جادلٍ كل الدروب المعشبه تنبت باثرها

33

-
-محمد اخو مشعل-
وصل لـ البيت وهو في حاله غير طبيعيه
هند برعب مسكت بنتها وسكرت عيونها عشان م تشوف حاله ابوها ذي
هند بحزن وبكى:ليش يامحمد ليشش تسوي بنفسك كذا
محمد جلس على الكنب:اصص ولا كلمه اخذي بنتك وانقلعي عن وجهي ولا والله لنهي حياتك "صرخ بصوت عالي لدرجه بنته صارت تبكي"بسسسرعه
هند برعب اخذت بنتها وقفلت على نفسها الغرفه
محمد جلس يكسر بالاشياء ويصارخ وكان مو بوعيه ولحسن حظ هند انها قفلت عليها الغرفه ولا كان هي متكسره مع الاشياء المتكسره
محمد وهو يتنهد قال بهمس:والله لنهيكم والله لنهيك ياطلالل
-
وصل مشعل وقلطه ذياب بالمشب
ذياب:بسالك يامشعل
مشعل:اسلم
ذياب:راكان هاذا وش يقرب لكم ؟
مشعل:من عيال الديره ، واحمد ربي انك سبقته وخطبت اختي
ذياب عقد حواجبه:ليه ؟
مشعل:رخمه مهو قد المسؤليه
ذياب:ااييه ، انت دوامك شوي ؟
مشعل:لا بكره جيت اليوم عشان اضبط وضعي واستغل الوقت
ذياب:زين ، يلاه انت ارتاح واذا بغيت شي دق علي
مشعل:جب فراشك ونم هنا
ذياب ضحك:ليكون تخاف
مشعل ضحك:استوحش لحالي ياخي
-
-الساعه 12 الظهر-
غسان:يبه انا كلمت الشيخ وبنروح شوي نملك
ابو سعود:لحول علامك مستعجل انت
غسان:يروحون امي ووصايف ؟
ابو سعود:لا م يحتاج رح لـ السوق انت ووصايف واشتر شبكه زينه وضبطها يلاه
طلعو وصايف وغسان
-
-في بيت ابو نجد-
بعد م حطو الغداء وتغدو جميع مع مشعل
جالسين القهوه قدامهم
مشعل:م قصرتو وبيض الله وجيهكم
ابو نجد:واجبنا يابو حاتم وودنا باكثر والله
مشعل:ذياب ولا عليك امر ارسلي اسامي فنادق او شقق
ابو نجد:خلك عندنا بلاش الدوخه حقت الشقق
مشعل:لا والله م تقصر يابو ذيب
ذيب ضحك:ابوي م يحب الا ابو نجد غيرها م يتقبل ههههه
مشعل ابتسم:اووه اجل معليش يابو نجد
ابو نجد ضحك ووقف:انا بروح اريح وان بغيت شي يامشعل ذيب وذياب نفس اخوانك لا تتردد
مشعل:انشاءالله
ذيب لحق ابوه ووقف ذياب:بجيب الشاهّي ضروري تذوق شاهّي بيتنا
مشعل:م اقول لا
ذياب طلع يقول لـ نجد تزين الشاهي
طلع جواله وصور شماغه وعقاله وارسلها على نجد وقال
"شماغي وعقالي بالمشبّ
تركته لك لا صرتي حلالي رديهم لي ."
-
فتحت نجد جوالها بعد صوت الرساله طار قلبها من الوناسه بعد رسالته اللي ايقنت فيها انها بتصير حلاله وله مو لحد غيره
فزت على صوت ذياب اللي يناديها ركضت لـ تحت
نجد بصوت عالي:لبييه عييوني
ذياب ضحك:شوي شوي لا تتكسرين
نجد وقفت قدامه:امر
ذياب:نبي تسوين شاهّي مضبوووط من يدس الحلوه قلت لـ مشعل ضروري تذوق شاهي بيتنا عاد انتي ضبطيه
نجد بفرحه:ابششر من عيوني
رحت نجد تسوي الشاهّي بكل حُب وحط المكسرات وضبطت الطوفريه وجاء ذياب اخذها
-
-غسان ووصايف-
وصايف:غسان لا تستهبل اخذ شي كبير فكنا من ذي الصغيره تفشل
غسان:يابنت عادي كانها تعرف الذهب عاد اخذي ارخص شي
وصايف سحبت جوالها:بدق على ابوي ترا اخذ شي زين لا تفضحنا
غسان كشر:يلاه اختتاري اخلصي
قعدت وصايف تنقي اشياء زينه خواتم وراحت لـ العطورات واختارت عطرين وراحو لـ محل تغليف وقعدت تغلف الاشياء وضبطتها
-
ذياب ضحك:الله يكثر جياتك علينا يامشعل صار لي سبوع اطلبها تسوي الشاهي ومعيه تدري ان شاهيها م ينمل منه وشافت نفسها علينا
مشعل ابتسم:والله م الومها الشاهّي مضبوووط
مشعل وقف:يلاه انا استاذن
ذياب وقف معه:يلاه معك فيه شقق اعرفها نروح ندور لك ونضبطك
مشعل ابتسم:يلاه
-
اخذت نجد جواله واتصل على غزيل ام مشعل ردت
نجد:السلام عليكم ياعمه
