جادلٍ كل الدروب المعشبه تنبت باثرها

20

-
3:00العصر
ابو نجد راح لـ غرفه نجد دق الباب ودخل ابتسم يوه شافها ساحبه على كتبتها وفاتحه دفتر القصيد
ابو نجد:الناس تدرس وانتي تكتبين قصيد ؟
نجد ابتسمت وسكرت الدفتر:درست وخلصت
ابو نجد مسح على راسها:وشهي القصيده الجديده
نجد:توني م خلصتها
ابو نجد:طيب يانجد يابوس وش قلتي عن غسان
نجد بتوتر:توي صغيره
ابو نجد:مب عذر يانجد بتتخرجين خلاص
نجد:تنتظر شهر ؟
ابو نجد عقد حواجبه:ليش تماطلين يانجد اررربع شهور وانا اقول صغيره صغيره بس خلاص معاد هو عذر
نجد بضيق:بجي اقولك نهايه اليوم
ابو نجد تنهد وطلع
قفلت نجد غرفتها وقعدت تبكي سحبت جوالها وراسله الجازي بتشوف وش ردها
"بالواتس"
نجد:الجازي
الجازي ردت بسرعه:هلا والله بالي ناسيتنا
نجد:مدرسه واختبارات ،بقول لك شي
الجازي بحماس:سمي وش
نجد:خطبني ولد عمي ومدري اوافق ولا لا
الجازي انصدمت وطرى في بالها مشعل علطول وش بيسوي بعد م يطلع ولا يلاقي نجد !
نجد شافت الجازي طولت ولا ردت ارسلت:؟
الجازي:توك صغيره ارفضي لين تتخرجين باقي لس شهر ؟
نجد بضيق:صار لي اربع شهور يالجازي اماطل بالموضوع بس اتوقع صارت الصدقيه
الجازي بصراحه:يانجد مشعل يحبك ويبيك والله انه داخل الوظيفه عشان بس يتزوجك حاول تطولين بالموضوع
نجد شافت كلامها وكيف ان مشعل داخل الوظيفه عشانها !
طفت جوال وقعدت تبكي لين نامت .
-
-
الجازي طفت جوالها يوم م شافت رد فزت لـ صوت ابوها اللي يناديها
ابو مشعل:غريبه يالجازي مالس حس
الجازي بضيق:مشعل مب موجود اكيد ماراح يكون لي حس
ابو مشعل:م عليه ، طلعي لي رقم محمد ذا لا يجي ولا يسلم
الجازي اخذت جوال ابوها واتصلت على محمد:سم
محمد رد:يبه شوي ادق عليك
ابو مشعل بعصبيه:انت وش سالفتك علامك مغير نتحاش كل م دقيت
محمد:بعلمك بس شوي مع السلامه ، سكر
ابو مشعل بصدمه نزل الجوال:وشفيه ذا الولد ؟
-
محمد بتوتر:اسمع انا بسوي لك اللي تبي بس ابعد عن بنتي واهلي
طلال بقرف:تاخذ ذا البضاعه وبعطيك الموقع وتوصلها واذا مسكتك الشرطه وجبت طاري اسمي راح انهيك
محمد:ليش اوديها انا اخذها انت ذي بضاعتك ، انا تارك ذا الامور منزمان
طلال طلع جواله وشغل فديو لـ محمد وشهو يستخدم من ذي البضاعه ويشيك عليها ويامر اللي عنده انهم يوصلونها:شقلت ؟
محمد بحقد:ارسلي علي الموقع
-
9:00 الليل
صحت نجد مصدعه سحبت جوالها وشافت الوقت استغربت انها نامت كل ذا الوقت فزت من دق الباب القوي
قامت فتحته
ذيب تنهد براحه:خرشتيناا وراس مقفله الباب
نجد بخمول:نمت ونسيت اني مقفله الباب
ذيب مسك وجهها اللي متنفخ من البكي:باكيه قبل لا تنامين ؟
نجد مسحت وجهها وضحكت:لا بس شبعت نوم عشان كذا تنفخ وجهي
ذيب ضوق عيونه:بتعلميني بكلشي ، بس انزلي الحين جايب عشاء وننتظرك
نجد:يلاه بصلي واجي