جادلٍ كل الدروب المعشبه تنبت باثرها

24

-
اخذت كوب الشاهي حقها وطلعت لـ الحوش معها جوالها ودفترها وقلمها
ارسلت لـ الجازي بالواتس:صاحيه ؟
طلعت من الواتس ودخلت السناب ودخلت محادثه صاحبتها عذبه:عذوبه ذكريني اقولك سالفه مهمه بكره وبجيب جوالي عشان اوريك
عذبه بستغراب:وريني الحين طيب
نجد:لا ابي اشوف رده فعلك بالحقيقه
عذبه:تمام
نجد:احد بيداوم من البنات ؟
عذبه:اتوقع بس انا وانتي
نجد:حلووو احلا شي
طلعت من السناب لـ الواتس وشافت رد الجازي
الجازي:لبيه ايه صاحيه شبغيتي ؟
نجد:م بغيت شي بس م نمت وقلت اسولف معك
الجازي:اي سوالف تبين بالضبط ؟
نجد:يعني عن حياتك وحياة اللي حولك وقريب منك
الجازي ابتسمت يوم عرفت مقصدها:محد قريب مني الا مشعل وهذا اليوم الاول واحس اني ضايعه بدونه
نجد بفضول زياده:ايوه ؟
الجازي:صراحه هو المظلوم بالعايله كلشي عليه وفوق ذا كلهم يهاوشونه مرره انبسطت انه توظف عشان م تزيد المشاكل مع فارس وعروب ، اما خالد يووه خالد نفسي دايم يدافع عن مشعل كانه ابوه
نجد عقدت حواجبها:ليش يهاوشونه ؟
الجازي:عشانه بدون وظيفه عرفتي م يشوفونه شي ، بس الحين بيثبت نفسه والكل بيحترمه وغصب
نجد:حمدلله جاته الوظيفه ويرجع بسرعه عشان م تضيعين زياده هههههه
الجازي:ههههههه ، يارب
نجد:عروب كم عمرها ؟
الجازي:اكبر مني عمرها 20
نجد:كانك انتي الكبيره والله
الجازي:هههه الكل يقووله تخيلي
نجد:بتدرسين بكره ولا كالعاده بتسحبين وتقولين"مافيه مستقبل وانا من اهل الديره "
الجازي:زين انس جاوبتي عني
نجد:ادرسي ياخي انا عندي احساس مشعل بيدخلك الجامعه
الجازي:م دخلو عروب يدخلوني انا ؟
نجد:انتي غير عند مشعل ولا ؟
الجازي ابتسمت:ايه بس م ابغا ازيد المشاكل عليه
-
8:00 الصباح
-بالمدرسه-
نجد اخذت عذبه وراحت لـ السطح مكانها المفضل جلست وطلعت جوالها
نجد ناظرت عذبه:شوفي بقولس كلشي بس لا تقاطعيني طيب ؟
عذبه بتوتر:وترتيني اخلصي الله يستر منس
نجد:فيه واحد يحبني
عذبه بصدمه:شتقوولين انتي ؟؟
نجد:اااسمعييي لحظه "علمتها كلشي من البدايه لين ارسل الصوره "
عذبه:وريني الصوره
نجد فتحت جوالها:اخته تقول داخل الوظيفه عشانك تخيلي
دخلت على محادثه مشعل وورت عذبه الصوره:دامه ارسلها يعني داخل عشانك ؟
نجد نزلت عيونها بضيق:بس انا وافقت على غسان ولد عمي
عذبه:ليش م رفضتي ؟
نجد:عشان ابوي ، يالله يالشعور مو حلوو
عذبه:شوفي ان كانه طلع قبل لا تتملكين ودرى انك انخطبتي بيجي ويخرب كلشي اما اذا طلع بعد م تملكتي الله يعينه على الشعور
نجد بضيق:انا ابي اطلع
عذبه:حتى انا بتصل على ابوي
نجد:انا برسل على ذيب يجيني م عنده دوام اليووم
عذبه:زين يلاه بنزل اتصل وارجع لك
نجد:الاداريات لا يشوفونك
نزلت عذبه ونجد اتصلت على ذيب اللي رد مفجوع
ذيب:انت من
نجد ضحكت:وش فيك انا نجد ؟
ذيب عقد حواجبه:الجوال وش يسوي معك بالمدرسه ؟
نجد:ماخذته معي اصور مع صديقتي ، اسمع تعال طلعني مره متضايقه وفيني نوم
ذيب:يلاه بجيك
-
شافت رساله من رقم مشعل دخلتها
مشعل:تنتظريني ؟
نجد بتوتر م تدري وش ترد بعد صراع مع الذات كتبت:ان كان جيتي وانا ماني لـ احد وحاربت عشاني ف انا لك وان كان طلعت وانا على ذمه احد ثاني الله يعينك على الشعور .
