياليل شسوي الحين كتبت رقم مشعل وبتردد اتصلت
-
مشعل اللي سوا الجلسه وشب نار خفيفه ويسولف مع صقر
مشعل يتامل السماء:اهخ ياصقر لو تتصل بس وتقولي موافقه بيكون لي هدف في الحياه اسعى له
صقر:واذا م دقت ؟
مشعل:بقعد احبها بيني وبين نفسي وبقعد اسعى لها بكل الطرق
صقر:مشكله والله بنات الديره وش كثرهم حبهم
مشعل كشر:فكني منهم بس يع
فز على جواله اللي يدق ناظر الرقم ورجع ناظر صقر:الامنيه تحققت ؟
صقر:م اتوقع فيه احد يتصل 1 ؟
رد مشعل:ارحب ؟
نجد بتوتر تكلمت بسرعه:اتصلت على رقم الجازي وطلعت مقفل واتصلت عليك عشان يعني تقول لها اني وصلت بيتنا
مشعل ابتسم بفرح ووناسه:يامرحبا صدقق حمدلله ان جوالها مقفل
نجد ووجه تفجر بالون الاحمر:انت قول لها اني وصلت يلاه مع السلامه
مشعل بسرعه:لحظه لا تقفلين
نجد سكتت تسمع وش عنده
مشعل:اتصلي بكره على الجازي رجع لها رقمها
نجد:طيب مع السلامه
مشعل:لحظه ، م رديتي لي خبر ؟ موافقه
نجد سكرت بوجه مشعل بحيا وندمت انها دقت عليه
نزل مشعل الجوال ضحك وتنهد:ياصقر انا رحت فيها
صقر:اثقل وخلك رزين خل رحت فيها
مشعل:انا خلاص بدق على اخوها واخطبها
صقر ضحك:متحمس بالمره انت ، صب شاهي بس
اخذ مشعل بياله صقر يصب الشاهي:صقر زوجني
صقر:حتى انا ابي اتزوج
مشعل:الله ييسر لنا
-
من بكره الساعه 3العصر
تحركو ابو سعود وغسان لـ الرياض وصلو وتحديداً بيت سلطان
نزل غسان يدق الباب وطلع له ذيب
ذيب:يمرحبا اقلطو حياكم الله
غسان:الله يبقيك ، دخلو لـ مجلس الرجال
دخل ابو نجد وناظر اخوه اللي صار له 6 سنين م شافه بسبب سوء فهم من عقاب بسبب ورث ابوهم اللي سبب تشتيت بينهم ومن اتخاذ عقاب لـ القرارات بسرعه وبشكل خطاء
سلطان ابو نجد:يامرحبا يابو سعود يامرحبا ياعضيد سلطان يامرحبا ياللي اخترت الفرقاء وخليت اخوك يامرحبا والله
ابو سعود عقاب وقف:م اخترت الفرقاء الا بعد سواتك يابو نجد ولا كان لي نيه ادخل ذا البيت بس جيت اشوف وش موضوعك المهم
ابو نجد بحده:وشهي سواتي ياعقاب ، عز الله اني م خالفت دين ربي ومشينا على الوصيه لكن عينك ونفسك كانت على اللي جاني ! وان كانك تبي والله ليجيك
ابو سعود ناظر غسان ورجع ناظر ابو نجد:افهم من كلامك انك تبي السماح ؟
ابو نجد تنهد:مال الاخو الا اخوه ياعقاب
ذيب وذياب كانو مستمعين لـ كلامهم ونجد من وراء الباب تسمع وانصدمو ان ابوهم يطلب السماح على ان الغلط كله من عقاب ابو سعود !
