جادلٍ كل الدروب المعشبه تنبت باثرها

29

-
وصل مشعل ذياب لـ المحطه واخذ الصقر ناظر مشعل وقال:وظيفتك وين بتكون يامشعل ؟
مشعل:بتكون بالرياض حمدلله م بعدوني زياده
ذياب:حمدلله اجل بتكون بين اهلك و اول م توصل عطني خبر اضبط لك كلشيي
مشعل ابتسم:م تقصر ياذياب
ذياب:ابد واجبنا ، انا بكلم ابوي بالموضوع واجيكم بعد يومين تم ؟
مشعل:ابد تم المكان مكانك
ذياب:جعلك تسلم ، يلاه فمان الله
صقر ومشعل:الله معك
-
رجعو ذيب ونجد لـ الاسطبل اللي صار ملكهم ورتبت نجد مكان لـ ابوها واخوانها ولها طبعاً
ابو نجد وهو منسدح بينام:نجوده لا تطولين ونامي طيب عشان نرجع بدري
نجد جت وباسه راس ابوها:ابشر من عيوني
ابو نجد ابتسم وسكر عيونه وغط بالنوم
طلع نجد بهدوء بعد م شافت بدر وغيث ولحفتهم زين وذيب كان مختفي عن الانظار من يوم م رجعها استغربت بس طنشت مشت لـ خيلها الجديد المشعل مسحت عليه وباسته
توها تحس بمراره الشعور انه يمر يوم مميز لها بدون امها حاسه بنقص كبييرر على انه ابوها واخوانها حاولو يغطون النقص ذا بس حتى هم حاسين بالفجوه الكبيره بعد المها "امهم"
دخلت داخل مكان الخيل وجلست بالزاويه ضمت رجولها لـ صدرها وسمحت لدموعها تنزل وهي كاتمتها طول الييوم عشان م تنكد على اهلها الخيل وكانه حاس فيها قرب راسه لـ راسها واستكنو الاثنين بهدوء
بعد مده رفعت نجد راسها وضحكت ومسحت على راسه وقالت:حتى انت تواسي يقلبي يالمشعل
وقفت وطلعت من مكان خيلها وراحت للخيل اللي ركبها فيه ذيب طلعته وقالت بهمس:تكفى لا تطلع صوت
قعدت تنقز لين قدرت تركبه بنفسها طلعت جوالها والسماعه وشغلت لها اغنيه هاديه ومشى الخيل بهدوء فتحت نجد يدها سامحه للهوى انه يداعبها ويطير شعرها
-
ذيب بالسياره بهيام قال:عذبه لا تعذبيني تكفين
عذبه بخجل:لا تطولها وهي قصيره يا ذيب تبيني لك وحلال لك ونبعد عن الحرام اعطيك موقع البيت وتجي تكلم ابوي
ذيب بصدمه:علطول كذا ؟
عذبه:ايه علطول ولا م ودك ؟
ذيب فز:تم تم الا والله ودي وودي ودي اضبط وضعي بس واعلم اهلي واجيس علطوول
عذبه ابتسمت بخجل وسكرت بوجهه
"كان ذيب يودي نجد ويرجعها من المدرسه عشان بس يشوف عذبه وهي طالعه وهي داخل وكان بما تعنيه الكلمه عذبه معذبه ذيب بعيونها الكبار ورموشها الطويله وحالف انها م تطير من يده واستغل وقت م راحو يطلعون نجد المدرسه بيوم تخرجها كان كاتب بورقه رقمه ناظر يوم طلعت بعد قرب بشويش عشان م يلفت النظر وعطاها الرقم وقال بهمس:ابيس بالحلال والله بس دقي علي
انصدمت عذبه وهي للحين م تدري هاذا من مشت بسرعه وخوف يوم شافت سياره اخوها وتدعي انه م شاف
ابتسم ذيب وارتاح انه سوى هاذي الخطوه عشان بس يوصل لها او لايشي يوديه لـ طريق بيتها "
نزل من السياره ذيب واستغرب من نجد اللي فاتحه يدها للهوى ومغمضه عينها وحاطه السماعات وكان شوي برد وعرف انها متضايقه
