جادلٍ كل الدروب المعشبه تنبت باثرها

10

الجازي تاففت:ليش تهاوش بعدين عروب م نامت مسنتره بالصاله م يمدي اطلع
مشعل حط يده على خصره:طيب وش بتسوين اخت الجازي بتصيرين باتمان وتنقزين من فوق ؟
الجازي ابتسمت:بسم الله عليك اخووي ذكي يلاه قرب حوض السياره بننقز فيه بس حط شي فوقه عشان م نتعور
مشعل عقد حواجبه:صاحيه يابنت ! بتتكسرون يامريضه
الجازي:يووه مشعل مب وقت معاند اخلص يلاه اول شي قرب الموتر ورح بعيد شف فيه احد ثم نروح فيها
كشر مشعل وقرب السياره لـ الجدار:اخلصو
رح بعيد وصد عنهم يناظر اذا فيه احد ولا لانه لو احد يشوفهم بتصير فضيحه "بنات حاتم منحاشين "
ضحكت بسخريه مشعل:دخلت لك في موضوع يامشعل بيزيد عليك المشاكل زيياده الله يعين
لف على صوت الجازي وراح ركب السياره وحرك:ليكون تكسرتو ؟
الجازي بالم من كوعها:كوعي تكسر
ضحك مشعل:احسن مسويه باتمان الا تبين تنقزين من فوق
الجازي سفته ولفت على نجد:نجد انتي بخير ؟ مالس حس من يوم نقزنا
نجد وبهمس:بخير بخير بس عضيت على لساني ومعاد احس فيه
الجازي ضحكت بقووه:نجد ليش تتكلمين كانس سكرانه ههههههههههههه
نجد ضرب كتفها وتاشر لها تسكت
مشعل اللي كان مستمع للحديث كله وتمنى الوجع اللي حست فيه بقلبه مو فيها ناظر للجازي:وش عرفس بالسكران وبكلامه ؟
الجازي ابتسمت بوهقه:من المسلسلات
مشعل رفع حواجبه:حححلوو مسلسلات يالجازي يبي لك قعده انتي
قاطع كلامه صوت الرشاش القوي بضرب بالسماء فزت الجازي برعب:مشعل شصاير ؟
مشعل بتوتر:الله يستر والله مدري شصاير ليتني رحت ل الشرطه حقت الديره
نجد بخوف:عادي خل نرجع احسن من اننا نموت
مشعل وقف قدام القسم:مافيه موت انشاءالله يلاه انزلو
-لف ناظر الجازي:والله م ودي انس تنزلين القسم بس يلاه

ذيب دخل مع مدخل ديره بيدور فيها لف على ذياب:بنقعد هنا نريح ونصلي الفجر ثم عاد نقعد نسال الناس عن نجد
ذياب جاء بيتكلم قاطعه صوت الرشاش:امش امش لصوت الرشاش
ذيب:صاحيي انت اروح لـ الموت برجولي !
ذياب:امانه رح بنوقف بعيد نشوف صاير
ذيب:لحول منك ، مشى بتجاه الصوت ووقف سيارته بعيد ويناظر
ابو سعود وهو يطلق الرشاش بالسماء وبصراخ:اطللع ياحمد اطلع والله لنسيك اسمك
فتح الباب برعب ابو حمد:عسى م شر شصاير وين حنا فيه اطلاق نار ومدري ايش ؟!
ابو سعود بعصبيه وصراخ زياده:ولدك وينه حمد ووين
ابو حمد بتوتر:متوقع اني بخليه يطلع لك يعني ماني بايع ولدي وشهو مسوي ونتفاهم
ابو سعود:والله لو م طلع اني لدخل بيتك واجره مثل الكلب طلعه بسسرعه
غسان بحده:يابو حمد طلع حمد عندنا معه موضوع طلع بتعرف فعايل ولدك
ابو حمد جاء بتكلم لف على حمد اللي طلع:جايب ابوك معك ياغسان ليكون الحره للحين بقلبك ؟
غسان ضحك وبهيته وثقه بنفسه:اسمعني ياحمد انا صح اني كسرتك اليوم العصر وحفرت وجهك بالتراب قدام ربعك وجماعتك بس لا تحسب اني بروح شاك بختي ، ابك وصايف اشرف منك ومن اللي ببيتك يانكره ، انت فتحت عليك باب ياحمد م يتسكر وصدقني كل م اشوفك بحفر وجهك بالتراب عشان محد يقدر يفرق بين وجهك والتراب لف ناظر ابوه: شفت الرشاش اللي مع ابوي ؟ تدري اني اقدر اخذه واثور براسك ؟ وتدري اني بايعها ولاني بخايف لا من شرطه ولاشي
قرب من حمد ومسكه مع رقبته وصكه بالجدار وهمس: تدري ان وحده من خواتك تكلمني ؟ لا مو بس تكلمني ماشيه على جماعتك قرب لذنه:عشان كذا ياحمد خواتك الخمسه محد خطبهم اطلق الضحكه المستفزه ولف ناظر ابوه:مبي اخلي شي بخاطرك يالغالي سو اللي تبي وصدقني انا اللي بتحمل ايشي
ابو سعود وجهه الرشاش ل جهه حمد:عن الخاطر ياغسان
ابو حمد برجى:طالبك يابو غسان انك تمسحها وجهي طاللبك
ابو سعود نزل الرشاش ناظر حمد وتفل عليه:تفي على التربيه الشينه شف كيف وضع ابوك يترجى وعشانك فضحته وفضحت اهل بيتك
لف وركب السياره مع غسان وحركو