جادلٍ كل الدروب المعشبه تنبت باثرها

19

-
بعد مرور اربع شهور وكانت نجد تماطل مع ابوها انها توها صغيره على الزواج .
رجعت نجد من المدرسه ومعها غيث وبدر
نجد وهي تنزل شنطتها:اليوم لكم هديه يعني لاني مابي اطبخ بطلب لكم الوجبات اللي تحبونها
بدر بوناسه اطفال:اخيراً مليت من اكل الرز
شهقت نجد بخفيف:يعني اكلي مو حلو يابدور؟
بدر ضحك وضمها:انا احب اكلك اصلاً
نجد ضحكت:يلاه انا بروح اغير وانتو بعد وبجيب جوالي اطلب لكم
راحت نجد لـ غرفتها اخذت جوالها شافت الرسايل اللي جايتها وضمنها رسايل الجازي اللي كانت على تواصل معها طول الشهر وقفت عيونه على رساله بالواتس من رقم غريب يقول:محتوى الرساله"سلام يانجد شابت عيوون الوصل يانجد الاحباب ، عساس بافضل حال وافضل مايكون حبيت اول من ابلغ انتي انا بدخل دوره عسكريه شهر وباذن الله اول م اطلع سيده لـ بيتكم اتمنى يانجد انك م وافقتي على ولد عمك ، استودعتك الله ومع السلامه .
نجد جاها شعور الفرحه وتتمنى تنتهي الشهور هاذي بسرعه
شافت رسايل الجازي المبسوطه لـ قبول مشعل وحزينه على فراقه
-
"قبل لا تشوف نجد الرساله بساعات"
مشعل اللي كان يجهز اغراضه والجازي عنده وخالد
الجازي بحزن:مشعل بتطول مره ؟
مشعل ناظرها وابتسم:شهر عيشي بدوني وارتاحي من تخدماتي
الجازي:طيب بيكون معك جوالك ؟
مشعل:بحاول ادخله معي
خالد بتحذير:انتيه يامشعل يشوفون الجوال معك يطردونك علطول
طلع مشعل بشنطته وسلم على امه وابوه وعروب
ابو مشعل:امسك وظيفتك ولا تتركها ولا تنحاش خلك رجال ، والله يعيني على الحلال والشغل شهر بدونك
مشعل ابتسم:ابشر ، يابوي انا كتبت لي قصيده فيك تسمح لي اقولها ؟
ابو مشعل:اسلم
مشعل:
"يابوي مالي في حياتي مطاليب
الا رضاك ودعوتك في صلاتك
افداك من رجلك الى نقره الشيب
واخدمك من صغري وخذني عصاتك
وأن كان مالي في حياتي مكاسيب
كسبي الوحيد اني على اربع جهاتك
واعرف اليا من اقبلً الواهيب
كفي عن الرمضاء ترا اليوم جاتك
واعرف اليا من اقبلً المواجيب
يشدً عزمي والعزم من صفاتك
وان قالو اني معتلي في المراقيب
بقول يابوي تراها وصاتك
يابوي لا يلحقك لا شك ولا ريب
ابشربي قبل التفاتك "
ابو مشعل ابتسم:صح لسانك وانا ابوك وبشرني بمعتلي المراقيب
مشعل:باذن الله ناظر امه وعيونها اللي تلمع من تجمعها لـ الدموع ضحك وراح ضمها:مفروض تفرحين انه حمدلله ابتسم الحظ بوجهي ودخلت وظيفه مب تبكي
ام مشعل ابتسمت:ابكي من فرحي
الجازي وهي ماسكه دموعها:مشعل اكتب فيني قصيده غرت من ابوي
مشعل ناظرها:يووه وانتي بعد تجمعت الدموع بعيونس ترا بسحب على الوظيفه واقعد عله على قلوبكم
ابو مشعل:يلاه يلاه خلاص اطلع لا تتاخر
اخذ مشعل اغراضه وطلع وقابله فارس
فارس سلم عليه:امسك وظيفتك العسكريه مره وحده بالعمر
مشعل:انشاءالله يلاه مع السلامه
دخل فارس وطلعت الجازي تركض لـ مشعل
مشعل ناظرها:بسم الله علامس
الجازي:اذا دخلت جوالك ارسل علي وبعد يعني استغل الوقت واكتب فيني قصيده
-
صقر اللي كان متلطم وينتظر مشعل بالسياره حلف م يودي مشعل الا هو لف لـ باب البيت اللي فتح وطلع مشعل بس رجع علطول لـ وراء شاف نص شكل الجازي وهي تكلم مشعل وبالاخير ضمته صحصح على نفسه وشتت نظره بسرعه يوم طلع مشعل ، ركب مشعل السياره:اول مره احس اهلي يحبوني
صقر ضحك:امسك والوظيفه وبتشوف كل الناس تحبك
مشعل:الا قبل لا ادخل وش بتسوي بـ ابوك ؟
صقر:الله يقلع شيبان الديره وده يجي بس يقول مالي وجه اصبرهم ، على انه كله اتهااام مدري متى يصدقني حسبي عليك يحنان
مشعل ربت على كتفه:م عليه كلشي بيتيسر انشاءالله
تنهد صقر:انشاءالله
-
غسان جالس يتقهوى مع ابوه:متى يرد عمي طولها صراحه البنت م بقى غير شهر وتتخرج
ابو سعود:كلشي بيتيسر وبدق عليه شوي اخذ العلم الاكيد
سعود عقد حواجبه:شسالفه
ابو سعود:خطبت نجد لـ غسان وطولو بالاجابه
سعود بصدمه:نجد بنت عمي سلطان ؟
ابو سعود:ايه طلب السماح وانا طلبت بنته
سعود:بس البنت صغيره ؟
ابو سعود:لا كبرت خلاص بتتخرج
اخذ جواله واتصل على ابو نجد رد ابو نجد
ابو سعود:شكلك م تبي السماح ياسلطان
ابو نجد:السماح والعفو يجي من الله مهوب منك ، البنت في فتره اختبارات هالحين مبي اشتتها
ابو سعود:مردها البيت ، عطني العلم الاخير
ابو نجد:اعلمك بعدين ، سكر جواله
-
-