شافها مشعل ولا رد طفت جوالها وحطته بجيبها ونزلت من السطح وطلع بوجهها عذبه
نجد بهمس:مشعل ارسل
عذبه بنفس الهمس:شقال ؟
نجد:قال تنتظريني ؟ قلت نفس كلامك
عذبه:حلو زين تهيئينه لـ الموضوع
-
صقر اللي اول مره يدخل الديره وهو مو متلطم وخايف من احد يمشي وهو مستقصد بيت ابو حنان ولا عليه من ذبات الكلام اللي يسمعه معاد فيه حيل يشوف خواتها يبون ابوهم وابوه يبي يرجع بس الفضيحه تمنعه شال حمل ثقيل طول السنتين بس هالحين بيثبت كلشي وغصب
دق باب بيت ابو حنان وطلع اخو حنان الصغير
صقر:ناد لي ابوك قل له صقر ولد عبدالله برا
راح الولد ينادي ابو حنان وطلع
ابو حنان:اووه اخيراً جيت تشوف ولدك ياولد عبدالله
صقر:جب الولد امي تبي تشوفه
ابو حنان راح جابه:وياليت م ترجعه ربه انت
صقر ابتسمت:اييه بربيه بربيه يوم ونص وهو عندكم ومع دليل ان ذا الولد مهوب مني وان بنتك مبتليتني هين
مشى صقر سافه كلام ابو حنان المتوتر ركب سيارته وحرك والولد بحظنه طلع من الديره ووقف على جنب
ناظر الولد ومسح على خده تنهد:والله مالك ذنب عشان تعيش العيشه ذي ، ربي بيعوضك باذن الله
الولد كان عمره سنه وثلاث شهور كان يتحرك بحضن صقر بعشوائيه
توجه لـ المستشفى عشان يسوي تحليل الـ DNA
-
-بعد سبوع-
نجد وهي جالسه مع اخوانها وابوها وتصب لهم الشاهي تنحنحت:ترا تخرجي م بقا له الا ثلاث اسابيع
ذياب:طيب شنسوي لك ؟
نجد:يعني ادخال السرور على قلب مسلم
ذيب:يووه عاد انا ودي اطلع سياره جديده معليش مقدر اسوي لك شي
ذياب:وانا بقط معه لـ سيارتها معليش بكون مطفر
نجد حطت يدها على خصرها:وانت يبه ؟
ابو نجد ضحك:وانا دافع نص فلوس السياره نفرحس بعدين
نجد بزعل:يوه منكم تراني بنتكم ماني بنت الجاره
ذيب ضحك:عاد لو هي بنت الجازه عطيناها هديه
نجد بنرفزه:يوه يسمجك
غيث:انا مجمع لي 50 بوديس فيها لـ كوفي
نجد ضمت غيث:يروحي يغيثثث صيرو نفسهه ياخي
ذياب:ايووه انا تذكرت شي ذيب تذكر الولد اللي لقى نجد ؟
ذيب عقد حواجبه:ايه شفيه ؟
نجد وقلبها يدق بقوه وتوترت:شجاب طاري ؟
ذياب:انا قلت بعطيه هديه وكذا كـ شكر له ونسيت لحول
ابو نجد:اجل دام بكره جمعه واجازه نمشي كلنا نمسك خط ونروح لـ بيته
نجد:انا مابي اروح اخاف تنسوني بمحطه ولاشي
ذيب ضحك:لا لا م عليك بتروحين معنا وماراح ننساك
نجد:م تقدرون تعيشون بدوني يعني لازم اروح معكم ؟
ابو نجد:اييه نعم انا م اقدر اعيش بدون بنتي
نجد استحت:استحيت استحيت عشان بابا بس بروح
ذيب بتقليد:عشان بابا
نجد:انا بروح انام وانتو بعد نامو عشان نمشي بدري ونرجع بدري
راحت نجد لـ غرفتها لف ذيب على ابوه
ذيب:يبه انا لقيت مكان بيعجب نجد لا تخرجت نسوي لها حفله هناك شرايك