بعد حاله صمت مرت لـ دقايق قال ابو سعود:ان كانك تبي السماح من اخوك الكبير ياسلطان
ابو نجد ناظرها متوقع انه يقول ترجع الورث لي بس صدمه يوم قال
ابو سعود وعينه بين ابو نجد:تكون بنتك نجد لـ ولدي غسان وهو يطلع ولد عمها مهيب رايحه لـ غريب
نجد شهقت من وراء الباب وركضت لـ غرفتها بصدمه
غسان ناظر ابوه بصدمه م يدري وش يقول ابو سعود مشى لـ الباب بيطلع:مشينا ياغسان
طلعو ابو سعود وغسان .
ذيب بصدمه:صاحي ذا ؟ وراه م طلب الفلوس شيبي بنجد
ذياب ناظر ابوه:بتعطيه نجد يايبه ؟
ابو نجد جلس بتشتت:مدري مدري نجد صغيره مبي ادخل فكره الزواج براسها ولا ابي اعطيها غسان
ذيب:لا تعطيه رد اذا نجد رفضت يتسكر الموضوع
ابو نجد تنهد:رح ناد نجد ياذياب
جت نجد تمشي وراء ذياب بتوتر وجلست بين اخوانها
ابو نجد:اسمعي وانا ابوك الكلام اللي بقوله لك وترا الموضوع مافيه غصيبه اللي تبينه انتي بيصير طيب
هزت راسها نجد بستماع ،كمل ابو نجد:يانجد يابوك عمك جاء وخطبك لـ ولده غسان انتي تبينه ؟
نجد ناظرت ابوها واخوانها اللي جنبها
ذيب:محد غاصبك يانجد
ذياب:ان وافقتي فحنا معك وان رفضتي انهينا الموضوع
نجد وجهت نظرتها لـ ابوها:هو خطبني عشان ترجع علاقتكم صح ؟
ابو نجد:مالك دخل بذي يانجد انتي رايك وش يقول ؟
نجد تنهد وطرى على بالها مشعل:بفكر واقولك بكره
قامت من عندهم وراحت لـ غرفتها وقفلت الباب
تنهد ابو نجد:مبي افرض عليها شي ولا احد يروح لها خلوها
-
مشعل اللي كالعاده كل عصر عند البل وخالد جاء معه سحب جواله اللي يدق وفز قلبه من الرقم اللي اتصل عليه خالد ناظره:علامك رد على الجوال
مشعل وقف:شوي واجيك
رد على الجوال
نجد:مشعل ؟
مشعل ابتسم:لبيه
نجد بتوتر:لو اقولك موافقه بتجي علطول تخطبني ؟
مشعل:القي الوظيفه واجيك
نجد بحزن:خطبني ولد عمي
مشعل بصدمه:يانجد تكفين ارفضي اصبري علي ثلاث شهور بس واجيك
نجد:مقدر ارفض ولد عمي بدون سبب يانك تجي وارفض او الله يستر عليك يامشعل
مشعل بقهر:يانجد تكفين طولي بالموضوع لين اجي
نجد:مع السلامه
-
مشعل بقهر الدنيا راح لـ اخوه خالد:يخالد طالبك القالي وظيفه تكفى يخالد اخوك بيموت من القهر
خالد فز من مكانه يوم شاف شكل مشعل عروقه بارزه ووجه احمر:علامك وش اللي قلب حالك !
مشعل بعصبيه:ابغا اروح لـ الرياض ابي ادور حياتي ابوي واقف بوجهي ليه !!
خالد يحاول يهديه:خلاص هد بدور لك الوظيفه وكلشي وبضبط لك المكان والسياره وحتى ابوي بخليه يوافق
مشعل تنهد:انا بروح لـ خويي انت خلك هنا
غمض عيونه يوم شاف سياره فارس جايه:خالد فكني من فارس لانه لو قال شي زياده دفنته
خالد:رح رح مردي بعرف وش ذا المكالمه اللي غيرت حالك
فارس:اووه خالد موجود ومشعل معه بعد يسلام ، متى جيت يخالد ؟
خالد:جيت 12 ، ناظر مشعل:رح يمشعل خلاص
-