جادلٍ كل الدروب المعشبه تنبت باثرها

9

-
مشعل اللي كان لابس وجاهز دخلت الجازي بعصبيه:متى نمشي
مشعل بستغراب:بسم الله شفيس هدي ؟
الجازي:عروب المريضه نشبت للمسكينة نجد خلنا نمشي الحين لانه لو شفتها ممكن اذبحها
مشعل:شسوت لـ نجد ؟
الجازي:قعدت تتكلم عليها وعلى اهلها ونجد ماسكه نفسها وقعدت بعد تتكلم عليك غثيثه مدري شلون صارت اختي !
مشعل بقهر:يلاه يلاه اطلعو لـ السياره وبجي انا عروب لا تشوفكم وش يفكنا منها عاد
الجازي لفت تطلع:يلاه
-
"مكان جديد اول مره نجيه "
بيت عقاب اخو سلطان الكبير
جالس بالصاله ينتظر ولده غسان وقف بسرعه يوم سمع صوت السياره
ام سعود مسكته :طالبتك لا تسوي فيه شي هاوشه بس بدون مدت اليد
ابو سعود بغضب:بدال لا تقولين اكسر راسه وادبه جايه تقولين بدون ضرب !
وصايف بضيق:يبه انت تفاهم معه وافهم السالفه منه ثم سو اللي تبي بس عطه فرصه
قاطع كلامها دخول غسان:غريبه صاحين هالوقت ؟
ابو سعود بقهر:ننتظرك يا مسود الوجه
غسان عقد حواجبه:افاا ليه هالكلام وش صاير ؟
ابو سعود جلس:اجلس قدامي عند رجولي بسررعه
غسان لبى لكلام ابوه وجلس عند رجوله:سم يبه شصاير
ابو سعود مسكه مع ياقته:غسان انت تبي تسود وجهي على نهايه عمري ؟ تبغاني حرمه اتصدد عن وجيه الرجاجيل قلي يا غسان ، الشرطه موقفه اليوم عند باب بييتي ياغسان ياولدي لا تقهرني وعلمني وشهو السبب ؟
غسان بضيق من كلام ابوه مسك يده وباسها:مهوب انا اللي يسود وجه ابوه وعلمني الشرطه وش قالت يومنها جت ؟
ابو سعود:يطلبونك ل الشرطه يقولون لا جاء تعرفو وشهو مسوي ، علمني ياغسان نفذ دمي علمني وش مسوي
غسان مسح وجهه ولف على وصايف:اطلعي لغرفتك
وصايف استجابت لكلامه وراحت لغرفتها
غسان:يبه لو جاء احد وتكلم على اختك نوره وقال عانس واكيد فيها بلا يوم انها م تزوجت للحين وش بتسوي ؟
ابو سعود عقد حواجبه:بنحره من الوريد ، بس وش دخل ذي في السالفه ؟
غسان بقهر رص على اسنانه:واحدً من الجماعه متكلم بختي يايبه متكلم في شرف وصايف وانا ! نحرته من الوريد
ناظر بعيون ابوه:انت تشوفني سودت وجهك ولا بيضته يابوي ؟
ام سعود حطت يدها على وجهها:هاذا اللي خاايفه منه حسبي الله عليهم
ابو سعود زاد الضيق عليه وبعصبيه اول مره يشهدها غسان على ابوه:غساان ودني لبيت ابووه والله م اخليهم يمسون مرتاحين هاليله والله لخلي ولده يسيح بدمه
لف على ام سعود:هاتي الرشاش حقي
ام سعود شهقت بخوف:يابو سعود هد لا تس
قاطعها ابو سعود وهو يدفها:قلت روحي جيبيه ومالس دخل زاد صوته حده اكثر وغبنه:انا يتكلمون بشرف الغاليه وصاايف والله اللي م عينو خير
لف على غسان:رح شغل السياره امش يلاه
غسان مسك ابوه:يبه انا كفيت ووفيت طالبك تهدي ونروح ل الشرطه وتقوم هي بالواجب
ابو سعود بصراخ مسك غسان من ثوبه ويهزه:شرف اختك صار على لسان كل من هب ودب ؟ راضي انتت
غسان غمض عيونه:مب راضي والله مبب راضي وانا بوقفهم عند حدهم
ابو سعود اخذ الرشاش من ام سعود:غسان امش قدامي يلاه
غسان استجاب لكلام ابوه وطلع معه لسياره
-