جادلٍ كل الدروب المعشبه تنبت باثرها

12

-
طلعو ومشعل شاف عم نجد للحين موجود استغرب رمى المفتاح بسرعه على الجازي يوم شافهم بيرجعون يدخلون:اركبي السياره وبجي
دخل علطول للقسم وناظر نجد اللي حاشره نفسها بزاويه وابو سعود يناظرها من بعيد
جاء لها بسرعه وناظرها:مارحت موجود مب صاير لك شي وانا موجود يانجد
نجد ناظرته وببكي:رجع اكيد عرفني بيفضح ابوي والله بيفضحه
مشعل بضيقه:لا تبكين وتعالي اجلسي ماراح يصير لك شي
لف على ابو سعود اللي قرب وقال:الزول ذا عارفه وخابصه
مشعل بعصبيه:استح على وجهك وشذا الكلام اللي تقوله
غسان همس لـ ابوه:شسالفه منهو زوله
ابو سعود ضوق عيونه:ان كاني ماني ناسي العيون والزول فـ والله انه زول بنت سلطان نجد
غسان وسع عيونه وناظر مشعل ورجع ناظر اطرف عبايه نجد اللي كان ظهر مشعل مغطيها كلها:بنت عمي شتسوي معك؟
نجد شدت على ثوب مشعل من وراء بخوف تكلم مشعل: شيً م يخصك
غسان بغضب مسك مشعل مع رقبته:بنت عمي يالوصخخ شجابها معك
مشعل نفض يد غسان عنه وبعصبيه:ان كانك رجال مدها مره ثانيه لتشوفها تتدربا قدامك ،البنت هاذي بوجهي وشنبي لين يجون اهلها وان م مشيت انت وياه من هنا خليت الدم يسيل لين الركب
لف على الشرطي اللي جاءوقال:طلعهم ولا ماراح يصير خير
ابو سعود ناظر نجد بقرف:الله يخلف على ابوك يارخيصه
طلعو ولف مشعل على نجد وقال:امسحي دموعك والله م يلحقك شي وانا موجود
-

-
-
4:00 اذان الفجر
بعد م صلو واستغفرو طلعو ذيب وذياب عند الباب وقعدو يسالون الرجال
ذيب مسك مشعل:بسالك شفت لك بنت ضايعه ماره منا ؟
مشعل بصدمه عقد حواجبه:شسمها؟
ذيب:نجد
مشعل ابتسم:اركبو سيارتكم ولحقوني
ذيب بستغراب:تعرف وينها ؟
مشعل:هالله هالله انا بنفسي وصلتها لـ قسم الشرطه الحقني
ذيب لف على ذياب وابتسم من قلب:لقيتها يااذياب لقيتها
ركبو سيارتهم ولحقو مشعل لـ القسم
دخل مشعل القسم وناظر لـ نجد اللي كانت تصلي ابتسم بفرح انه لقاء اهلها لف على اخوانها وقال:هاذي هي تصلي ادخلو عند الضابط وقفلو البلاغ
ذياب ابتسم صافحه:م قصرت وبيض الله وجهك ولا تروح خلك هنا ابيك
مشعل ببتسامه خفيفه:م سويت الا الواجب ابد انتظرك هنا
دخلو عند الضابط يخلصون كلشي ويقفلون البلاغ
مشعل ناظر نجد اللي خلصت وناداها:بقولك شي
نجد:هلا ؟
مشعل بركاده بصوته اللي شبه حاد قال :
"م جيت اسومك مثل هالناس بالمال
ولا جيتك اصغر في عيونك ولا اطيح
جيتك بلهفه عاشق وعقل "رجال"
وقلبٍ يشوف ان الحنايا مراجيح
جيت بقصيد وحب واحلام وامال
طلاب قربِ طاولته التباريح
لي في عيونك عشره وبيت وعيال!
وابي في يديك دبله تجمع لي اللي شفته في عيونك
جيتك وقلبي فيه من عشق الاطفال
لاحب قال احبك من غيري تلميح
سلمتك امره وانتي ادرى بالاحوال
لا تتركينه في دروب المجاريح"
نجد بصدمه وخجل من اللي قاله ناظرته
مشعل ناظر عيونها وقال:يشهد الله انها بس يومين وعشقتك
وانتي فكري وردي علي بمكالمه مابي اتعذب من الحب لا طولين علي يانجد وروحي غرفه الضابط اخوانك هناك
نجد زادت صدمتها:اخواني هنا ؟؟
مشعل ابتسم:ايه هنا روحي يلاه
-
لف ذيب على الصوت اللي اشتاق له فز من مكانه لـ نجد اللي قالت:ذيب ذيااب
ذياب ضم نجد بخوف وقال بنبره مهتزه:خوفتينا عليك يانجدد يا امانا شردتينا من الامان يانجد
نجد شدت على ذياب وبكت:خفت كثير ياذياب خفت معاد ارجع لكم
بعدها عنه ذياب وباس راسها:فيك شي احد سوا لك شي
نجد مسحت دموعها من تحت النقاب وهزت راسها بـ لا
ذيب ضمها على جنب:الحمدلله ياربي لك الحمد
سيف ابتسم:اعتذر قاطعت اللحظه الحنونه بس وقعو هنا انكم لقيتوها وحمدلله على سلامتها
ذياب ابتسم ووقع لف على ذيب:روحو ل السياره وانا بجي
طلع ذيب وهو محاوط نجد بحظنه وقف يوم شاف مشعل جالس بالانتظار بعد عن نجد وراح له
وقف مشعل يوم شافه صافحه ذيب وقال:م قصرت يالنشمي وبيض الله وجهك
مشعل ابتسم:ووجهك ابيض
لف ذيب على نجد ومشى لها وطلعو لـ السياره ونجد عقلها تركته باللحظه اللي اعترف فيها مشعل حبه
ذياب وقف قدام مشعل:عطني رقمك بتواصل معك
مشعل:ابشر ،وقام ينقله الرقم
ذياب شد على عضد مشعل:باذن الله بنشكرك بالشي اللي يبيض الوجه وتستاهله
مشعل:لا والله مايحتاج م سويت هالشي عشان اخذ منكم شي
ذياب ابتسم:من طيب اصلك م علمتني وش اسمك ؟
مشعل:مشعل حاتم
ذياب:والنعم انا استاذن وبيننا تواصل ، في ذمتك اذا طبيت الرياض تدق تعلمني طيب ؟
مشعل:ابشر باذن الله