قرب ومسك الخيل ووقف فتحت عينها نجد برعب بعدت السماعات وقالت:خوفتني ياذيب
ذيب ضحك:بسم الله عليس علامك هنا ليش م نمتي ؟
نجد نزل من الخيل لظهر ذيب سندت راسها على كتفه:مكان فيني نوم اما الحين فيني نوم الدنيا وصلني لـ فراشي لو سمحت
ذيب مشى بها:انتي م تحتاجين فراشك تحتاجين حضن ابوي
دخل بهدوء ونزلت نجد من ظهر ومشت بخفيف ودخلت بحضن ابوها
فتح عينه ابو نجد وناظرها شاف عيونها اللي تلمع وعرف انها كانت تصيح شد عليها بحضنه وسكر عينه
ودخلو كلهم بنوم عميق
-
وصل ذياب ودخل ناظرهم كلم بمكان واحد ونايمين توسعت ابتسامته من منظر ابوه وهو حاضن نجد ونايمين طلع جواله وصورهم شاف فراشه جاهز ابتسم وقال بهمس:ياجعلني والله يانجد
-
صقر ومشعل اللي رجعو لعادتهم اجتمعو بنفس المكان
صقر مد الشاهي لـ مشعل وقال:ايوه اسلم عطني علومك
مشعل اخذ الشاهي وابتسم:والله علومي تمام التمام دام ذياب خطب من عندنا الاوضاع بتمشي زين
صقر صغر عيونه وقال:نسيت ولد عمها ؟
مشعل كشر:لازم تخرب لازم خل يجي بالاول يخطب ثم ععاد بفز انا اخطب
صقر بضيق اجتاح قلبه وخايف ان البنت اللي كان يشوفها هي اللي بتنخطب:من بيخطب من خواتك
مشعل:الكبيره ثم عاد م يبقى بالبيت الا الجازي حبيبه اخوهاا
صقر:هي الصغيره صح
مشعل ناظره وضوق عيونه:وشذا الاساله ياصقييير
ضحك صقر بورطه:يعني في سياق الكلام قلت كذا
قاطع عليهم جوال صقر اللي دق وكان مكتوب الغزال رد علطول
صقر:لبييه
غزل:متى تجي ؟
صقر:شوي ليه
غزل:بموت يمكن اشنق نفسي من الطفش
ضحك صقر بصوت عالي:علامس وش جاس
غزل:حاول تجي بدري تتكفى اسولف معك واخذ علومك وكذا
صقر ابتسم:ابشري ساعه كذا وانا عندس
سكر صقر وناظر مشعل اللي يتامل في جواله
صقر:هي وين رحت
مشعل وهو يتامل صورتها وهي صغيره بالواتس كانت نجد حاطه صورتها ناظر صقر وهو متخدر:صقر يحلوها وهي صغغيرره وااه يقلبي الله يجعلها من نصيب وحلالي
صقر ضحك:ورني طيب
مشعل قرب جواله لـ صدره:تخسيي اوريك وراح لـ اختك شكلها خايفه وماتبي تخوفك معها
صقر فز بخوف:تهقى ؟
مشعل:اي والله رح لها وعلمني اذا وصلت
-
وصل صقر للبيت وعلطول نزل يركض وهو رافع ثوبه بيده والشماغ على كتفه والعقال على راسه فتح الباب بسرعه وقز برعب من تجمع اهله م انتبه للكيكه والزينه قال برعب:فيك شي ؟
غزل ضحكت:عيونك ضيقه وانا اختك ؟ ناظر الكيكه
ناظر صقر الكيكه وكان مكتوب عليها"مبروك الترقيه يا عريف صقر "
صقر بصدمه قال:وش عرفكم ؟
غزل ناظره ليان وقالت:الملقوفه شافت جوالك انا مالي دخل
المهم م عليناا الف اللففف مبروك الترقيه من اعلى لـ اعلى ياررب ياصقوري
ام صقر ببتسامه م فارقتها من يوم م عرفت عن الخبر:مبروك مبروك ياقره عين امك مهوب باقي الا نزوجك وش رايك ؟
ابو صقر ضحك:وانتي على ايشي نزوجك م عليك منها وانا ابوك ومبروك ياعضيدي
صقر ابتسم وباس راس ابوه وامه:يبارك فيكم والله انكم خرشتوني وبذات غزل حسبت صاير لكم شي
-