جادلٍ كل الدروب المعشبه تنبت باثرها

27

-
ذيب ركب نجد الحصان ومشى فيها
نجد بحماس:خله يركض تكفى
ذيب:اخاف تطيحين
نجد اللي كانت لابسه الخوذه ومامنه عمرها:لا م عليك بتمسك زين
ذيب بعد وقال:اجل شدي على الحبل واضربي وبيمشي بسرعه
نفذت نجد كلام ذيب وانطلق الحصان بسرعه وصوت ضحك نجد منتشر بالارجاء
ذيب ابتسم ورفع صوته:دايمه دايمه الضحكه يانجد
طلع جواله وقعد يصور نجد وهي منطلقه بالحصان وكانها متعوده عليه وهو متعود عليها !
بعد دقايق صرخت نجد:ذيبببب شلون اوقفه ؟؟
ذيب ضحك:اسحبيه بقوووه وبيوقف "من كيسي طبعاً م ادري اذا صدق "
نجد نزل من الحصان ومسحت على راسه وعطته بوسه لفت على ذيب وحضنته:اجمل هدديه قسم بالله ياذيب يحلو الشعور اللي قاعده احس فيه
ذيب شد عليها:ابدد اطلبي وحنا نتمم
بدر بصراخ من بعيد:الحقوووني بطيح من الحصان الزفت ذا
نجد وذيب ماتو من الضحك من شكل بدر وهو متمسك بالحصان والحصان يركض
ذيب خاف عليه ووقف ضحك:امسك الحبل وشد عليه بقوه يابدر
بدر بخوف سوا نفس م قال ذيب ورجع صرخ:عيا ياذيب بطييح بسرعه
ركب غيث حصان نجد وانطلق وراء الحصان اللي راكبه بدر وقال بصوت عالي وهو قريب من حصان بدر:انقز علي بسرعه
بدر بخوف:مقدر ياغيث مقدر
غيث توتر ووقف على الحصان بقوه قلب ولا يدري شلون سوا كذا اصلاً ونقز على حصان بدر ومسك الحبل بقوه ووقفه لف على بدر وحضنه على جنب وونزله:لا عاد تركب بدون م تقول لنا
ذيب ونجد واقفين مصدومين من غيث والحركه اللي سواها
نجد:غيث انت قد ركبت حصان ؟
غيث:لا
ذيب:اجل شلون سويت الحركه ذي بسم الله عليك
غيث ضحك:الله يخلي مسلسلات الاكشن والحرب عرفت منها الحركه ذي وحمدلله جربتها
ذيب:اجل انت اللي تستاهل الخيول ذي كلها مهوب نجد
نجد حطت يدها على خصرها وقالت:ليتك تسكت بس
ابو نجد من بعيد رفع صوته:تعالو يلاه ضبطت اشياء الشوي والحركات الزييينه
نجد راحت تركض لـ ابوها:اوووه العشاء برعايت بابا
اخذت جوالها ودخلت الواتس شافت رقم مشعل ورسايل الجازي اللي تدل على انه مشعل طلع من الدوره
باركت لـ الجازي وشاركتها الفرحه عند بُعد دخلت على رساله مشعل وتشققت من الفرحه من كلامه
نجد:يبارك فيك ومبروك تخرجك عقبال المناصب العليا، وعجل بامورك قبل يفوت الاوان
-
9:00
وصل ذياب لـ الديره ومسك واحد من الورعان وسال عن مكان بيت مشعل ووصف له مشى باتجاه البيت شاف البيت انواره كلها شغال والبيبات مفتوحه وواضح ان عندهم عشاء
-داخل البيت-
عروب اللي لابسه قميص روز ولافته على خصرها وارافعه نص شعرها الكيرلي وتتهاوش هي والجازي بالحوش بصوت واطي
عروب بنرفزه من الجازي:ياليل يالجازي انتي شيلي المواعين وغسليها وانا بطبخ مع امييي
الجازي بعناد:مالي دخل انا بطبخ مع امي
مشعل جاء معصب ناظرهم بحده:علامكم ؟
الجازي لفت عليه:متى تبغا يطبخ العشاء ؟
مشعل بصدمه:تتهاوشون من يطبخ ؟ ومخلين امي بالمطبخ لحالها !!!
عروب:يووه اخلص من تبي يطبخ ؟
مشعل:انقعلو يلاه ساعدو امي كلكم ودخلو لا يشوفكم احد "بحده رص على اسنانه"بسسرعه
-
ذياب اللي حضر الموقف كله بس بدون م يسمع اصواتهم بحكم ان الباب كان مردود ومكان مواضح الا عروب فز قلبه لها وميلان شعرها وحركات يدها اللي تدل انها معصبه يوم يكلمها مشعل وتقلب عيونها كلشي فيها اسر ذياب تعوذ من الشيطان ولبق السياره ونزل والهديه معه وقف عن الباب الكبير وقال بصوت عالي:ياهل البيييت
مشعل فز علطول يحسبه من اهل الديره ورحب:ارحبو اررحبوو اقلط
انصدم من ذياب وقال داخل نفسه:اخووو نجد ؟؟
ذياب ابتسم:تبقى يابو حاتم
مشعل تقدم وصافحه:تو م نور البيت بوجودك ياذيابب يامرحبا اقلط
دخل ذياب ووقف بنص المجلس وقال بصوت عالي:سلام نظر ياربع مشعل
كل اللي بالمجلس:يامرحبابك
ابو مشعل استغرب منهو ذا مهوب من اهل الديره:مرحباً بك بس منهو ولده انت ؟
ذياب ابتسم:ماني من ديرتكم وزين انتم متجمعين "لف ناظر حاتم" عز الله انك ربيت رجال واطيب من الرجاجيل كلهم
مشعل:م عليك زود يا ذياب وماله داعي الكلافه
ابو مشعل عقد حواجبه:العلم وش ؟
ذياب:العلم سلامتك مشعل جعل كل الرجاجيل نفسه صان اختي عنده ووداها للقسم ولو احد غيره كان اختي بخبر كانا
لف ناظر مشعل:وهاذي كرامه مني لك يابو حاتم بشت وطيب وبخور من اجود الانواع وسيفً ووالله م تردها وتستاهلها
مشعل جاء بيحلف ورده ذياب وقال:م تقصر ونردها لك بالافراح انشاءالله
ابو مشعل بفخر بولده قال:اقلط بصدر المجلس يابو ؟
ذياب:ابو سلطان ، والله اني مستعجل صد ورد
ابو مشعل:اقلط يارجال وارتاح وتعشى ثم درب السلامه
ذياب:م قدرت اردك زياده ابشر
جلس ذياب مع الرجال ووقف مشعل اخذ الدله وقهواه
لف ذياب على اللي يتساسرون جنبه وسمعهم
راكان:يبه يلاه اخطب لي عروب
ابو راكان بهمس:اركد اركد بخطبها لك بس شوي
ذياب علطول ظهر في باله شكل عروب وقال بنفسه:اكيد ذي عروب مهيب الجازي اللي مدحتها نجد ذي واضح ملسونه وقشرا بس والله انها موت وماراح تطير من يدي
عدل جلسته ورفع صوته:يابو مشعل
ابو مشعل لف عليه:سم