جادلٍ كل الدروب المعشبه تنبت باثرها

36

-
فتحت نجد عيونها الا ذياب توه داخل ابتسمت بخفيف:ذياب
ذياب ابتسم بحزن:اي يروحي ذياب كيف صحتك فيه شي يوجعك ؟
نجد عدلت جلستها وغمضت عينها بالم من رجلها:لا بخير بخير بس بابا وذيب وغيث وبدر شصار عليهم
ذياب مسح على راسها:انشاءالله انهم بخير فيك حلي اخذك لهم تشوفينهم ؟
نجد:ايه جب الكرسي
جاب الكرسي ذياب وساعدها لين جلست وجاب طرحتها وحطها على راسها وهي غطت وجهها
مشى فيها لـ غرفه بدر لانه غيث موجود معه وعندهم مشعل
دخل الغرفه الغرفه وناظر مشعل ومشعل فهمه وطلع
ناظر بدر اللي صاحي وابتسم:اووه بدوري صحى
بدر ناظره بهدواء ورجع سكر عيونه
ذياب:بروح انادي الدكتور واجي
طلع ذياب ومشت نجد الكرسي لين السرير واستندت عليه ووقفت
مسحت على راس بدر:يروحي انا بسم الله عليك بدر بدوري تسمعني ؟
ناظرت غيث اللي كان صاحي ويناظر بخوف وصدمه:غيث فيك شي ؟ يعورك شي ؟
دخل ذياب والدكتور وراه رجعت نجد لـ كرسيها وعينها على غيث اللي حالته م تطمن
الدكتور بعد م كشف على بدر اشر على ذياب:بدر تعرف هاذا ؟
بدر يناظر بفراااغ كبييرر م يدري شصار وهو وين ومن ذولاا !!
الدكتور اشر على نجد:طيب تعرف هاذي ؟
بدر ناظر نجد وهز راسه بـ لا 
الدكتور:طيب شسم ابوك او امك ؟
بدر غمض عيونه ورجع فتحها:المزن
الدكتور ناظر ذياب:صح عليه ؟
ذياب:ايه يدكتور وش فيه هو ؟
الدكتور:الواضح لي انه جاءه فقدان ذاكره مؤقت عاد مؤقت كم المده الله اعلم
ذياب تنهد:لحول الله ، مشكور
نجد وهي ماسكه الصيحه:دكتور غيث وش فيه بعد ليش يناظر كذا ؟
الدكتور:متعرض لـ صدمه من الحادث وبسيطه تروح انشاءالله بيقعد يخاف من كلشي الفتره ذي
طلع الدكتور ونجد ناظرت ذياب:ابوي اشوف ابوي وذيب
قرب ذياب وانحنى لين وصل مستواها وشد علي يدها:اسمعي نجد هاذا اللي ربي كاتبه ولا راح نعترض على اللي كاتبه ربي ابوي توفى
نجد عقد حواجبها:شتقول انت ودني له بس !
ذياب نزلت دموع:ادعي له ينجد هو برحمه ربي
نجد ضحكت ضحكه مع بكيه:ذياب لا تكذب علي
ذياب نزل راسه على يدين نجد وبكى:والله م كذبت يانجد
نجد سكتت بصدمه ونتاظر ذياب اللي بين يدينها يبكي رفع راسه ذياب:نجد شفيك ؟
نجد:ابوي راح ؟ م عندي ابو يعني راح ضلع من ضلوعي
ذياب ساكت ويناظرها وقلبه متقطع عليها وعلى حالهم
نجد قعدت تبكي بشويش لين اعتلى صوت بكاها وصرخت:بااااابااااا اهخ يبوي ليتني انا اللي مت ولا فقدتك
قعدت تصيح وتضرب كتوف ذياب بقهر
-
مشعل اللي كان برا عند باب الغرفه انصدم من صرخه نجد بـ ابوها ثم جاه صوت بكاها تضااايق بالحيل بس م بيده شي الا انه يدعي لهم
طلع جواله واتصل على صقر وطلع من المستشفى
رد صقر:هلا مشعل وينك وصلت ؟
مشعل تنهد:لا ياصقر
صقر عقد حواجبه:وش فيك ؟
