جادلٍ كل الدروب المعشبه تنبت باثرها

5

عند مشعل اللي طبعاً كان صاحي من العصر عشان يروح ل ابلهم عشان ابوه م يعصب عليه ، كان واقف قدام النياق وينظارهم بضيق من حاله لا وظيفه تمشي حاله والحياه بنظره سيئه جداً وكان يواسي نفسه بالشعر
جاب له بياله شاهي ومركا وجلس على التراب طلع من مخباه دفتر صغير ومن جيبه القلم كان الدفتّر ذا م يفارقه ..
وبدا مشعل يبحر بالشعر ويعبر عن مافيه بالدفتر ذا
-"الفقر مارد النشاما عن الطيب
‏والمال  ما عـزّ النفوس  الرديه"
كان مشعل كرريم لو م بجيبه الا ريال !يلزم على الناس ويكرم الضيف لو بالدين ابو مشعل حاتم كان م يعطي مشعل وجهه ولا يكرم ضيوف مشعل ،، كان مخلي مشعل يعتمد على نفسه ويمشي عمره .
لف مشعل على صوت اخوه ماجد اللي يناديه كشر ووقف ومشى له تكلم بهمس:الله يستر منك فارس
فارس:شتسوي هنا تحت الشمس امش داخل لا تموت علينا
مشعل كشر:اعوذ بالله يالفال ، شتبي انت الحين ؟
فارس:رح عب بيتي خلصت مويته
مشعل نزل نظاراته:دامك موجود خذ المتاح ورح ! شدخلني انا ببيتك انا مكفول ب بيت ابوي ؟
فارس عصب وومسك مشعل مع رقبته وبصراخ:تروح تعبي الوايت غصب عنك يامشعل وانت م تشوف الدررب طيب ؟
مشعل دف يده عنه:والله يفارس لو مانك اخوي الكبير كان حفرت وجهه بالتراب ، مشى متجاهل هواش فارس وراه ركب سياره امه اللي كانت معه اغلب الوقت ورجع للبيت ،
بالطريق كان مشعل مخنوق من اخوه اللي كان مخرب حياته مع ابوه ، تذكر الجازي والبنت اللي معها ووقف عند البقاله يشتري لهم ايشي يشوفه قدامه كالعاده حاول مع العامل لين سجل له وركب السياره ومشى للبيت .

المغرب
وصلو المحطه اهل نجد نزل ابو نجد للمسجد ومتفائل انه يلاقي نجد !
ذيب دخل وراء ابوه خايف:ابوي لقيتها ؟
ابو نجد مسكر راسه بقهر:لا لا ياذيب م لقيت اختك مدري وينها يااذيب
ذيب مسك ابوه:امش يبه نسأل العمال اللي هنا
طلعو يسالون العمال وردهم طبعاً انهم م شافو احد !
رجعو ل السياره
ابو نجد بقهر: ذياب دق على الشرطه قل حاله خطف نسيان ايشيي اهمشي يلاقون بنتي ،
ذياب نزل من السياره ومعه جواله اتصل على الشرطه وعلامهم وين المكان وكلشي
ذياب:يبه بيرسلون شرطه الطرق لنا بيدورون الاثار وايشي ، ذياب كان من برا هاادي بس من داخل ميت قهر وحسره على اختهم الوحييده اللي يشوفونها امهم بس م يبي يضعف قدامهم .
-
-
"الديره"
دقت الباب ام مشعل على غرفه الجازي ودخلت يوم م سمعت رد شغلت النور:الجازي يمه قومي جاء المغرب وانتي نايمه لو يدري ابوك ذبحك قومي يلاه
الجازي جلست وهي مغمضه عيونها:نعم يمه الواحد م ينام يعني ؟
ام مشعل ابتسمت:عندس ضيفه قومي سنعي امورس وسوي لها اكل يلاه .
-