جادلٍ كل الدروب المعشبه تنبت باثرها

7

دخلت الجازي الغرفه بحماس وقربت عند نجد بهمس:شوفي شوي الساعه 12 نروح ل الشرطه بعد م ينامون اهلي طبعاً
نجد بنفس الهمس:ليش مستانسه طيب ؟
الجازي ضحكت:والله حماس ، اسمعي تعالي اطلعي معي بالسطح فوق
وقفت نجد واخذت طرحتها ومشى وراء الجازي بصمت
رقو فوق وحطو لهم الفرشه وقفت الجازي:نزل اسوي شاهي واجيك طيب ، نزلت الجازي ووقفت نجد ببتسامه مع نسمه الهواء الخفيفه حررت شعرها اللي كانت مجدلته وانتثر على ظهرها وقفت على اصابع رجولها وهي تطل على اللي قدام البيوت اللي متباعده شوي عن بعض
-
مشعل اللي حس بطفش ووده يطلع بس يدري ابوه بيرفض ويسوي سالفه طلع من غرفته وطلع مع الدرج ل السطح وقف بصدمه وهو يناظر اللي تفك جديله شعرها ومستمتعه على الهواء اللي يداعب وجهها وشعرها وكانت قمه بالجمال بنظر مشعل لف على شقت الجازي بهمس:مشعلل شتسوي ؟؟
مشعل: كنت ابي اطلع السطح بس خلاص جاني النوم رجعت بسرعه ل غرفته
الجازي بستغراب:بسم الله شفيه ذا ، مشت كم خطوه ل مكان مشعل فتحت عينها بصدمه:رحت فييها يامشعل دامك شايف هالمنظر

-
رجع مشعل لغرفته جلس على السرير وسرح بشكل الجادل اللي شافه م فارق عينه:سبحان من صورها وسواها يالله م اجملها
صدق من قال "تلعب بالقلب مثل لعب الهبايب بشعرها "
-
الجازي ونجد يناظرون للقمر اللي متوسط السماء وكانت ليله 15
الجازي:نجد صدق والله تعودت عليك صح انه يوم بس احسه دهر
نجد ابتسمت:حتى انا والله بس م عليك ان شاءالله يكون بيننا تواصل
الجازي فزت من مكانها:بروح اكتب رقمي ورقم مشعل لك عشان رقمي انا مو متاكده منه ومع ابوي
نجد:م يحتاج انتي اكتبي رقمك وبس
الجازي لفت ل الدرج:بكتب الرقمين
-
دقت الباب ودخلت فز مشعل من مكانه:شفيك
الجازي بستغراب:مافيه شي بس ابيك تكتب رقمك
مشعل قطب حواجبه:ليه ؟
الجازي جلست على طرف السرير:بعطيه نجد عشان رقمي انا مدري اذا بيرجع او لا
مشعل ابتسم:ايه ايه اكتبيه وعطيها
الجازي ضحكت:بعطيها وبكتب بالخط الكبير رقم مشعل ههههههههه
مشعل حركه شعره وكانت هاذي الحركه تدل انه انحرج
كتب رقمه ورقم الجازي
مشعل:خليكم جاهزين ساعه كذا ونطلع
الجازي بضيق:بدري احس م ودي اخليها تروح
مشعل ابتسم:يعني م نرجع ل اهلها شرايس
الجازي بتفكير:مب شينه هي مستانسه هنا
مشعل ضحكت ودفها:اطلعي اطلعي لها واجهزو وتااكدي من عروب انها نايمه طيب !
رفع جواله وشاف اسم خالد ينور الشاشه ابتسم ورد:هلا والله بالي ناسينا م بغيت تذكر ان لك اخو تدق عليه