مشعل وهو يناظر السماء:وانا ماسك الطريق لقيت حادث والسياره رايحه فيها نزلت قلت بساعدهم طلعو نجد وعايلتها
صقر بصدمه:لاحول ولا قوه الا بالله عساهم سلمو
مشعل بغصه:حالهم يبكي اللي م يبكي ابوهم توفى وذيب في غيبوبه والباقي متكسرين
صقر:ان لله وان اليه راجعون الله يرحمه ويهون عليهم مصايبهم
مشعل:ذياب الحين كلشي عليه وكان يبي ياجل الدفن بس اقنعته الميت لازم يدفن
صقر:وشهو المستشفى اللي انت فيه بجي معك لا يقعد الرجال لحاله كثير عليه
مشعل:اي والله تعال وانتبه لـ الطريق والمستشفى اسمه **
صقر:يلاه فمان الله
-
ام صقر كانت جالسه بالصاله تستغفر وتقراء قران طلع صقر من غرفته مستعجل
ناظرته وعقدت حواجبها:وش فيك ؟
صقر بضيق بين على وجهه:شفتي الرجال اللي حضرنا عرسه اليوم ؟
ام صقر نزلت نظارتها:وش فيه
صقر:اهله سوو حادث وهم راجعين لـ الرياض
ام صقر:عساهم سالمين ؟
صقر:ابوهم توفى واخوهم الكبير في غيبوبه والباقي متكسرين
ام صقر وقفت:اخذني معك م عندهم احد كبير يهون عليهم
صقر:يلاه
-
الجازي ردت على مشعل:هلا
مشعل:اسمعي اذا صحى ابوي لـ الفجر قولي له يجي لـ مستشفى ** طيب ؟
الجازي بخوف:ليه فيك شي ؟
مشعل:لا بس صاير حادث لـ اهل نجد وابي ابوي معي
الجازي:يممه طيب اذا قام بقوله
-
ذياب جالس عند نجد ويهديها ويهدي نفسه نااااسيي غيث اللي زادت عليه الصدمه
نجد:ابي اشوفه
ذياب:بنروح بكره نغسله وندفنه تشوفينه بكره
اول م قال ذياب ندفنه صارخ غيث ويسوي حركات بشكل هستيري ويشد شعره
فز ذياب علطول له ويحاول يمسكه بس م قدر كانت حركاته كثيره ولا قدر يثبته
طلع علطول ينادي الدكتور او الممرضه يعطونه منوم مهداء ايشي اهمشي يهداء ولا ياذي نفسه زياده
نجد تناظر مصدومه وتبكي:غيث غيث تكفى خلاص لا تاذي نفسك ياغيث لا تزيد الهم هممين
دخل الدكتور بسرعه ووراه الممرضين قدرو انهم يمسكونه ويعطونه منوم
ارتخى بين يدهم
الدكتور ناظر ذياب ونجد:اطلعو عشان يرتاحون "ناظر نجد" وانتي بعد عشان ترتاحين ولا ترهقين نفسك اكثر
الممرضه اخذت نجد ومشت بها لـ غرفتها
قعد ذياب عند غيث وبدر يناظرهم بقل حيله ثواني وانتشر اذان الفجر رفع يده وقال:ياررب مع اذان الفجر انك تشفيهم وترحم ابوي وتهون علينا مصايبنا يارب
طلع من عندهم وراح لـ مسجد المستشفى لقى مشعل فيه ناظره وقال:توقعتك مشيت
مشعل ابتسم بخفيف:ماني مخليكم معك في الضيق والفرح
ذياب:م تقصر
-
كان ذياب نفس اللي م استوعب شي يحسب كلشي حلم ينتظر الدكتور يقوله ابوك في الغرفه هاذي مهوب في "ثلاجه الموتى" يوم قال لـ نجد كان ينتظر منها كلمه "انا كنت عند ابوي اولا ؟" كان تاااايه م يدري وش يسوي او وش اللي صاير
وش اللي قلب فرحهم لـ نهايه حزينه ؟ ذيب نجد غيث وبدر كلهمم متضررين منذا الحادث وابوهم توفى بسببه ، شااايل هم شلون بيرجعون لـ البيت بدون ابوهم ؟ شلون بيكملون حياتهم بدون حسه
-