غزيل:ياهلا يانجد يمرحبا
نجد ابتسمت:ياهلابك ، ياعمه حبيت اعطيك خبر
غزيل:سمي ؟
نجد:ذياب اخوي يقول شرايك العرس نهايه الاسبوع ؟
غزيل:م كانه بدري ؟
نجد:خير البر عاجله صح ولا ؟
غزيل:ايه نعم م عندي مانع قلتو لـ ابوها ؟
نجد:ذياب بيقول لـ مشعل
غزيل:العرس وين بيكون ؟
نجد:وين تبينه انتي ؟
غزيل:بالديره
نجد:اجل تم
نزلت نجد وادخلت المشب بعد م تاكدت انهم راحو ابتسمت يوم شافت شماغ وعقال مشعل موجودات اخذتها وركضت علطول لـ غرفتها وخبتها بالدرج
-
-4:00 المغرب-
ذياب بعد م لقو شقه مضبوطه لـ مشعل واستاجرها سنه
ذياب:مشعل مو يقولون خير البر عاجله ؟
مشعل عقد حواجبه:ايه
ذياب:شرايك نخلي العرس نهايه الاسبوع
مشعل:م عندي مشكله ياذياب وابد تم
ذياب ابتسم وطلع جواله اللي يتصل وكان ذيب
ذيب:تعال بسرعه يمكن اذبح غسان الزفت
ذياب عقد حواجبه:علامك شفيه ؟
ذيب:جاء يبي يملك
ذياب:ايششش الحين جاي انتبه لا توقع نجد
مشعل:عسى ما شر
ذياب:امش امش الشر كله في بيتنا
-
غسان:حنا ملكين كذا ولا كذا ليش معقدين الامور ؟
ابو نجد:يا متعب انا وش قلت لك ؟ مو قلت ازوج ولدي ثم يصير خير وراك مستعجل
ابو سعود:مهوب انا اللي مستعجل غسان خلنا نملك ونخلص
ذيب:نجد توها متخرجه ليش نزوجها علطول وش مستعجل عليه انت ؟
غسان:من قال ان الزواج بيصير علطول انا قلت نملك بس !
ذيب:لا الملكة والزواج بعد سنه
غسان:اوف ليه بعد سنه وراكم تماطلون ليكون البنت فيها شي ؟
ذيب ضرب غسان على وجهه:استح على وجهك ياغسان لا احط وجهك بالتراب
ابو سعود:خلاص ياذيب وانت امسك فمك
دخلت ذياب ومعه مشعل
مشعل ناظر الشبكه اللي موجوده وكان مكتوب غسان ونجد وقف نظره عليها عجز يرمش وده يكذب نظره وده كلشي يكون كذب ودده يمسك غسان ويذبحه
ناظر غسان والشرار يطلع من عيونه واستغرب ذيب من شكله والعصبيه اللي واضحه فيه
قطع الصمت ذياب:سلامات ياغسان تجي كذا بدون موعد بدون خبر وين حنا فيه ؟
غسان:ارجع اعيد كلامي يعني ؟ انا ملك كذا ولا كذا
ذياب بصراخ:تجي كذا على كيفك ؟
ابو نجد بهدوء:خلاص ياذياب هو صادق بيملك اليوم ولا بعد سبوع ، اجلس ياشيخ خلص امورك
ذيب:يبه صادق انت ؟ نجد م تبي
ابو نجد:بترضى
غسان ناظر مشعل اللي واقف عند الباب:انت وش تسوي هنا ؟؟ هاذا اللي كان مع نجد انقلع برا
ذياب مسك غسان من رقبته ورص عليها بقوه وصرخ بوجهه:تقلع ضيفي ياغسسسان ابك انت اللي طالع وهو اللي داخل يالك***
غسان:ضيفك ذا كانت اختك محتميه بظهره
ذياب كشر:م الومها خافت منك "ناظره عمه" ومن اشكالك
ابو نجد سحب ذياب لعنده وهمس:خل نملك لـ اختك ثم سو اللي تبي تسويه
ذياب برجى:يايبه تكفى م يستاهل نجد
ابو نجد:م عليه "ناظر مشعل" اجلس بصدر المجلس يامشعل
مشعل للحين مو متقبل شي يناظر بصدمه وده يتحرك ويخاف ينقلب كلشي ضده الحين هو بيحظر ملكه حبيبته وحبيبه روحه واللي داخل الوظيفه عشانها ! بيكون شاهد على زواجهم شعور صعععب صعبب على قلب مشعل
تقدم وجلس تحت تعجب ذيب وذياب من حالته اللي تغيرت ووجهه مسود
انسحبو ذيب وذياب برا
ذيب:شنسوي ياذياب نجد بينكسر قلبها هي قالته لي قالت مابي اتزوج ولا املك علطول قالت وقفو معي
ذياب:ذيب مشعل يحبها شفت بوجه الحب والله ياذيب تكفى خلنا نزوجه نجد اطلق من الخسيس ذا
ذيب تنهد:ماراح يرضى ابوي كذا بتزيد القطاعه بين ابوي وعمي
ذياب بقهر ضرب رجله بالارض:اهخ يالقهررر م يستاهل نجدد والله ، الحين شلون نقول لها
ذيب:ابوي يقول لها انا م اقدر
ذياب:يلاه رح ناده